ⵜⴰⵏⴻⵖⵍⴰⴼⵜ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ, ⵎⴰⵙⵙ ⵏⴰⵙⵙⵉⵎⴰ ⴰⵔⵀⴰⴱ, ⵜⴻⵍⵍⴰ-ⴷ ⴷⴻⴳ ⵢⵉⵡⴻⵏ ⵏ ⵓⵏⵓⵎⴻⵍ ⵏ ⵓⵎⴰⵀⵉⵍ ⴷ ⵓⵏⴻⵍⵖⴰⴼ ⵏ ⵏⵏⵉⴶⴻⵔ, ⵎⴰⵙⵙ ⴼⴰⵔⵎⵓ ⵎⵓⵎⵓⵏⵉ, ⴷⴻⴳ ⵜⴰⵎⴰⵏⴰⵖⵜ ⵏⵢⴰⵎⴻⵢ. ⴰⵏⵓⵎⴻⵍ-ⴰⴳⵉ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵎⵜⴰⵡⴰⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵏⴻⵔⵏⵉ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵙⵉⵍⴻⵖ ⴰⵎⴻⵣⵣⵓⵍⴰⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⴰⵔⴻⴱⴻⵄ.
ⴰⵏⵓⵎⴻⵍ-ⴰⴳⵉ ⵢⴻⵍⵍⴰ-ⴷ ⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ, ⴷⴻⴳ ⵓⵏⵏⴰⵔ ⵏ ⵢⵉⵎⴰⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⵙⵏⴰⵜ ⵏ ⵜⴻⵙⵇⴰⵎⵓⵜ ⵜⴰⴷⵓⴽⵍⴰⵏⵜ ⵜⴰⵎⴻⵇⵇⵔⴰⵏⵜ ⵏ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⵉ ⵓⵎⵢⴻⵛⵛⴻⵔ. ⵜⴰⵙⵇⴰⵎⵓⵜ-ⴰⴳⵉ ⵙⵙⴻⵃⵔⴻⵙⴻⵏ-ⵜⵜ ⵙ ⵜⴷⵓⴽⵍⵉ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴷ ⵓⵏⴻⵍⵖⴰⴼ ⴰⵎⴻⵣⵡⴰⵔⵓ ⵏ ⵏⵏⵉⴶⴻⵔ, ⵎⴰⵙⵙ ⵄⵍⵉ ⵍⴻⵎⵉⵏ ⵣⵉⵏ ⵎⴰⵀⵎⴰⵏ, ⴷⴻⴳ ⵡⵓⵙⵙⴰⵏ ⵏ 23 ⴷ 24 ⴷⴻⴳ ⵎⴻⵖⵔⴻⵙ ⴷⴻⴳ ⵡⴰⵎⵎⴰⵙ ⴰⴳⵔⴻⵖⵍⴰⵏ ⵏ ⵜⵎⵓⵖⵍⵉⵡⵉⵏ "ⵎⴰⵀⴰⵜⵎⴰ ⴳⴰⵏⴷⵀⵉ" ⴷⴻⴳ ⵏⵢⴰⵎⴻⵢ.
ⵜⵉⵎⵍⵉⵍⵉⵜ-ⴰⴳⵉ ⵉ ⵢⴻⵙⴷⵓⴽⴽⵍⴻⵏ ⴰⵔⵀⴰⴱ ⴷ ⵓⵏⴻⵍⵖⴰⴼ ⵏ ⵏⵏⵉⴶⴻⵔ ⵜⴻⵍⵍⴰ ⴷ ⴰⴱⵔⵉⴷ ⵉⵡⴰⴽⴽⴻⵏ ⴰⴷ ⴷ-ⵙⴻⵔⵙⴻⵏ "ⵜⴰⴱⴰⵍⵉⵣⵜ ⵏ ⵓⴱⵔⵉⴷ" ⵜⴰⵎⴻⵣⴷⴰⵢⵜ ⵙ ⵡⴰⴽⵓⴷⴻⵏ ⵉⵕⴻⵙⵙⴰⵏ. ⵜⴰⴱⴰⵍⵉⵣⵜ-ⴰⴳⵉ ⵜⴻⵡⵡⵉ-ⴷ ⵍⴰⴷⵖⴰ ⵖⴻⴼ ⵓⵙⵉⵍⴻⵖ ⵏ ⵢⵉⵙⵉⵍⴻⵖⴻⵏ ⴷ ⵓⵙⵏⴻⵔⵏⵉ ⵏ ⵜⵣⴻⵎⵎⴰⵔ-ⵏⵙⴻⵏ, ⴰⵎⵢⴻⵛⵛⴻⵔ ⵏ ⵡⴰⵔⵔⴰⵜⴻⵏ ⵏ ⵓⵙⴻⵍⵎⴻⴷ (ⴷⵓⵛⵓⵎⴻⵏⵜⵙ ⴱéⴷⴰⴳⵓⴳⵉⵇⵓⴻⵙ) ⴷ ⵜⴰⵍⵍⴻⵍⵜ ⵜⴰⵜⵉⴽⵏⵉⴽⵜ ⵉⵡⴰⴽⴽⴻⵏ ⴰⴷ ⵜⵜⵓⵙⵎⴰⵢⵏⵓⵜ ⵜⵉⵙⵉⵏⴰⵡⵉⵜ ⵏ ⵜⴷⵓⴽⵍⵉ ⵏ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⵜⴰⵎⴻⵣⵣⵓⵍⴰⵏⵜ ⴷⴻⴳ "ⵣⵉⵏⴷⴻⵔ".
ⴷⴰⵖⴻⵏ, ⵎⵜⴰⵡⴰⵏ ⵉⵡⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵜⴰⵎⵓⵙⵏⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⵏⵏⴰⵔ ⵏ ⵓⵙⵏⴻⴼⵍⵉ ⴷ ⵓⵙⴻⴷⴱⴻⵔ ⵏ ⵡⴰⵎⵎⴰⵙⴻⵏ ⵏ ⵓⵙⵏⴻⵔⵏⵉ ⵏ ⵜⴰⵎⴻⵙⵜⴻⵏⵜ ⴷⴻⴳ ⵜⵎⵓⵙⵏⵉⵡⵉⵏ ⵏ ⵓⵙⵉⵍⴻⵖ, ⴰⵎ ⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵎⵢⴻⵛⵛⴻⵔ ⴷⴻⴳ ⵓⵙⴻⵍⵎⴻⴷ ⵙ ⵓⵍⵉⴽⵜⵔⵓⵏ ⴷ ⵓⵙⵉⵍⴻⵖ ⵏ ⵍⴻⴱⵄⵉⴷ.
ⴰⴱⵔⵉⵣ-ⴰⴳⵉ — ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ — ⵉⵙⴽⴰⵏ-ⴷ ⵍⴻⴱⵖⵉ ⵏ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽ ⴰⴷ ⴷ-ⵅⴻⴷⵎⴻⵏ ⵉⵙⴻⵏⴼⴰⵔⴻⵏ ⵏ ⵜⵉⴷⴻⵜ, ⴰⵢⴰⴳⵉ ⴰⴷ ⵉⵄⴰⵡⴻⵏ ⴷⴻⴳ ⵓⵙⵎⴰⵢⵏⵓⵜ ⵏ ⵢⵉⵏⴳⵔⴰⵡⴻⵏ ⵏ ⵓⵙⵉⵍⴻⵖ ⴰⵎⴻⵣⵣⵓⵍⴰⵏ ⴷ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵓⵎⴰⵀⵉⵍ ⴰⴽⴽⴻⵏ ⴰⴷ ⵔⴳⵓⵏ ⵉ ⵡⴰⵢⴻⵏ ⵉⵙⵓⵜⵓⵔⴻⵏ ⵓⴳⴻⴷⴻⵣ ⵏ ⵓⵎⴰⵀⵉⵍ ⴷⴻⴳ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
