ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⴰⵢ ⵓⵏⵖⵍⴰⴼ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ ⴷ ⵓⵙⵉⴷⴷⴻⵔ ⵏ ⵡⴰⵢⴻⵏ ⵏⴻⵣⵏⵓⵣⵓ, ⵎⴰⵙⵙ ⴽⴰⵎⴰⵍ ⵔⴻⵣⵉⵇ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵓⵎⴰⵀⵉⵍ ⴷ ⵢⵉⵎⴼⴰⵔⵉⵙⴻⵏ ⴷ ⵡⵉⴷ ⴷ-ⵢⴻⵜⵜⴰⵡⵉⵏ ⵡⴰⵍⴰⵜⴻⵏ ⵏ ⵜⵏⴻⵎⵎⴻⵍ ⵏ ⵡⴰⵙⵇⴰⵎⵓ ⵏ ⵓⵙⵎⴰⵢⵏⵓ ⴰⴷⴰⵎⵙⴰⵏ ⴰⵣⵣⴰⵢⵔⵉ, ⵙ ⵓⵃⴰⴷⴰⵔ ⵏ ⵓⵎⵙⴻⵍⵡⴰⵢ ⵏ ⵡⴰⵙⵇⴰⵎⵓ ⵎⴰⵙⵙ ⴽⴰⵎⴰⵍ ⵎⵓⵍⴰ.
ⴷⴻⴳ ⵜⵉⵎⵍⵉⵍⵉⵜ-ⴰⴳⵉ, ⵙⵙⴻⴽⵏⴻⵏ-ⴷ ⴰⴷⴷⴰⴷ ⵏ ⵓⵃⵔⵉⵛ-ⴰⴳⵉ, ⵜⵉⵣⵎⴰⵔ ⵏ ⵓⴼⴰⵔⵉⵙ ⴰⵖⴻⵍⵏⴰⵡ, ⴷ ⵡⴰⵜⵉⴳ ⵏ ⵡⴰⵢⴻⵏ ⵃⵡⴰⵊⴻⵏ ⴰⴷ ⵜ-ⵉⴷ-ⴰⵡⵢⴻⵏ ⵙⴻⴳ ⴱⴻⵔⵔⴰ ⵉ ⵡⴰⴽⴽⴻⵏ ⴰⴷ ⵀⴻⴳⴳⵉⵏ ⵉ ⵓⴽⵛⵓⵎ ⵖⴻⵔ ⵜⵏⴻⵎⵎⴻⵍ ⵉ ⴷ-ⵢⴻⴷⴷⵓⵏ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ.
ⴷⴻⴳ ⵓⵃⵔⵉⵛ-ⴰⴳⵉ, ⴹⴻⵎⵎⵏ-ⴷ ⴱⴻⵍⵍⵉ ⵡⴰⵍⴰⵜⴻⵏ ⵏ ⵜⵏⴻⵎⵎⴻⵍ ⴰⴷ ⵉⵍⵉⵏ ⵙ ⵜⵓⴳⴻⵜ ⵢⴻⵔⵏⴰ ⴰⴷ ⴷ-ⵙⵙⴻⴽⵛⴻⵎⴻⵏ ⵙⵙⴻⵍⵄⴰ ⵙ ⵓⵎⵙⴻⴳⴳⴻⵎ ⵖⴻⵔ ⵢⵉⵙⵡⴰⵇⴻⵏ ⵏ ⵎⴰⵕⵕⴰ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ. ⵢⴻⵙⵙⴻⵊⴷⴻⴷ ⵓⵏⵖⵍⴰⴼ ⵖⴻⴼ ⵡⴰⵣⴰⵍ ⵏ ⵓⵃⴻⴳⴳⵉ ⵣⵉⴽ ⴷ ⵓⵙⴻⴳⴳⴻⵎ ⵏ ⵢⵉⵡⴰⵀⵉⵍⴻⵏ ⵏ ⵓⴼⴰⵔⵉⵙ ⴷ ⵓⵙⴻⴽⵛⴻⵎ ⵏ ⵙⵙⴻⵍⵄⴰ ⵓⵇⴱⴻⵍ ⴰⵣⵎⴻⵣ-ⵏⵏⵉ, ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⴽⵛⵓⵎ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵍⵍⵃⴰⵍⴰ ⵢⴻⵍⵀⴰⵏ.
ⴰⵔⵏⵓ ⵖⴻⵔ
