ⵢⴻⵙⴻⵍⵡⵉ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵙⴻⵉⴼⵉ ⵖⴰⵔⵉⴱ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵜⵏⴰⴱⴰⴹⵜ ⵉ ⵢⴻⵡⵡⵉⵏ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ, ⵍⴰⴷⵖⴰ ⴰⵙⴻⵏⴼⴰⵔ ⵏ ⵓⴷⴻⴼⴼⵉⵔ ⵉ ⵢⴻⵇⵇⵏⴻⵏ ⵖⴻⵔ ⵓⴼⴰⵔⴻⵙ ⴰⵙⵍⵉⵥⵔⵉ ⴷ ⵓⵚⴻⵡⵡⴻⵔ ⵏ ⵢⵉⵙⵓⵔⴰ ⴷ ⵡⴰⵢⴻⵏ ⴰⴽⴽ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ-ⴰⴳⵉ.
ⴰⴹⵔⵉⵙ-ⴰ ⴰⴷ ⵢⴻⵍⴷⵉ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵍⵓⴳⴻⵏ ⵢⴻⴽⵎⴻⵍⵏ ⵉ ⵓⴼⴰⵔⴻⵙ ⴰⵙⵍⵉⵥⵔⵉ, ⴷ ⵓⵙⴻⵇⴷⴻⵛ ⵏ ⵜⵜⴻⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⵉⵡⴰⴽⴽⴻⵏ ⴰⴷ ⵙⵙⴻⵀⵍⴻⵏ ⵜⵉⴼⵔⴰⵜ ⵏ ⵜⴻⵡⵔⴰⵇⵉⵏ ⴷ ⵜⵓⵜⵜⵔⵉⵡⵉⵏ.
ⵙⵉ ⵢⵉⴷⵉⵙ ⵏⵏⵉⴹⴻⵏ, ⵜⴰⵏⴰⴱⴰⴹⵜ ⵜⴻⵙⵍⴰ ⵉ ⵢⵉⵡⴻⵜ ⵏ ⵜⵙⵉⵡⵉⵍⵜ ⵖⴻⴼ ⵡⴰⵀⵉⵍⵏ ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉⵡⴰⴽⴽⴻⵏ ⴰⴷ ⵃⴻⵔⵣⴻⵏ ⵉⴳⵔⴰⴷⴰⵏ ⵉⵎⴻⵙⵄⵓⴼⴻⵏⵉ ⵢⴻⵣⴳⵔⴻⵏ 18 ⵏ ⵢⵉⵙⴻⴳⴳⴰⵙⴻⵏ. ⵉⵙⵡⵉ-ⵙ ⴷ ⴰⵙⴻⵀⴻⵍ ⵏ ⵜⵓⴷⴻⵔⵜ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⴰⵅⴻⴷⴷⵉⵎ ⴷ ⵓⴽⴻⵛⵛⵓⵎ ⴷⴻⴳ ⵜⵎⴻⵜⵜⵉ ⴱⵍⴰ ⵢⵉⴼⴻⵏⵏⵉⵢⴻⵏ.
ⴷⴻⴳ ⵜⴰⴳⴰⵔⴰ, ⵜⴰⵏⴰⴱⴰⴹⵜ ⵜⴻⵙⵍⴰ ⵉ ⵢⵉⵡⴻⵜ ⵏ ⵜⵙⵉⵡⵉⵍⵜ ⵖⴻⴼ ⵡⴰⵀⵉⵍ ⴰⵖⴻⵍⵏⴰⵡ ⵏ ⵓⵎⵙⴰⴷⴰ ⴷ ⵢⵉⴱⴻⴷⴷⵉⵍⴻⵏ ⵏ ⵜⴻⴳⵏⴰⵡⵜ . ⴰⵙⴻⵏⴼⴰⵔ-ⴰⴳⵉ ⵢⴻⴱⵖⴰ ⴰⴷ ⵢⴻⵙⵏⴻⵔⵏⵉ ⵜⴰⵣⵎⴻⵔⵜ ⵏ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵜⴻⴱⴷⴻⴷ ⵎⴳⴰⵍ ⵍⴻⵅⵙⴰⵔⴰ ⵏ ⵓⴱⴻⴷⴷⴻⵍ ⵏ ⵍⵃⴰⵍ, ⵍⴰⴷⵖⴰ ⴷⴻⴳ ⵡⴰⵎⴰⵏ, ⵜⴰⴼⴻⵍⵍⴰⵃⵜ ⴷ ⵜⴻⴷⵎⴻⵔⵜ . ⵡⴰⵀⵉⵍ-ⴰⴳⵉ ⴰⴷ ⵢⴻⴼⴽ ⴷⴰⵖⴻⵏ ⵜⵉⴽⴰⵔⴹⵉⵡⵉⵏ ⵏ ⵢⵉⵎⵉⵣⵉⵜⴻⵏ ⴷ ⵡⴰⵀⵉⵍⵏ ⵏ ⵓⵎⵙⴰⴷⴰ ⴷⵉ ⵢⴰⵍ ⵜⴰⵎⵏⴰⴹⵜ.
ⴰⵔⵏⵓ ⵖⴻⵔ
