ⴰⵏⴻⵖⵍⴰⴼ ⵏ ⵜⴰⵙⵏⴻⴹⵜ ⵏ ⵉⵙⴰⴼⴰⵔⴻⵏ, ⵡⴰⵙⵙⵉⵎ ⴽⵓⵓⵉⴷⵔⵉ, ⵢⴻⵔⵣⴰ ⴰⵙⵙ-ⴰ ⵏ ⵍⵃⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⵏⴻⵖⵜ, ⵖⴻⵔ ⵡⴰⵎⵎⴰⵙ ⵏ ⵓⵏⴰⴷⵉ, ⴰⵙⵏⴻⵔⵏⵉ ⴷ ⵓⵙⵏⵓⵍⴼⵓ ⵏ ⵜⴻⴳⵔⴻⵎⵎⴰ ⵜⴰⴱⴰⵉⵣⴰⵏⵜ "ⵙⴰⵉⴷⴰⵍ", ⴰⵏⴷⴰ ⵉ ⴷ-ⵢⵓⴼⴰ ⴰⴳⵍⴰⵎ ⵖⴻⴼ ⵍⴻⵛⵢⴰⵍ ⴷ ⵉⵙⴻⵏⴼⴰⵔⴻⵏ ⵏ ⵓⵏⴰⴷⵉ ⵏ ⵡⴰⵎⵎⴰⵙ-ⴰⴳⵉ.
ⴰⵎⵎⴰⵙ-ⴰⴳⵉ ⵢⴻⵙⵄⴰ ⵉⵅⵏⵉⵙⴻⵏ ⵏ ⴷⴷⵡⴰ, ⵜⴰⴽⵉⵎⵉⵜ, ⵜⴰⵎⵉⴽⵔⵓⴱⵉⵢⵓⵍⵓⵊⵉⵜ, ⵍⵎⴰⴷⴰⵜ ⵏ ⵍⵇⴰⵄⴰ ⴷ ⵓⵥⵓ ⵏ ⵜⵙⴻⵍⵓⵍⵉⵏ, ⵔⵏⵓ ⵖⵓⵔ-ⵙ ⴰⵎⴽⴰⵏ ⵉ ⵢⵉⵖⴻⵔⵙⵉⵡⴻⵏ ⵏ ⵓⵊⴻⵔⵔⴻⴱ, ⴰⴽⴽⴻⵏ ⵉ ⴷ-ⵢⴻⵍⵍⴰ ⴷⴻⴳ ⵢⵉⵙⴰⵍⵍⴻⵏ ⵉ ⴷ-ⵢⴻⴼⴽⴰ ⵡⴰⵎⵎⴰⵙ.
ⴰⵏⴻⵖⵍⴰⴼ ⵢⴻⴷⴷⴰ ⵢⵉⴷ-ⴻⵙ ⵓⵎⴷⴻⴱⴱⴻⵔ ⴰⵎⴰⵜⵓ ⵏ "ⵙⴰⵉⴷⴰⵍ" ⵙ ⵜⵏⴻⴽⴷⴰ, ⵎⵓⵔⴰⴷ ⴱⴻⵍⵅⴻⵍⴼⴰ, ⴷ ⵢⵉⵎⴻⴹⴱⵔⴻⵏ ⵏ ⵓⵃⵔⵉⵛ-ⴰⴳⵉ. ⴰⵎⵎⴰⵙ-ⴰⴳⵉ ⵅⴻⴷⴷⵎⴻⵏ ⴷⴻⴳ-ⴻⵙ 140 ⵏ ⵢⵉⵎⴻⵙⵜⵓⵏⵉⵢⴻⵏ ⴷ ⵢⵉⵎⴻⴹⴱⵔⴻⵏ ⵏ ⵡⴰⵟⴰⵙ ⵏ ⵜⵎⵓⵙⵏⵉⵡⵉⵏ.
ⵍⴻⵛⵖⴰⵍ ⵏ ⵡⴰⵎⵎⴰⵙ-ⴰⴳⵉ ⴷ ⴰⵙⵏⴻⵔⵏⵉ ⵏ ⵉⵙⴰⴼⴰⵔⴻⵏ ⵉⵊⴻⵏⵉⵙⴻⵏ, ⵉⵙⴰⴼⴰⵔⴻⵏ ⵏ ⵜⴻⵣⴷⴻⴳ, ⵎⴰⴷⵉⵢⵓ ⵏ ⵍⵎⴰⴽⴻⵜ ⴷ ⵉⵙⴰⴼⴰⵔⴻن ⵏ ⵜⵢⴻⵙⵙⵉ, ⵔⵏⵓ ⵖⵓⵔ-ⵙ ⵓⴱⴻⴷⴷⴻⵍ ⵏ ⵜⴰⵜⵉⴽⵏⵓⵍⵓⵊⵉⵜ ⴷ ⵓⵄⴰⵡⴻⵏ ⵏ ⵢⵉⵃⵔⵉⵛⴻⵏ ⵏ ⵓⴼⴰⵔⴻⵣ. ⴷⴰⵖⴻⵏ, ⵙⵙⴰⵔⴰⵎⴻⵏ ⴰⴷ ⵍⴷⵓⵏ ⴰⵅⵏⵉⵙ ⵏ ⵓⵃⵔⵉⵛ ⵏ ⵢⵉⴼⵉⵔⵓⵙⴻⵏ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⵉⵎⴰⵙⵙⴰⵢⴻⵏ ⵏ ⵢⵉⵙⴰⵍⵍⴻⵏ, ⵎⴰⵙⵙ ⴱⴻⵍⵅⴻⵍⴼⴰ ⵢⴻⵏⵏⴰ-ⴷ ⴱⴻⵍⵍⵉ ⴷⴻⴳ ⵡⴰⵢⵢⵓⵔ ⵉ ⴷ-ⵉⵜⴻⴷⴷⵓⵏ ⴰⴷ ⴱⴷⵓⵏ ⵓⵏⴰⴷⵉ ⵉⵡⴰⴽⴽⴻⵏ ⴰⴷ ⴷ-ⵅⴻⴷⵎⴻⵏ ⵉⴳⵔⴰⵡⴻⵏ (ⴼⴰⵛⵛⵉⵏⵙ) ⵏ ⵍⵎⴰⵍ ⴷⴻⴳ ⵜⵎⵓⵔⵜ, ⵉⵡⴰⴽⴽⴻⵏ ⴰⴷ ⵉⵊⵀⴻⴷ ⵍⴰⵎⴰⵏ ⵏ ⵚⵚⴻⵃⴰ ⵏ ⵢⵉⵖⴻⵔⵙⵉⵡⴻⵏ.
ⵢⴻⵔⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵎⵎⴰⵙ-ⴰⴳⵉ ⴰⴷ ⴷ-ⵢⴻⵔⵔ ⵜⴰⵎⵓⵏⵜ ⵏ ⵜⴰⵜⵉⴽⵏⵓⵍⵓⵊⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⵉⵔⴰⵏ ⵉ ⵓⵏⴰⴷⵉ ⴷ ⵓⵙⵏⵓⵍⴼⵓ ⵏ ⵉⵙⴰⴼⴰⵔⴻⵏ ⵉⵎⴰⵢⵏⵓⵜⴻⵏ, ⵙ ⵡⴻⴱⵔⵉⴷ ⵏ ⵓⵙⵉⵍⴻⵖ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵏ ⵉⵔⴰⵏ ⵉ ⴳⵅⴻⴷⴷⵎⴻⵏ ⵜⵜⴰⵡⵉⵍⴰⵜ ⵉⵎⴰⵢⵏⵓⵜⴻⵏ ⵏ ⴷⴷⵡⴰ.
ⴰⵃⵔⵉⵛ ⴰⵎⴻⵣⵡⴰⵔⵓ ⴰⴷ ⵢⵉⵍⵉ ⵉ ⵓⵙⵉⵍⴻⵖ ⵏ 14 ⵏ ⵢⵉⵎⵓⵣⵣⴰⴳⴻⵏ ⴰⵣⵣⴰⵢⵔⵉⵢⴻⵏ ⴷⴻⴳ ⵓⵃⵔⵉⵛ ⵏ ⵜⴻⴱⵉⵢⵓⵜⴻⴽⵏⵓⵍⵓⵊⵉⵜ. ⵎⴱⴻⵄⴷ, ⴰⴷ ⴷ-ⵢⴰⵙ ⵓⴼⴰⵔⴻⵣ ⵏ ⵉⵙⴰⴼⴰⵔⴻⵏ ⵉⵎⴰⵢⵏⵓⵜⴻⵏ ⵉ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ ⴷⴻⴳ ⵍⴻⵣⵣⴰⵢⴻⵔ ⴷ ⵜⴻⴼⵔⵉⵇⵜ.
ⴰⵙⴻⵏⴼⴰⵔ-ⴰⴳⵉ ⵉⵛⵓⴷⴷ ⴷⴰⵖⴻⵏ ⵖⴻⴼ ⵜⴰⵜⵉⴽⵏⵓⵍⵓⵊⵉⵜ ⵏ "ⵜⵉⴱⵉⵒⵜⵉⴷⵉⵏ" (ⵒⴻⵒⵜⵉⴷⴻⵙ), ⵉ ⴷ-ⵢⴻⵜⵜⴰⵡⵉⵏ ⴷⴷⵡⴰ ⵉ ⵡⴰⵟⵟⴰⵏⴻⵏ ⵉⵊⴻⵀⴷⴻⵏ ⴰⵎ ⵙⵙⴽⴻⵔ, ⵙⵙⴻⵔⵟⴰⵏ ⴷ ⵡⴰⵟⵟⴰⵏⴻⵏ ⵏ ⵍⴰⵎⴰⵏ.
ⴰⵔⵏⵓ ⵖⴻⵔ
