ⵢⴻⵔⴽⴻⴱ ⵓⴱⵉⵕⵓ ⵏ ⵓⵙⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵊⴻⵏⴻⵠⴰ (ⵙⵙⵡⵉⵙ), ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⴰⵏⴻⵖⵎⴰⵙⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵜⴰⵍⵓⴼⵜ ⵜⴰⵙⴻⵃⵔⴰⵡⵉⵜ ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ 62 ⵏ ⵓⵙⵇⴰⵎⵓ, ⴰⵔⴰ ⵢⵉⴷⵓⵎⴻⵏ ⴰⵔⵎⵉ ⴷ 7 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ.
"ⵜⴰⴳⵔⵓⵎⵎⴰ ⵏ ⵊⴻⵏⴻⵠⴰ ⵉ ⵓⴷⴻⴳⴳⴻⵔ ⵏ ⵓⵏⴻⵥⵔⵓⴼ ⵓⵜⵔⵉⵎ" ⴷ ⵜⵉⵏ ⵉ ⴷ-ⵢⴻⵙⵙⵓⴷⴷⵙⴻⵏ ⵜⵉⴳⴳⴰⵡⵜ-ⴰⴳⵉ ⵙ ⴷⴷⴰⵡ ⵏ ⵓⵣⴻⵏⵣⵉⵖ "ⴰⵏⴻⵥⵔⵓⴼ ⵓⵜⵔⵉⵎ ⴷ ⵓⵣⵔⴻⴼ ⵏ ⵓⵙⴻⵏⵏⴻⴷ ⵏ ⵢⵉⵎⴰⵏ: ⵉⴽⴰⵢⴰⴷⴻⵏ ⵏ ⵜⵙⴻⴷⴷⴰⵢⵜ ⵜⴰⴳⵔⴰⵖⵍⴰⵏⵜ". ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵓⴷⵉⵡⴻⵏⵏⵉ ⴰⴳⵔⴻⵖⵍⴰⵏ ⵉ ⵉⵜⴻⴷⴷⵓⵏ ⵖⴻⴼ ⵡⴰⴷⴷⴰⴷ ⵏ ⵓⵏⵏⴰⵔ ⵢⴻⵜⵜⵡⴰⵃⵔⴻⵙⴻⵏ ⴷ ⵜⴰⵔⵔⴰⵢⵉⵏ ⵏ ⵓⴼⵔⵓⵔⴻⵢ ⵏ ⵓⵎⴻⵏⵏⵓⵖ ⵙ ⵓⵇⴰⴷⴻⵔ ⵏ ⵜⵏⴻⵖⵜⴰⵙⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵄⵏⴰⵏ ⴰⵙⵏⴻⴼⵓ ⵏ ⵓⵏⴻⴽⵛⵓⵎ
ⵜⵜⴻⴽⴽⵉⵏ ⴷⴻⴳ ⵜⴰⵏⴻⵖⵎⴰⵙⵜ-ⴰⴳⵉ ⵡⴰⵟⴰⵙ ⵏ ⵓⴷⵎⴰⵡⴻⵏ ⵏ ⵜⴷⵉⵒⵍⵓⵎⴰⵙⵉⵜ, ⵏ ⵜⵓⵙⵙⵏⴰ ⴷ ⵢⵉⵣⴻⵔⴼⴰⵏ ⵙⴻⴳ ⵡⴰⵟⴰⵙ ⵏ ⵜⵎⵓⵔⴰ. ⴳⴰⵔ-ⴰⵙⴻⵏ ⵉⵎⴰⵙⵓⵏⵏⴻⵏ ⵉⵚⴻⵃⵔⴰⵡⵉⵢⴻⵏ ⵎⴰⵍⴰⵉⵏⵉⵏ ⵍⴰⴽⵀⴰⵍ, ⴰⵎⵜⴻⵍ ⵏ ⵜⴻⴳⴷⵓⴷⴰ ⵜⵉⵏⴻⵙⵍⴻⵎⵜ ⵜⴰⵙⴻⵃⵔⴰⵡⵉⵜ ⴷⴻⴳ ⵉⵜⵢⵓⴱⵢⴰ ⴷ ⵜⴷⵓⴽⵍⵉ ⵏ ⵜⴻⴼⵔⵉⵇⵜ, ⴷ Oⵓⴱⵉ ⴱⴰⵛⵀⵉⵔ, ⴰⵎⵛⴻⵡⵡⴻⵔ ⵓⴼⵔⵉⵏ ⵏ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ ⵢⴻⵄⵏⴰⵏ ⴰⴳⴻⵔⵔⵓⵊ ⴰⴳⴰⵎⴰⵏ ⴷ ⵜⴻⵎⵙⴰⵍ ⵏ ⵓⵣⵔⴻⴼ ⵢⴻⵔⵏⴰ ⴷ ⴰⵎⵜⴻⵍ ⵏ ⵊⵉⴱⵀⴰⵜ ⴻⵍ-ⵒⵓⵍⵉⵙⴰⵔⵉⵓ ⴷⴻⴳ ⵊⴻⵏⴻⵠⴰ. ⵜⴻⵙⵙⴻⵍⵡⴰⵢ ⵜⵉⵖⵉⵎⵉⵜ-ⴰⴳⵉ ⵎⴰⵙⵙⴰ ⵛⴰⵜⵀⴻⵔⵉⵏⴻ ⵛⵓⵏⵙⵜⴰⵏⵜⵉⵏⵉⴷⴻⵙ ⵙⴻⴳ ⵡⴰⵎⵎⵓⵙⵓ ⵏ ⵓⵎⴹⴰⵎⴰⵏ ⴷ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ.
ⵉⵜⵜⵡⴰⵕⴶⴰ ⴰⴷ ⴷ-ⵣⵣⵉⵏ ⵢⵉⵙⵏⵓⵎⵍⴻⵏ (interventions) ⵖⴻⴼ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ ⴰⴳⵔⴻⵖⵍⴰⵏ ⵏ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵢⵉⴽⴰⵢⴰⴷⴻⵏ ⵉ ⴷ-ⵎⵎⴰⴳⵔⴻⵏ ⵍⵍⵙⴰⵙ ⵏ ⵓⵙⴻⵏⵏⴻⴷ ⵏ ⵢⵉⵎⴰⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⴱⴻⴷⴷⵉⵍⴻⵏ ⵉⵙⴻⵔⵜⵉⵢⴻⵏ ⵏ ⵜⴻⵎⵙⴰⵍⵜ-ⴰⴳⵉ ⴷⴰⵅⴻⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⵉ ⴷⴻⴳ ⵜⵜⴻⴷⴷⵓⵏ ⵍⵎⴻⴶⵀⵓⴷⴰⵜ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵓⴼⵔⵓⵔⴻⵢ "ⵓⴼⵔⵉⵏ, ⵉⵕⴻⵙⵙⴰⵏ ⵢⴻⵔⵏⴰ ⵢⴻⵜⵜⵡⴰⵇⴱⴻⵍ ⵙ ⵜⴰⵎⴰ ⵏ ⵙⵉⵏ ⵏ ⵢⵉⴽⵓⴱⴰⵔ", ⵉⵡⴰⴽⴽⴻⵏ ⴰⴷ ⵉ⵿ⵎⴻⵏ ⵉ ⵓⵖⵔⴻⴼ ⴰⵚⴻⵃⵔⴰⵡⵉ ⴰⵣⵔⴻⴼ-ⵉⵙ ⵓⵔ ⵏⴻⵣⴳⵉⵍ (inalienable) ⵉ ⵓⵙⴻⵏⵏⴻⴷ ⵏ ⵢⵉⵎⴰⵏ, ⵙ ⵓⵇⴰⴷⴻⵔ ⵏ ⵜⵙⴻⴷⴷⴰⵢⵜ ⵜⴰⴳⵔⴰⵖⵍⴰⵏⵜ ⴷ ⵜⵏⴻⵖⵜⴰⵙⵉⵏ ⵏ ONU.
ⴰⵔⵏⵓ ⵖⴻⵔ
