ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵜⴻⵙⵙⴰⵡⴻⵍ ⵉ ⵉⵎⵙⴻⵜⴽⵉⵢⴻⵏ ⵏ ⵢⵉⵣⵉⵔⵉⴳⴻⵏ ⵏ ⵓⴳⴻⵔⴷⴰⵙ ⵏ ⵡⴰⵍⵎⴰⴷ ⴰⵎⵎⴰⵙ (ⴱⴻⵎ) ⴷ ⵓⴳⴻⵔⴷⴰⵙ ⵏ ⵍⴰⴱⴰⴽⴰⵍⵓⵔⵢⴰ ⵏ ⵜⴰⵍⵍⵉⵜ ⵏ 2026, ⴰⵎⴰ ⴷ ⵡⵉⴷ ⵏ ⵓⵖⴻⵔⴱⴰⵣ ⵏⴻⵖ ⴷ ⵡⵉⴷ ⵉⵎⵓⵏⵏⴻⵏ (ⵍⵉⴱⵔⴻⵙ), ⵉⵡⴰⴽⴽⴻⵏ ⴰⴷ ⵉⵡⴰⵍⵉⵏ ⵉⵙⴰⵍⵉⵢⴻⵏ-ⵏⵙⴻⵏ ⵉ ⵢⴻⵜⵜⵡⴰⴽⴻⵍⵙⴻⵏ ⴷⴻⴳ ⵓⵙⵉⵜ ⵏ ⵓⵙⴻⵏⴱⴻⴷⴷ ⴰⵖⴻⵍⵏⴰⵡ ⵏ ⵢⵉⴽⴰⵢⴰⴷⴻⵏ ⴷ ⵜⴻⵎⵍⵉⵍⵉⵢⵉⵏ (ⵓⵏⴻⵛ) ⵓ ⴰⴷ ⵙⴻⵏⵇⴷⴻⵏ ⵎⴰ ⵢⴻⵍⵍⴰ ⵡⵓⴳⵓⵔ ⴷⴻⴳ-ⵙⴻⵏ.
ⵜⴰⵏⴻⵖⵍⴰⴼⵜ ⵜⴻⵙⵙⴻⴽⴻⵏ-ⴷ ⴷⴻⴳ ⵢⵉⵡⴻⵜ ⵏ ⵜⴻⴱⵔⴰⵜ, ⴰⵙⵙ-ⴰ ⵏ ⵍⵃⴻⴷⴷ, ⴱⴻⵍⵍⵉ ⴰⵅⴻⴷⴷⵉⵎ-ⴰⴳⵉ ⴰⴷ ⴷ-ⵢⵉⵍⵉ ⵙⴻⴳ ⵡⴰⵙⵙ ⵏ ⵍⴻⵜⵏⵉⵢⴻⵏ 26 ⵢⴻⵏⵏⴰⵢⴻⵔ 2026 ⴰⵍⴰⵎⵎⴰ ⴷ ⵡⴰⵙⵙ ⵏ ⵍⴻⵜⵏⵉⵢⴻⵏ 09 ⴼⵓⵔⴰⵔ 2026, ⴷⴻⴳ ⵢⵉⵟⵓⴽⴽⵓⵜⴻⵏ-ⴰⴳⵉ:
- ⵉ ⵓⴳⴻⵔⴷⴰⵙ ⵏ ⴱⴻⵎ: https://bem.onec.dz
- ⵉ ⵓⴳⴻⵔⴷⴰⵙ ⵏ ⴱⴰⴽ: https://bac.onec.dz
- ⵉ ⵢⵉⵎⴰⵡⵍⴰⵏ ⵏ ⵢⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ: https://awlya.education.dz
ⵜⴻⵔⵏⴰ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵎⴰ ⵢⴻⵍⵍⴰ ⵍⵖⴻⵍⴹ ⴷⴻⴳ ⵢⵉⵙⴰⵍⵉⵢⴻⵏ, ⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⵉⵍⴰⵇ ⴰⴷ ⵅⴻⴱⵔⴻⵏ ⵉⵎⴹⴻⴱⴱⵔⴻⵏ ⵏ ⵢⵉⵖⴻⵔⴱⴰⵣⴻⵏ-ⵏⵙⴻⵏ ⵓⵇⴱⴻⵍ ⵡⴰⵙⵙ ⵏ 10 ⴼⵓⵔⴰⵔ 2026.
ⵎⴰ ⴷ ⵉⵎⵙⴻⵜⴽⵉⵢⴻⵏ ⵉⵎⵓⵏⵏⴻⵏ (ⵍⵉⴱⵔⴻⵙ), ⵉⵍⴰⵇ ⴰⴷ ⵅⴻⴱⵔⴻⵏ ⵜⴰⵣⵎⵉⵍⵜ ⵏ ⵓⵙⴻⴳⵎⵉ ⵏⴻⵖ ⴰⵎⵎⴰⵙ ⵏ ⵓⵖⴻⵔⴱⴰⵣ ⵏ ⵍⴱⵓⵄⴷ (ⵓⵏⴻⴼⴷ) ⵉⵡⴰⴽⴽⴻⵏ ⴰⴷ ⵎⵍⴻⵏ ⵍⵖⴻⵍⴹ-ⵏⵏⵉ ⵓⵇⴱⴻⵍ ⵡⴰⵙⵙ ⵏ 10 ⴼⵓⵔⴰⵔ 2026 ⴷ ⵜⴰⵍⵍⵉⵜ ⵜⴰⵏⴻⴳⴳⴰⵔⵓⵜ.
ⵎⴰ ⵢⴻⵍⵍⴰ ⵍⵖⴻⵍⴹ ⵢⴻⵍⵍⴰ-ⴷ ⴷⴻⴳ ⵓⵟⵟⵓⵏ ⵏ ⵜⵉⴽⴽⴰⵍ ⵉ ⴷ-ⵣⵣⴻⵡⵔⴻⵏ ⵉ ⵢⵉⴽⴰⵢⴰⴷⴻⵏ ⵏⴻⵖ ⵖⴻⴼ ⵓⴳⴻⵔⴷⴰⵙ ⵏ ⴱⴰⴽ ⵉ ⵙⵄⴰⵏ ⵢⴰⴽⴰⵏ, ⵉⵎⵙⴻⵜⴽⵉⵢⴻⵏ ⵉⵍⴰⵇ ⴰⴷ ⴽⴻⵎⵎⵍⴻⵏ ⵍⴻⵅⵍⴰⵚ ⵏ ⵢⵉⴷⵔⵉⵎⴻⵏ ⵉ ⴷ-ⵢⴻⵇⵇⵉⵎⴻⵏ ⴷⴻⴳ ⵓⵙⴻⴱⵜⴻⵔ ⵏ ⵓⴼⵓⵙ ⵏ ⵍⴻⵅⵍⴰⵚ: epay.education.dz, ⵓⵇⴱⴻⵍ ⵡⴰⵙⵙ ⵏ ⵍⴻⵜⵏⵉⵢⴻⵏ 09 ⴼⵓⵔⴰⵔ 2026.
ⴰⵔⵏⵓ ⵖⴻⵔ
