ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵙⴻⵍⵡⴰⵢ ⵜⴰⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴷⵉⴳⴰⵏⵜ ⴷ ⵓⵙⴻⴳⴳⴻⵎ ⵏ ⵓⵣⵏⵓⵣⵉ, ⵎⴰⵙⵙⴰ ⴰⵎⴰⵍ ⵄⴻⴱⴷⵓⵍⵍⴰⵟⵉⴼ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵓⵎⵢⴻⵍⵍⴻⵍ ⴷ ⵢⵉⵎⴻⵙⴽⴰⵔⴻⵏ ⵏ ⵜⴷⴰⵎⵙⴰ ⴷ ⵢⵉⵎⵙⴻⵍⵡⴰⵢⴻⵏ ⵏ ⵜⵎⴻⵔⵙⴻⵍⵉⵏ ⵜⵉⴷⴰⵎⵙⴰⵏⵉⵏ. ⵜⵉⵎⵍⵉⵍⵉⵜ-ⴰⴳⵉ ⵜⴻⵔⵣⴰ ⴰⵙⴻⴳⴳⴻⵎ ⵏ ⵢⵉⵙⵡⴰⵇⴻⵏ ⵓⵇⴱⴻⵍ ⴰⴷ ⴷ-ⵢⴰⵡⴻⴹ ⵡⴰⴳⴳⵓⵔ ⵏ ⵔⴻⵎⴹⴰⵏ ⴰⵎⴻⴳⴳⴰⵣ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⴷⴻⴳ ⵓⴳⵔⴰⵡ-ⴰⴳⵉ ⴽⴽⴰⵏ-ⴷ ⵢⵉⵎⵙⴻⵍⵡⴰⵢⴻⵏ ⵏ ⵡⴰⵙⵇⴰⵎⵓ ⵏ ⵓⵙⵎⴰⵢⵏⵓ ⴰⴷⴰⵎⵙⴰⵏ ⴰⵣⵣⴰⵢⵔⵉ, ⵜⴰⴷⵓⴽⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⵎⴻⵙⴽⴰⵔⴻⵏ ⵉⴳⴷⵓⴷⴰⵏⴻⵏ, ⵜⴰⴷⵓⴽⴽⵍⵉ ⵏ ⵢⵉⵎⴼⴰⵔⵉⵙⴻⵏ ⵏ ⵜⵉⵙⵙⵉⵜ, ⴷ ⵢⵉⵎⴻⵇⵇⵔⴰⵏⴻⵏ ⵏ ⵎⵎⵓⵊⵎⵎⵓⵄⴻⵏ ⵏ ⵜⴷⴰⵎⵙⴰ ⵜⴰⴳⴷⵓⴷⴰⵏⵜ, ⵙ ⵓⵃⴰⴷⴰⵔ ⵏ ⵢⵉⵅⴻⴷⴷⴰⵎⴻⵏ ⵓⵏⵏⵉⴳⴻⵏ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⵎⵍⵉⵍⵉⵜ-ⴰⴳⵉ, ⵎⵙⴰⴼⴰⵏ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵢⴻⵍⵍⴻⵍ ⵉⵊⴻⵀⴷⴻⵏ ⴳⴰⵔ ⵢⵉⵎⴻⵙⴽⴰⵔⴻⵏ ⵏ ⵜⴷⴰⵎⵙⴰ ⴷ ⵢⵉⵎⵎⵓⵊⵎⵎⵓⵄⴻⵏ ⵉⴳⴷⵓⴷⴰⵏⴻⵏ ⴷⴻⴳ ⵢⵉⵙⵡⴰⵇⴻⵏ ⵏ ⵜⴰⵎⴰ (ⵢⵉⵙⵡⴰⵇⴻⵏ ⵏ ⵓⵇⴻⵔⵔⴻⴱ). ⵉⵙⵡⴰⵇⴻⵏ-ⴰⴳⵉ ⴰⴷ ⵍⴷⵉⵏ ⵜⵉⴱⴱⵓⵔⴰ-ⵏⵙⴻⵏ ⴷⴻⴳ 69 ⵏ ⵜⵡⵉⵍⴰⵢⵉⵏ ⵙⴻⴳ ⵢⵉⵎⴰⵍ ⵉ ⴷ-ⵢⴻⴷⴷⵓⵏ, ⵉ ⵡⴰⴽⴽⴻⵏ ⴰⴷ ⵇⴻⵔⵔⴱⴻⵏ ⵢⵉⴼⴰⵔⵉⵙⴻⵏ ⵖⴻⵔ ⵢⵉⵎⴻⵣⴷⴰⵖ ⵢⴻⵔⵏⴰ ⴰⴷ ⵜⴻⵊⵊⴻⵀⴷⴻⴷ ⵜⵓⴳⴻⵜ-ⵏⵙⴻⵏ ⴷⴻⴳ ⵓⵣⵏⵓⵣي.
ⵜⴰⵏⴻⵖⵍⴰⴼⵜ ⵜⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵡⵉⴷ ⵢⴻⴽⴽⵔⴻⵏ ⴰⴽⴽⴻⵏ ⴰⴷ ⵙⵙⴻⴷⴷⵔⴻⵏ ⴰⵜⵉⴳ (ⵙⵙⵓⵎⴰ) ⵏ ⵢⵉⴼⴰⵔⵉⵙⴻⵏ ⴷⴻⴳ ⵡⴰⴳⴳⵓⵔ-ⴰⴳⵉ ⴰⵎⴻⴳⴳⴰⵣ. ⵜⴻⵏⵏⴰ-ⴷ ⴱⴻⵍⵍⵉ ⴰⵙⵓⵔ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵎⴰⵙⵉⵜ ⵜⴰⵎⴻⵜⵜⵉⵜ ⵢⴻⵔⵏⴰ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵢⵉⵎⴻⵣⴷⴰⵖ ⵉ ⵡⴰⴽⴽⴻⵏ ⴰⴷ ⴰⵖⴻⵏ ⵡⴰⵢⴻⵏ ⵃⵡⴰⵊⴻⵏ ⵙ ⵡⴰⵜⵉⴳ ⵢⴻⵍⵀⴰⵏ.
ⴰⵔⵏⵓ ⵖⴻⵔ
