ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵙⴻⵍⵡⴰⵢ ⵜⴰⵏⴻⵖⵍⴰⴼⵜ ⵏ ⵜⴰⵡⴻⵏⵏⴰⴹⵜ ⴷ ⵜⵓⴷⴻⵔⵜ ⵢⴻⵍⵀⴰⵏ, ⵎⴰⵙⵙⴰ ⴽⴰⵡⵜⴰⵔ ⴽⵔⵉⴽⵓ, ⴰⵙⵙ-ⴰ ⵏ ⵜⵜⵍⴰⵜⴰ, ⴰⵍⴷⴰⵢ ⵓⵏⵚⵉⴱ ⵏ ⵢⵉⵡⴻⵏ ⵡⴰⵙⵙ ⵏ ⵓⵙⴰⴽⵉ ⴷⴻⴳ ⵓⵎⵣⵉⴷⴰ ⴰⵎⴻⵇⵇⵔⴰⵏ ⵏ ⵍⵣⵣⴰⵢⴻⵔ. ⵍⴻⵇⴷⵉⵛ-ⴰⴳⵉ ⵢⴻⵍⵍⴰ-ⴷ ⵙ ⵓⵎⵢⴻⵍⵍⴻⵍ ⴷ ⵜⵏⴻⵖⵍⴰⴼⵜ ⵏ ⵜⵎⵉⵙⴰⵍ ⵏ ⴷⴷⵉⵏ ⴷ ⵍⵃⴰⴱⵓⵙ ⴷ ⵜⵏⴻⴱⴷⴰⴷⵜ ⵏ ⵓⵎⵣⵉⴷⴰ ⴰⵎⴻⵇⵇⵔⴰⵏ. ⵉⵙⵡⵉ-ⵙ ⴷ ⴰⵙⵊⴻⵀⴻⴷ ⵏ ⵜⵢⴻⵙⵙⴰ ⵏ ⵓⵃⴰⴷⴰⵔ ⴷ ⵓⵙⴻⵇⴷⴻⵛ ⵙ ⵍⵎⴻⵏⵜⴻⵇ.
ⴰⵡⴰⵀⵉⵍ-ⴰⴳⵉ ⵢⵓⵙⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⵏ ⵓⵡⴰⵀⵉⵍ ⴰⵖⴻⵍⵏⴰⵡ ⵉ ⵓⵏⵇⴰⵙ ⵏ ⵓⵜⵍⴰⴼ ⴷ ⵓⵙⵊⴻⵀⴻⴷ ⵏ ⵓⵙⵉⴷⴷⴻⵔ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ 2026. ⵜⴰⵎⴰⵜⴰⵔⵜ ⵏ ⵓⵡⴰⵀⵉⵍ-ⴰⴳⵉ ⴷ: "ⵔⴻⵎⴹⴰⵏ ⴷ ⴰⵙⴻⴳⴳⴻⵎ ⴷ ⵓⵏⴻⴳⵎⵓ ⵓⵔⴰⵙⵡⴰⵢ ⵉ ⵜⵙⵓⵜⵉⵡⵉⵏ".
ⴷⴻⴳ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵙⵙⴻⴽⵏⴻⵏ-ⴷ ⴱⴻⵍⵍⵉ ⴰⵙⵙ-ⴰⴳⵉ ⵢⴻⵔⵣⴰ ⴰⵙⴻⴼⵔⴻⵯ ⵏ ⵡⴰⵏⴰⴳⵔⴰⵡⴻⵏ ⵏ ⵜⴰⵡⴻⵏⵏⴰⴹⵜ ⵢⴻⵍⵍⴰⵏ ⴷⴻⴳ ⵓⵎⵣⵉⴷⴰ ⴰⵎⴻⵇⵇⵔⴰⵏ. ⵜⴰⵏⴻⵖⵍⴰⴼⵜ ⵜⴻⵡⵡⴻⵜ ⵜⵉⵟ ⵖⴻⴼ ⵡⴰⵍⴰⵜⴻⵏ ⵏ ⵓⵙⵉⴷⴷⴻⵔ ⵏ ⵡⴰⵎⴰⵏ ⵏ ⵓⴳⴼⴼⵓⵔ ⴷ ⵡⴰⵏⴰⴳⵔⴰⵡ ⵏ ⵓⵃⴻⴳⴳⵉ ⵎⴳⴰⵍ ⵜⵉⵡⴰⵖⵉⵢⵉⵏ ⵏ ⵜⴳⴰⵎⴰ.
ⵢⴻⵍⵍⴰ-ⴷ ⴷⴰⵖⴻⵏ ⵓⵙⴱⴻⴷⴷ ⵏ ⵍⴻⵛⵢⴰⵍ ⵏ ⵓⵙⵉⵍⴻⵯ ⵉ ⵢⵉⵏⴻⵍⵎⴰⴷⴻⵏ ⴷ ⵡⴰⵔⵔⴰⵡ. ⴼⴽⴰⵏ-ⴰⵙⴻⵏ ⵢⵉⵙⴻⴼⵔⴻⵯⵏ ⵖⴻⴼ ⵡⴰⵎⴻⴽ ⴰⵔⴰ ⵙⵏⴻⵇⵙⴻⵏ ⴰⵜⵍⴰⴼ ⵏ ⵓⵜⵛⵉⵜ, ⴷ ⵡⴰⵣⴰⵍ ⵏ ⵓⴼⵔⴰⵏ ⵏ ⵡⴰⵢⴻⵏ ⵏⴻⵜⵜⴷⵉⴳⴳⵉⵔ ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⵏ ⴰⵙⵉⴷⴷⴻⵔ. ⴰⵎ ⵢⴻⴽⴽⴰ ⵍⵇⴰⴷ, ⵢⴻⵍⵍⴰ-ⴷ ⵢⵉⵡⴻⵏ ⵓⵙⴰⵔⴰⴳ ⵓⵥⵍⴰⵢ ⵉ ⵜⵉⴷⴷⵓⴽⴽⵍⵉⵡⵉⵏ ⵏ ⵜⴰⵡⴻⵏⵏⴰⴹⵜ ⵖⴻⴼ ⵡⴰⵎⴻⴽ ⴰⵔⴰ ⵙⴻⵇⴷⴻⵛⴻⵏ ⴰⵢⴻⵏ ⵉ ⴷ-ⵢⴻⵇⵇⵉⵎⴻⵏ ⵙⴻⴳ ⵓⵜⵛⵉⵜ ⵢⴻⵔⵏⴰ ⴰⴷ ⵜ-ⵔⵔⴻⵏ ⴷ ⵜⵔⴻⵣⵡⴰ.
ⵜⴰⴳⴳⴰⵔⴰ, ⵍⴻⵇⴷⵉⵛ-ⴰⴳⵉ ⵢⴻⴼⴼⵓⵖ-ⴷ ⵙ ⵢⵉⵡⴻⵜ ⵏ ⵜⵎⴻⴽⵔⵉⵣⵜ ⵏ ⵓⵙⴰⴽⵉ ⵉ ⵡⴰⵔⵔⴰⵡ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⵜⵓⴽⴽⵉⵡⵉⵏ ⵏ ⵜⵎⴰⵙⵉⵜ ⴷ ⵓⵃⴰⴷⴰⵔ ⵏ ⵜⴰⵡⴻⵏⵏⴰⴹⵜ ⴷⴻⴳ ⵡⵓⵍⴰⵡⴻⵏ ⵏ ⵜⵙⵓⵜⴰ ⵉ ⴷ-ⵢⴻⵜⵜⴻⴼⴼⵓⵖⵓⵏ.
ⴰⵔⵏⵓ ⵖⴻⵔ
