ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵜⵓⵙⴰ-ⴷ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵢⵉⵎⴱⴻⵇⵇⴰⵙ (ⵍⴱⴰⵔⵍⴰⵎⴰⵏ) ⵏ ⴱⵉⵍⴰⵔⵓⵙ ⵙ ⵏⵏⵉⵢⴰ ⵏ ⴽⵓⵙⵉⴳⵉⵏ ⵔⵓⵙⵍⴰⵏ (KOSYGINE Ruslan), ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ (APN).
ⴷⴻⴳ ⵡⴰⵍⵖⵓ-ⵏⵏⵉ, ⵢⴻⵏⵏⴰ-ⴷ: "ⴰⵙⵙ ⵏ ⵍⴻⵜⵏⵉⵢⴻⵏ 26 ⵢⴻⵏⵏⴰⵢⴻⵔ 2026, ⵜⵓⵙⴰ-ⴷ ⵖⴻⵔ ⵍⵣⵣⴰⵢⴻⵔ ⵜⴰⵔⴱⴰⵄⵜ ⵏ ⵢⵉⵎⴱⴻⵇⵇⴰⵙ ⵏ ⴱⵉⵍⴰⵔⵓⵙ, ⵙ ⵏⵏⵉⵢⴰ ⵏ ⵎⴰⵙⵙ ⴽⵓⵙⵉⴳⵉⵏ ⵔⵓⵙⵍⴰⵏ, ⴰⵎⴻⵙⴽⴰⵔ ⵏ ⵜⵙⴻⵇⵇⴰⵎⵓⵜ ⵏ ⵍⴰⵎⴰⵏ ⴰⵖⴻⵍⵏⴰⵡ ⴷⴻⴳ ⵓⴳⵔⴰⵡ ⵏ ⵢⵉⵎⴱⴻⵇⵇⴰⵙ, ⴷ ⴰⵎⵙⴻⵍⵡⴰⵢ ⵏ ⵜⵔⴰⴱⵄⵜ ⵏ ⵓⵎⴰⵀⵉⵍ ⵏ ⵓⴳⵔⴰⵡ ⴰⵖⴻⵍⵏⴰⵡ ⵏ ⵜⴳⴷⵓⴷⴰ ⵏ ⴱⵉⵍⴰⵔⵓⵙ ⵉ ⵓⵎⵢⴻⵍⵍⴻⵍ ⴷ ⵍⴱⴰⵔⵍⴰⵎⴰⵏ ⵏ ⵍⵣⵣⴰⵢⴻⵔ. ⵜⵓⵣⵣⵢⴰ-ⴰⴳⵉ ⵜⵓⵏⵚⵉⴱⵜ ⴰⴷ ⵜⴻⴷⴷⵓ ⴽⵓⵣ (04) ⵓⵙⵙⴰⵏ."
ⴷⴻⴳ ⵡⴰⵏⵏⴰⵔ ⵏ ⵓⵙⴰⴼⴰⴳ ⴰⴳⵔⴰⵖⵍⴰⵏ ⵀⵓⵡⴰⵔⵉ ⴱⵓⵎⴻⴷⵢⴻⵏ, ⴷ ⵎⴰⵙⵙⴰ ⵀⴰⵊⵉⵔⴰ ⵄⴻⴱⴱⴰⵙ, ⵜⴰⵎⵙⴻⵍⵡⴰⵢⵜ ⵏ ⵜⵔⴰⴱⵄⵜ ⵏ ⵜⴷⵓⴽⴽⵍⵉ ⵏ ⵢⵉⵎⴱⴻⵇⵇⴰⵙ ⵍⵣⵣⴰⵢⴻﺮ-ⴱⵉⵍⴰⵔⵓⵙ, ⵉ ⵢⴻⵙⵜⴻⵇⴱⵍⴻⵏ ⵜⴰⵔⴱⴰⵄⵜ-ⴰⴳⵉ.
ⵜⵓⵣⵣⵢⴰ-ⴰⴳⵉ ⵜⵓⵙⴰ-ⴷ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵎⵢⴻⵍⵍⴻⵍ ⴳⴰⵔ ⵢⵉⴳⵔⴰⵡⴻⵏ ⵏ ⵢⵉⵎⴱⴻⵇⵇⴰⵙ ⵏ ⵙⵏⴰⵜ ⵏ ⵜⵎⵓⵔⴰ-ⴰⴳⵉ.
