ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴱⴻⵔⵔⴻⵃ-ⴷ ⵜⵏⴻⵖⵍⴰⴼⵜ ⵏ ⵜⵣⵎⴻⵔⵜ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵡⴰⵍⵖⵓ, ⴱⴻⵍⵍⵉ ⵜⴻⵍⴷⴰ ⵢⵉⵡⴻⵜ ⵏ ⵜⴼⴻⴷⵏⴰ ( ⵜⴰⵎⴹⴰⵏⵜ ⵉ ⵡⴰⴽⴽⴻⵏ ⴰⴷ ⵙⵉⴹⵏⴻⵏ ⵎⴰⵕⵕⴰ ⵡⵉⴷ ⵢⴻⴼⴼⵓⵖⴻⵏ ⵙⴻⴳ ⵜⵏⴻⵎⵎⴰⵍ ⵏ ⵓⵙⵉⵍⴻⵯ ⵏ ⵓⵃⴰⴷⴰⵔ ⴰⵣⵎⴻⵔⴰⵏ ⵓⵥⵍⴰⵢ ⵉ ⵢⴻⵇⴱⴻⵍ ⵓⵡⴰⵏⴰⴽ, ⵢⴻⵔⵏⴰ ⵓⵔ ⵄⴰⴷ ⴰⴼⵉⵏ ⴰⵎⴽⴰⵏ ⵏ ⵓⵎⴰⵀⵉⵍ ⴰⵍⴰⵎⵎⴰ ⴷ ⴰⵙⵙ-ⴰ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴰⵙⵓⵔ-ⴰⴳⵉ ⵢⵓⵙⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴳⴳⴻⵎ ⵏ ⵢⵉⵙⴰⵍⵍⴻⵏ ⵢⴻⵔⵣⴰⵏ ⵜⵉⵏⴻⵎⵎⴰⵍ-ⴰⴳⵉ ⵢⴻⵇⴱⴻⵍ ⵓⵡⴰⵏⴰⴽ. ⵜⴰⵏⴻⴱⴷⴰⴷⵜ ⵏ ⵓⵙⵉⵍⴻⵯ ⵜⴻⴱⵯⴰ ⴰⴷ ⵜⴻⵙⵎⴰⵢⵏⵓ ⵜⵉⴼⴻⴷⵏⵉⵡⵉⵏ ⵏ ⵢⵉⵙⴰⵍⵍⴻⵏ ⵢⴻⵔⵣⴰⵏ ⵉⵍⵎⴻⵣⵢⴻⵏ-ⴰⴳⵉ ⵉ ⵢⴻⵍⵎⴻⴷⴻⵏ ⵢⴻⵔⵏⴰ ⵓⵔ ⵇⴷⴻⵛⴻⵏ ⴰⵔⴰ ⴷⴻⴳ ⵢⵉⵙⴳⵏⴰⴼⴻⵏ ⵏ ⵓⵡⴰⵏⴰⴽ.
ⵉⵙⵡⵉ ⵏ ⵍⴻⵇⴷⵉⵛ-ⴰⴳⵉ ⴷ ⴰⵡⴰⵢ ⵏ ⵢⵉⵙⴻⴽⵏⴻⵏ (statistics) ⵉⵚⴻⵃⵃⴰⵏⴻⵏ ⵖⴻⴼ ⵡⴰⵜⵉⴳ ⵏ ⵢⵉⵏⴻⵍⵎⴰⴷⴻⵏ ⵓⵔ ⵄⴰⴷ ⵏⴻⴽⵛⵉⵎ ⵖⴻⵔ ⵓⵎⴰⵀⵉⵍ. ⴰⵢⴰ ⴰⴷ ⵢⴻⵊⵊ ⵢⵉⵃⵔⵉⵛⴻⵏ ⵏ ⵓⵡⴰⵏⴰⴽ ⴰⴷ ⵀⴻⴳⴳⵉⵏ ⵉⴱⵔⵉⴷⴻⵏ ⵏ ⵓⵙⴻⴽⵛⴻⵎ ⴷ ⵓⵎⵢⴻⵍⵍⴻⵍ ⵉ ⵢⴻⴷⴷⵓⵏ ⴷ ⵍⴻⴱⵖⵉ ⴷ ⵓⵃⵡⴰⵊ ⵏ ⵓⵃⵔⵉⵛ ⵏ ⵜⵣⵎⴻⵔⵜ ⴷⴻⴳ ⵜⵎⵓⵔⵜ.
ⵡⵉⴷ ⵢⴻⵔⵣⴰ ⵓⵡⴰⵍ ⵣⴻⵎⵔⴻⵏ ⴰⴷ ⴰⴼⴻⵏ ⴰⵣⴷⴰⵢ (link) ⵏ ⵜⴱⵓⵔⵜ ⵜⴰⵎⴹⴰⵏⵜ ⴷⴻⴳ ⵓⵙⵎⴻⵍ ⵓⵏⵚⵉⴱ ⵏ ⵜⵏⴻⵖⵍⴰⴼⵜ ⵏ ⵜⵣⵎⴻⵔⵜ ⵏⴻⵖ ⵙ ⵓⴽⵛⵓⵎ ⵓⵙⵔⵉⴷ ⵖⴻⵔ ⵡⵓⵎⵓⵖ-ⴰⴳⵉ:
formation-prive.sante.gov.dz.
ⵜⴰⴳⴳⴰⵔⴰ, ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵢⵏⵉⵜ ⵉ ⵜⴻⴼⴽⴰ ⵜⵏⴻⴱⴱⴰⴹⵜ ⵉ ⵢⵉⵍⵎⴻⵣⵢⴻⵏ ⵢⴻⵙⵄⴰⵏ ⵜⵉⵡⵔⵉⵇⵉⵏ ⵏ ⵓⵍⵎⵎⵓⴷ ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⵏ ⴰⴼⴰⵔⵉⵙ ⴰⵣⵎⴻⵔⴰⵏ ⴷ ⵓⵃⴰⴷⴰⵔ ⵢⴻⵍⵀⴰⵏ ⵏ ⵢⵉⵎⴻⵣⴷⴰⵖ.
ⴰⵔⵏⵓ ⵖⴻⵔ
