ⵢⴻⴼⴽⴰ ⵓⵎⴻⵣⵣⴰⵔⴼⵓ ⵏ ⵓⵏⴰⴷⵉ ⴷⴻⴳ ⵜⴰⵙⵏⴻⴱⴹⴰⵢⵜ ⵏ ⵙⵉⴷⵉ ⵎⵓⵃⴰⵎⴻⴷ, ⴰⵏⴰⴹ ⵉ ⵡⴰⴽⴽⴻⵏ ⴰⴷ ⵇⵇⵉⵎⴻⵏ 11 ⵏ ⵢⵉⵎⴷⴰⵏⴻⵏ ⴷⴻⴳ ⵓⵃⴱⵓⵙ ⴰⵍⴰⵎⵎⴰ ⵢⴻⴼⴼⴻⵖ-ⴷ ⵍⵃⴻⵇⵇ. ⴰⵢⴰ ⵢⴻⵔⵣⴰ ⵜⴰⵎⵉⵙⴰⵍⵜ ⵏ ⵓⵟⵟⴼⵓ ⵏ ⵓⴳⴰⵔ ⵏ 3.4 ⵏ ⵢⵉⵎⵍⵢⵓⵏⴻⵏ ⵏ ⵜⵉⵇⵇⴰⵢⵉⵏ ⵏ ⵢⵉⵙⴰⴼⴰⵔⴻⵏ ⵏ ⵓⵛⵛⴻⵡⵡⴻⵍ ⵏ ⵍⵄⴻⵇⴻⵍ. ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵡⴰⵙⵉⵔⴰ ⵏ ⵜⴻⴳⴷⵓⴷⴰ ⴰⵙⵙ-ⴰ ⵏ ⵍⴻⵜⵏⵉⵢⴻⵏ.
ⵜⴰⵎⵉⵙⴰⵍⵜ-ⴰⴳⵉ ⵜⴻⵔⵣⴰ ⵜⴰⵔⴱⴰⵄⵜ ⵏ ⵢⵉⴼⴻⵜⵜⴰⵏⴻⵏ ⵢⴻⵙⵙⴻⴳⵎⴻⵏ ⴳⴰⵔ ⵜⵎⵓⵔⴰ, ⵢⴻⵙⵄⴰⵏ 22 ⵏ ⵢⵉⵎⴷⴰⵏⴻⵏ. ⵍⴻⵇⴷⵉⵛ ⵏ ⵓⵏⴰⴷⵉ ⵉ ⵜⴻⴳⴳⴰ ⵜⴰⵎⵙⴰⵍⵜ ⵜⴰⵖⴻⵍⵏⴰⵡⵜ (ⵍⵄⴻⵙⴽⴻⵔ ⵏ ⵓⴱⵔⵉⴷ) ⵏ ⵛⵛⵔⴰⵇⴰ, ⵢⴻⵙⵙⴰⵡⴻⴹ ⵖⴻⵔ ⵓⵟⵟⴼⵓ ⵏ 11 ⵏ ⵢⵉⵎⴷⴰⵏⴻⵏ ⵉⵎⵉⵔⴻⵏ ⴽⴰⵏ.
ⴳⴰⵔ ⵡⵉⴷ ⵢⴻⵜⵜⵓⵟⵟⴼⴻⵏ: ⴱⵓⵙⵡⴰⵍⵉⵎ ⵄⴻⴱⴷⵓⵍⵍⴰⵀ (45 ⵏ ⵢⵉⵙⴻⴳⴳⴰⵙⴻⵏ), ⴱⵓⵇⵔⵉⵏ ⵄⴻⴱⴷⵓⵍⵃⴰⵇ (39 ⵏ ⵢⵉⵙⴻⴳⴳⴰⵙⴻⵏ), ⴼⴻⵔⵃⴰⵜⵉ ⵍⵢⴰⵙ (29 ⵏ ⵢⵉⵙⴻⴳⴳⴰⵙⴻⵏ), ⵄⴰⵣⵉⵣⵉ ⵚⴰⴷⴻⵇ (39 ⵏ ⵢⵉⵙⴻⴳⴳⴰⵙⴻⵏ), ⵎⴰⴷⵉ ⵊⴰⵎⵉⵍⴰ (31 ⵏ ⵢⵉⵙⴻⴳⴳⴰⵙⴻⵏ), ⵙⴰⵀⴻⵍ ⴽⴰⵎⴰⵍ (56 ⵏ ⵢⵉⵙⴻⴳⴳⴰⵙⴻⵏ), ⴱⴻⵏ ⵎⴻⵅⵍⵓⴼ ⴰⵢⵢⵓⴱ (22 ⵏ ⵢⵉⵙⴻⴳⴳⴰⵙⴻⵏ), ⵍⵉⵎⴰⵏⵉ ⵣⵓⴱⵉⵔ (37 ⵏ ⵢⵉⵙⴻⴳⴳⴰⵙⴻⵏ), ⴷⴻⵍⵍⵓⵍⵉ ⵎⵓⵚⵟⴰⴼⴰ (34 ⵏ ⵢⵉⵙⴻⴳⴳⴰⵙⴻⵏ), ⵍⴻⴽⵃⴻⵍ ⵄⴰⴷⴻⵍ (41 ⵏ ⵢⵉⵙⴻⴳⴳⴰⵙⴻⵏ) ⴷ ⵣⴻⵔⴰⵔⴷⴰ ⵊⴰⵍⴰⵍ (31 ⵏ ⵢⵉⵙⴻⴳⴳⴰⵙⴻⵏ).
ⵉⵙⴰⴼⴰⵔⴻⵏ ⵉ ⴷ-ⵟⵟⴼⴻⵏ ⴷ ⵏⵏⵓⵄ ⵏ "ⴱⵔⵉⴳⴰⴱⴰⵍⵉⵏ" 300 ⵎⵍⴳ, ⵡⵡⴹⴻⵏ ⴰⵍⴰⵎⵎⴰ ⴷ 3,441,000 ⵏ ⵜⵉⵇⵇⴰⵢⵉⵏ. ⵍⵍⴰⵏ 11 ⵏⵏⵉⴹⴻⵏ ⵉ ⵢⴻⵔⵡⴻⵍⴻⵏ, ⵎⴻⵄⵏⴰ ⵜⴰⵙⵏⴻⴱⴹⴰⵢⵜ ⵜⴻⵙⵙⴻⵏ ⵉⵙⵎⴰⵡⴻⵏ-ⵏⵙⴻⵏ ⵎⴰⵕⵕⴰ.
ⴰⵙⵙ-ⴰ ⵏ 02 ⴼⵓⵔⴰⵔ 2026, ⵡⵡⵉⵏ-ⵜⴻⵏ ⴷⴰⵜ ⵓⵎⴻⵣⵣⴰⵔⴼⵓ ⵏ ⵜⴻⴳⴷⵓⴷⴰ. ⵜⵓⵛⵛⴻⵏ-ⴰⵙⴻⵏ ⵍⴱⴰⵟⴻⵍ ⵏ ⵓⵙⴻⴽⵛⴻⵎ ⴷ ⵓⵙⵉⵡⴻⴹ ⴷ ⵓⵃⴻⴳⴳⵉ ⵏ ⵢⵉⵙⴰⴼⴰⵔⴻⵏ-ⴰⴳⵉ ⴷⴻⴳ ⵡⴰⵏⵏⴰⵔ ⵏ ⵜⵔⴰⴱⵄⵜ ⵢⴻⵙⵙⴻⴳⵎⴻⵏ. ⵍⵍⴰⵏ ⴷⴰⵖⴻⵏ ⵢⵉⵙⴻⵏⵜⴰⵍ ⵏ ⵓalpha;ⴻⵔⵔⴻⴱ ⵢⴻⵜⵜⵀⴻⴷⴷⵉⴷⴻⵏ ⵜⴰⵣⵎⴻⵔⵜ ⵜⴰⵎⴰⵜⵓⵜ, ⴰⵙⵉⵣⴷⴻⴳ ⵏ ⵡⴻⴷⵔⵉⵎ ⴷ ⵓⵅⴻⵍⵍⴰⵇ ⵏ ⵢⵉⴹⵔⵉⵙⴻⵏ ⵏ ⵓⵡⴰⵏⴰⴽ ⵙ ⵍⴱⴰⵟⴻⵍ.
ⴱⵄⴻⴷ ⵎⴰ ⵢⴻⵙⵜⴻⵇⵙⴰ-ⵜⴻⵏ ⵓⵎⴻⵣⵣⴰⵔⴼⵓ ⵏ ⵓⵏⴰⴷⵉ, ⵢⴻⴼⴽⴰ ⴰⵏⴰⴹ ⴰⴽⴽⴻⵏ ⴰⴷ ⵇⵇⵉⵎⴻⵏ ⴷⴻⴳ ⵓⵃⴱⵓⵙ. ⴰⵏⴰⴷⵉ ⴰⴷ ⵉⴽⴻⵎⵎⴻⵍ ⵉ ⵡⴰⴽⴽⴻⵏ ⴰⴷ ⵟⵟⴼⴻⵏ ⵡⵉⴷ ⵢⴻⵔⵡⴻⵍⴻⵏ ⴷ ⵡⵉⴷ ⵎⴰⵕⵕⴰ ⵉⵇⵇⴻⵏ ⵖⴻⵔ ⵜⵎⵉⵙⴰⵍⵜ-ⴰⴳⵉ.
ⴰⵔⵏⵓ ⵖⴻⵔ
