ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⴰⵢ ⵓⵏⵖⵍⴰⴼ ⵏ ⵜⴻⵢⵡⴰⵍⵜ, ⵎⴰⵙⵙ ⵣⵓⵀⵉⵔ ⴱⵓⵄⵎⴰⵎⴰ, ⴰⵙⴻⴽⵔⴻⵎ ⵓⵏⵚⵉⴱ ⵏ ⵢⵉⵎⵔⴻⴱⴱⴰⵃⴻⵏ ⴷⴻⴳ ⵜⵙⵓⵜⵍⵜ ⵜⵉⵙ ⵅⴻⵎⵙⴰ (05) ⵏ ⵜⵉⵎⵣⵉⵣⵣⴻⵍⵜ ⵜⴰⵖⴻⵍⵏⴰⵡⵜ ⵏ ⵜⵖⴻⵎⵙⴰ ⵜⴰⵡⴻⵏⵏⴰⴹⴰⵏⵜ. ⵜⵉⵎⵣⵉⵣⵣⴻⵍⵜ-ⴰⴳⵉ ⵜⴻⵔⵣⴰ ⵍⴻⵇⴷⵉⵛⴻⵏ ⵏ ⵢⵉⵙⴰⵍⵍⴻⵏ ⵉⵊⴻⵀⴷⴻⵏ ⵉ ⴷ-ⵢⴻⵜⵜⴰⴽⴽⴻⵏ ⵜⴰⵎⵓⵙⵏⵉ ⵢⴻⵔⵏⴰ ⵙⵙⴻⴼⵔⴰⵢⴻⵏ ⵉⵎⴻⵣⴷⴰⵖ ⵖⴻⴼ ⵜⵎⵉⵙⴰⵍ ⵏ ⵜⴰⵡⴻⵏⵏⴰⴹⵜ ⴷⴻⴳ ⵍⵣⵣⴰⵢⴻⵔ.
ⵜⴻⴹⵔⴰ-ⴷ ⵜⴼⴰⵙⴽⴰ ⵏ ⵓⴼⵔⴰⵢ ⵏ ⵡⴰⵔⵔⴰⵣⴻⵏ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ, ⵙ ⵓⵃⴰⴷⴰⵔ ⵏ ⵓⵎⴻⵎⵎⴻⵜⵜⵉⵍ ⵏ ⵓⵎⵛⵉⵡⴰⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵔⵣⴰⵏ ⵜⴰⵏⴻⴱⴷⴰⴷⵜ ⵜⴰⵎⴰⵜⵓⵜ ⵏ ⵜⴻⵢⵡⴰⵍⵜ, ⵎⴰⵙⵙ ⵄⴻⴱⴷⵓⵍⵡⴰⵀⴰⴱ ⴱⵓⴽⵔⵓⵃ, ⴷ ⵢⵉⵎⴻⵎⵎⴻⵜⵜⵉⵍⴻⵏ ⵏ ⵜⵏⴻⵖⵍⴰⴼⵜ ⵏ ⵜⴰⵡⴻⵏⵏⴰⴹⵜ ⴷ ⵜⵓⴷⴻⵔⵜ ⵢⴻⵍⵀⴰⵏ, ⵖⴻⵔ ⵜⴰⵎⴰ ⵏ ⵢⵉⵎⴻⵇⵇⵔⴰⵏⴻⵏ ⵏ ⵢⵉⵃⵛⴻⵏ ⵏ ⵜⵣⵎⴻⵔⵜ ⴷ ⵜⵎⴻⵔⵙⴻⵍⵉⵏ ⵏ ⵢⵉⵙⴰⵍⵍⴻⵏ.
ⴰⵔⵔⴰⵣ ⵏ ⵓⵃⵔⵉⵛ ⵏ ⵢⵉⵙⴰⵍⵍⴻⵏ ⵙⵍⵉⵡ-ⵡⴰⵍⵉⵡ ⵢⴻⵔⵔⴰ ⵖⴻⵔ ⵛⴰⵀⵔⴰⵣⴰⴷ ⵡⴰⵍⵉⴷ ⵄⴻⵣⵣⵓⵣ ⴷ ⵎⴻⵙⵄⵓⴷⴰ ⴱⴻⴽⴽⴰⵔⵢⴰ ⵙⴻⴳ ⵜⵉⵍⵉⵍⵉⵡⵉⵜ "ⴻⵏⵏⴰⵀⴰⵔ", ⵖⴻⴼ ⵍⴻⵇⴷⵉⵛ-ⵏⵙⴻⵏⵜ ⵢⴻⵔⵣⴰⵏ "ⴰⴱⴻⴷⴷⴻⵍ ⵏ ⵓⵏⴻⵣⵡⵉ ⴷⴻⴳ ⵍⵣⵣⴰⵢⴻⵔ". ⴷⴻⴳ ⵓⵃⵔⵉⵛ ⵏ ⵢⵉⵙⴰⵔⴰⴳⴻⵏ ⵏ ⵡⴰⵡⴰⵍ , ⵢⴻⵔⵔⵡⴻⵃ ⵎⴰⵙⵙ ⵔⴻⴹⴰ ⵎⴻⵏⴰⵚⴻⵍ ⵙⴻⴳ ⵜⴰⴳⴳⴰⵢⵜ ⵜⵉⵙ ⴽⵔⴰⴹⵜ ⵏ ⵢⵉⵙⴰⵔⴰⴳ ⴰⵣⵣⴰⵢⵔⵉ. ⵎⴰ ⴷ ⴰⵔⵔⴰⵣ ⵏ ⵜⵖⴻⵎⵙⴰ ⵢⴻⵜⵜⵓⵊⴻⵔⵔⴻⴷⴻⵏ, ⵜⴻⵡⵡⵉ-ⵜ ⵎⴰⵙⵙⴰ ⵏⴰⴷⵢⴰ ⵙⵍⵉⵎⴰⵏⵉ ⵙⴻⴳ ⵖⴻⵎⵙⴰ "ⴻⵛⵛⵓⵔⵓⵇ" ⵖⴻⴼ ⵓⵙⴻⵏⵜⴻⵍ ⵏ "ⵜⴷⴰⵎⵙⴰ ⵢⴻⵜⵜⴻⵣⵣⵉⵏ ⴷⴻⴳ ⵍⵣⵣⴰⵢⴻⵔ".
ⴷⴻⴳ ⵓⵃⵔⵉⵛ ⵏ ⵜⵖⴻⵎⵙⴰ ⵜⴰⵎⴹⴰⵏⵜ , ⴼⴽⴰⵏ ⵙⵉⵏ ⵏ ⵡⴰⵔⵔⴰⵣⴻⵏ: ⵢⵉⵡⴻⵏ ⵉ ⵜⵖⴻⵎⵙⴰⵜ ⵏ ⵓⵙⵎⴻⵍ "ⵇⴰⵚⴱⴰ ⵜⵔⵉⴱⵓⵏ", ⵎⴰⵊⴷⴰ ⵣⵓⵡⵉⵏ, ⵖⴻⴼ ⵍⴻⵇⴷⵉⵛ-ⵉⵙ ⵢⴻⵔⵣⴰⵏ ⵜⵉⵎⴻⵟⵟⵓⵜⵉⵏ ⵜⵉⴼⵍⵍⴰⵃⵉⵏ ⴷ ⵜⵎⴻⵙ (ⵍⵄⴰⴼⵉⵜ), ⵎⴰ ⴷ ⵡⴰⵢⴻⴹ ⵢⴻⵔⵔⴰ ⵖⴻⵔ ⵎⴰⵙⵙ ⵄⴻⴱⴷⵓⵍⵡⴰⵀⴰⴱ ⴱⵓⴷⴻⵔⴱⴰⵍⴰ ⵖⴻⴼ ⵓⵙⴻⵇⴷⴻⵛ ⵏ ⵜⴰⵎⵓⵙⵏⵉ ⵜⵓⵙⵏⵉⵍⴼⵜ (AI) ⴷⴻⴳ ⵜⵣⵎⴰⵔ.
ⴷⴻⴳ ⵡⴰⵡⴰⵍ-ⵉⵙ, ⵎⴰⵙⵙ ⴱⵓⵄⵎⴰⵎⴰ ⵢⴻⴼⵔⴻⵃ ⵙ ⵢⵉⵎⵔⴻⴱⴱⴰⵃⴻⵏ ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵙⴰⵍ ⵏ ⵜⴰⵡⴻⵏⵏⴰⴹⵜ ⵊⵊⴻⵀⴷⴻⵏⵜ ⴰⵟⴰⵙ ⴷⴻⴳ ⵓⵎⴰⴹⴰⵍ ⵏ ⵜⵓⵔⴰ. ⵢⴻⵙⵙⵓⵜⴻⵔ ⴰⴷ ⵢⵉⵍⵉ ⵓⵎⵢⴻⵍⵍⴻⵍ ⴳⴰⵔ ⵓⵎⴻⵜⵜⵉ ⴰⵖⴻⵔⵎⴰⵏ ⴷ ⵜⵖⴻⵎⵙⴰ ⵉ ⵡⴰⴽⴽⴻⵏ ⴰⴷ ⵙⴻⴷⵎⴻⵔⵏ ⵜⴰⵖⴻⵔⵜ ⵏ ⵓⵡⴰⵏⴰⴽ ⵙ ⵢⵉⴻⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ.
ⴰⵏⵖⵍⴰⴼ ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵓⵙⴻⴽⵛⴻⵎ ⵏ ⵢⵉⵙⴰⵍⵍⴻⵏ ⵉⵖⴻⵍⵏⴰⵡⴻⵏ ⴷⴻⴳ ⵓⵙⴰⴽⵉ ⵏ ⵜⵎⵉⵙⴰⵍ ⵏ ⵜⴰⵡⴻⵏⵏⴰⴹⵜ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵏⴰⴳⵎⴰⵢ ⵢⴻⵍⵎⴻⴷⴻⵏ ⴰⴷ ⵢⵉⵍⵉ ⴷ ⴰⵇⴻⵔⵔⵉⴱ ⵏ ⵓⵎⴻⵣⴷⴰⵖ ⵉ ⵡⴰⴽⴽⴻⵏ ⴰⴷ ⵜ-ⵉⵃⴰⴷⴻⵔ ⵎⴳⴰⵍ ⵢⵉⵎⵉⵞⵉⵢⴻⵏ (ⵍⴻⵅⵟⴻⵔ).
ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ ⴰⵃⵔⵉⵛ-ⵉⵙ ⵢⴻⵜⵜⴰⴽⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵙⵉⵍⴻⵯ (Training), ⵖⴻⵔ ⵜⴰⵎⴰ ⵏ ⵜⴰⵍⵍⴻⵍⵜ ⵉ ⵢⵉⵙⵓⵔⴰ ⵏ ⵡⴰⵏⵏⴰⵔ ⴰⵎ ⵓⵡⴰⵀⵉⵍ ⵏ ⵓⵥⵥⵓ ⵏ ⵅⴻⵎⵙⴰ (05) ⵏ ⵢⵉⵎⵍⵢⵓⵏⴻⵏ ⵏ ⵢⵉⵙⴻⴳⵍⴰ (ⵜⵉⵣⴻⴳⵡⴰ). ⵎⴰⵙⵙ ⴱⵓⴽⵔⵓⵃ ⵢⴻⵏⵏⴰ-ⴷ ⵓⵍⴰ ⴷ ⵏⴻⵜⵜⴰ ⴱⴻⵍⵍⵉ ⵢⴻⵍⵀⴰ ⴰⴷ ⵇⴰⴱⵍⴻⵏ ⵉⵖⵉⵍⵉⴼⴻⵏ ⵏ ⵓⵎⴰⴹⴰⵍ ⵢⴻⵜⵜⴱⴻⴷⴷⵉⵍⴻⵏ ⵙ ⵜⵎⵓⵙⵏⵉ ⴷ ⵓⵎⵢⴻⵍⵍⴻⵍ.
ⴰⵔⵏⵓ ⵖⴻⵔ
