ⵜⴰⵔⴱⴰⵄⵜ ⵏ ⵓⵏⴰⴷⵉ ⴷ ⵜⵓⴽⵎⴻⵏⵜ (ⴱⵔⵉ) ⵏ ⵍⴰⵎⴰⵏ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵜⴻⵙⵙⴻⵏⴼⴻⵍ (ⵙⵓⵛⵛⴻⴻⴷⴻⴷ) ⵉⵡⴰⴽⴽⴻⵏ ⴰⴷ ⴷ-ⵜⴻⵟⵟⴻⴼ ⵙⵉⵏ ⵏ ⵎⴻⴷⴷⴻⵏ ⵉ ⵉⵛⵓⴷⴷⴻⵏ ⵖⴻⵔ ⵓⵣⵓⵏⵣⵉ ⵏ ⵍⴽⵉⴼ ⵙ ⵍⴱⴰⵟⴻⵍ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵍⴰⵎⴰⵏ ⴰⵙⵙ-ⴰ ⵏ ⵍⴻⵜⵍⴰⵜ.
ⵍⴻⵇⴷⵉⵛ-ⴰⴳⵉ ⵢⴻⵍⵍⴰ-ⴷ ⵙ ⴷⴷⴰⵡ ⵏ ⵓⴼⵓⵙ ⵏ ⵓⵏⴰⴱⴰⴹ ⵏ ⵍⵃⴻⵇ, ⵎⴱⴻⵄⴷ ⵎⴰ ⵡⵡⵉⵏ-ⴷ ⵢⵉⵙⴰⵍⵍⴻⵏ ⵖⴻⴼ ⵢⵉⵡⴻⵜ ⵏ ⵜⴻⵔⴱⴰⵄⵜ ⵏ ⵢⵉⵅⴻⴷⴷⴰⵄⴻⵏ ⵉ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵏ ⵍⴽⵉⴼ. ⵎⵉ ⵅⴻⴷⵎⴻⵏ ⴰⵏⴰⴷⵉ ⵙ ⵍⵇⴻⴷⴷ, ⵓⴼⴰⵏ-ⴷ ⵉⵙⴻⵎⴰⵡⴻⵏ ⵏ ⵙⵉⵏ-ⴰⴳⵉ ⵏ ⵢⵉⵎⴷⴰⵏⴻⵏ ⴷⵖⴰ ⵟⵟⴼⴻⵏ-ⵜⴻⵏ. ⴽⴽⵙⴻⵏ-ⴰⵙⴻⵏ 28 ⵏ ⵍⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ, ⴷ 30 ⵏ ⵢⵉⵎⴻⵍⵢⵓⵏⴻⵏ ⵏ ⵜⵙⴻⵏⵜⵉⵎⵉⵏ ⵉ ⴷ-ⵡⵡⵉⵏ ⴷⴻⴳ ⵓⵣⵓⵏⵣⵉ-ⴰⴳⵉ, ⴷ ⵢⵉⵡⴻⵜ ⵏ ⵜⴽⴰⵔⵓⵙⵜ ⵉ ⵙⵇⴻⴷⵎⴻⵏ ⵉⵡⴰⴽⴽⴻⵏ ⴰⴷ ⴼⴻⵔⵇⴻⵏ ⵙⵙⵓⵎ-ⴰⴳⵉ.
ⴰⵙⵉⵡⴻⵍ ⵢⴻⵏⵏⴰ-ⴷ ⴱⴻⵍⵍⵉ ⵙⵙⴰⵡⴹⴻⵏ-ⵜⴻⵏ ⵖⴻⵔ ⵓⵏⴰⴱⴰⴹ ⵏ ⵍⵃⴻⵇ ⵉⵡⴰⴽⴽⴻⵏ ⴰⴷ ⵉⵄⴻⴷⴷⵉ ⵍⵇⴰⵏⵓⵏ ⴼⴻⵍⵍ-ⴰⵙⴻⵏ.
ⴰⵔⵏⵓ ⵖⴻⵔ
