ⵜⴻⵄⵍⴻⵏ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴱⴻⵕⵕⴰ ⴷ ⵓⵙⵏⴻⵔⵏⵉ ⵏ ⵢⵉⵎⵓⴼⴼⴻⵖⴻⵏ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⵖⴻⴼ ⴰⵍⴷⴰⵢ ⵏ ⵓⵊⴻⵔⵔⴻⴷ ⵉ ⵢⵉⵎⵉⴳⴰⵡⴻⵏ ⵍⴻⵣⵣⴰⵢⵔⵉⵢⴻⵏ ⵉⵅⴻⴷⴷⵎⴻⵏ ⴷⴻⴳ ⵓⴼⴰⵔⵉⵙ ⴷ ⵓⵙⵓⴼⴼⴻⵖ ⵏ ⵡⵓⵞⵞⵉ ⴷ ⵢⵉⴼⴰⵔⴰⵙⴻⵏ ⵏ ⵜⴼⴻⵔⴽⵉ, ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⴷⴻⴳ ⵢⵉⵎⴰⵀⵉⵍⴻⵏ ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵡⵓⵞⵞⵉ ⴷⴻⴳ ⵜⴻⴼⵔⵉⵇⵜ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵓⵏⴻⵙ ⵙⴻⴳ 9 ⵖⴻⵔ 11 ⵏ ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ.
ⴰⵙⴰⵢⴻⵙ-ⴰⴳⵉ ⴷ ⴰⵎⵔⴰⵃ ⵉⵕⴻⵙⵙⴰⵏ ⴷⴻⴳ ⵜⵎⴻⵏⵏⴰⵟ, ⴰⵏⵉⴷⴰ ⵉ ⴷ-ⵜⵜⵉⵍⵉⵏ ⵢⵉⵎⴼⴰⵔⴽⴰⵏⵏ ⵉⴳⵔⴰⵖⵍⴰⵏⴻⵏ ⴷ ⵢⵉⵎⵙⴰⵖⴻⵏ ⵉⵎⴻⵇⵇⵔⴰⵏⴻⵏ ⵏ ⵜⴻⴼⵔⵉⵇⵜ, ⵉⵙⵡⵉ-ⵉⵙ ⴷ ⵓⴼⵙⵉⵙ ⵏ ⵓⵏⴻⴽⵛⵓⵎ ⵖⴻⵔ ⵢⵉⴳⴻⴷⴻⵣⴻⵏ ⴷ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⵏⴻⵣⵣⵓⵜ ⴷ ⵜⵎⵓⵖⵍⵉ ⵖⴻⴼ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⴻⵏ ⵏ ⵜⴻⵎⴳⵓⵔⵉ ⵏ ⵡⵓⵞⵞⵉ ⴷⴻⴳ ⵜⵎⴻⵏⵏⴰⵟ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵖⴱⴰⵍⵓ-ⵏⵏⵉ.
ⵜⴰⵏⴻⵖⵍⴰⴼⵜ ⵜⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⴷ ⴰⵎⴽⴰⵏ ⵓⴼⵔⵉⵏ ⵉ ⵢⵉⴼⴰⵔⴰⵙⴻⵏ, ⵉⵎⵣⴻⵏⵣⴰⵢⴻⵏ, ⵢⵉⵎⵓⵣⵣⴰⴳⴻⵏ ⵏ ⵡⵓⵞⵞⵉ, ⵢⵉⵎⵙⴻⴽⵛⵉⵎⴻⵏ ⴷ ⵢⵉⵎⴼⴰⵔⴽⴰⵏⵏ, ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⵜⴰⵔⵔⴰⵢⵉⵏ ⵉ ⵓⵙⴼⵉⵣⴷⴻⴳ ⵏ ⵓⴼⴰⵔⵉⵙ-ⵏⵙⴻⵏ. ⴷⴰⵖⴻⵏ, ⴷ ⵜⴰⴳⵏⵉⵜ ⵉ ⵓⵙⴻⵏⴽⴻⴷ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵏ ⵓⵎⴰⴹⴰⵍ ⵉ ⵢⴻⵜⵜⵓⵙⴻⵎⵔⴰⵡⴻⵏ ⴷ ⵓⴳⴻⴷⴻⵣ ⵏ ⵡⵓⵞⵞⵉ ⴷ ⵜⵉⵙⵙⵉⵜ ⵏ ⵜⴻⴼⵔⵉⵇⵜ. ⴷⵉⵏⵏⴰ, ⵉⵎⵣⴻⵏⵣⴰⵢⴻⵏ ⵙⴻⴳ ⵓⵎⴰⴹⴰⵍ ⵎⴻⵕⵕⴰ ⴰⴷ ⴷ-ⵓⵡⵢⴻⵏ ⵉⴼⴰⵔⴰⵙⴻⵏ ⵉⵎⴰⵢⵏⵓⵜⴻⵏ, ⵙⴻⴳ ⵡⴰⵍⵍⴰⵍⴻⵏ ⵏ ⵓⴼⴰⵔⵉⵙ ⵉⵕⴻⵙⵙⴰⵏ ⴷ ⵡⴰⵍⵍⴰⵍⴻ ⵏ ⵓⵙⴻⵏⴶⴻⵡ ⵉⴶⴻⵀⴷⴻⵏ, ⴰⵔⵎⵉ ⴷ ⵢⵉⴼⴻⵔⴷⵉⵙⴻⵏ ⵓⴼⵔⵉⵏⴻⵏ ⵏ ⵡⵓⵞⵞⵉ.
ⴰⵙⴰⵢⴻⵙ-ⴰⴳⵉ ⵉⵖⵓⵎ ⵡⴰⵟⴰⵙ ⵏ ⵜⵎⵓⵀⴰⵍ ⵏ ⵓⵏⵏⴰⵔ ⵏ ⵡⵓⵞⵞⵉ ⴷ ⵜⵉⵙⵙⵉⵜ, ⴳⴰⵔ-ⴰⵙⴻⵏⵜ ⵜⵉⵜⵉⴽⵏⵉⴽⵉⵏ ⵏ ⵓⵄⴻⴱⴱⵉ ⴷ ⵓⵙⴻⵏⴶⴻⵡ, ⵜⴰⵙⵔⴰⵔ ⵏ ⵓⵙⴻⵎⵎⵉⴹ (cold chain), ⵜⴰⵔⵔⴰⵢⵉⵏ ⵏ ⵓⵃⵔⴰⵣ, ⴰⵙⵓⴷⴷⴻⵙ ⵏ ⵓⵣⵓⵏⴻⵢ, ⵡⵓⵞⵞⵉ ⵉ ⵉⵀⴻⵢⵢⴰⵏ, ⵡⵓⵞⵞⵉ ⵏ ⵢⵉⵍⵍⴻⵍ, ⵜⴰⵎⴳⵓⵔⵉ ⵏ ⵡⵓⵞⵞⵉ ⴷ ⵡⵓⵞⵞⵉ ⴰⴳⴰⵎⴰⵏ (ⴱⵉⵓ), ⵜⵉⵙⵙⵉⵜ, ⴷ ⵓⵏⵏⴰⵔ ⵏ ⵓⵎⵎⴰⴳⴻⵔ, ⵜⵉⵣⴻⵖⵡⴰ ⵏ ⵡⵓⵞⵞⵉ ⴷ ⵜⵏⴻⵣⵣⵓⵜ ⵏ ⵍⵇⴰⵀⵡⴰ.
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⵜⴰⵏⴻⵖⵍⴰⴼⵜ ⵜⴻⵙⵙⵓⵜⵜⵓⵔ ⴷⴻⴳ ⵢⵉⵎⵉⴳⴰⵡⴻⵏ ⵢⴻⴱⵖⴰⵏ ⴰⴷ ⴷ-ⵜⴻⴽⴽⵉⵏ ⴰⴷ ⵊⴻⵔⵔⴷⴻⵏ ⵙ ⵓⵇⵇⴰⵏ (link) ⵉⵕⴻⵙⵙⴰⵏ ⵏ ⵓⵙⴰⵢⴻⵙ-ⴰⴳⵉ ⴷⴻⴳ ⵓⵙⵎⴻⵍ-ⵉⵙ ⴰⵍⵉⴽⵜⵔⵓⵏⴰⵏ.
ⴰⵔⵏⵓ ⵖⴻⵔ
