ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵙⴰⵡⴻⵍ ⵜⴰⵏⴻⵖⵍⴰⴼⵜ ⵏ ⵜⵣⵎⴻⵔⵜ, ⴰⵙⵙ-ⴰ ⵏ ⵍⴰⵔⴱⵄⴰ, ⵉ ⵎⴰⵕⵕⴰ ⵜⵉⵖⴻⵔⵎⴰⵏⵉⵏ ⴷ ⵢⵉⵖⴻⵔⵎⴰⵏ ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵢⴻⵔⵏⴰ ⴰⴷ ⵇⴰⴷⵔⴻⵏ ⵉⵍⵓⴳⴰⵏ ⵏ ⵓⵙⵉⵣⴷⴻⴳ ⴷ ⵍ lⴰⵎⴰⵏ ⴰⵣⵎⴻⵔⴰⵏ ⴷⴻⴳ ⵓⵃⴻⴳⴳⵉ, ⵓⵃⴰⴷⴰⵔ ⴷ ⵓⵜⵛⵉ ⵏ ⵢⵉⴼⴰⵔⵉⵙⴻⵏ ⵏ ⵓⵜⵛⵉⵜ. ⴰⵢⴰ ⵢⵓⵙⴰ-ⴷ ⵎⴱⴰⵄⴻⴷ ⵎⴰ ⴷ-ⵢⴻⵍⵍⴰ ⵓⵙⵉⴹⴻⵏ ⵏ ⵡⴰⵟⴰⵙ ⵏ ⵜⵎⵉⵙⴰⵍ ⵏ ⵓⵙⵎⴻⵎⵎⵉ ⵏ ⵓⵜⵛⵉⵜ ⴷⴻⴳ ⵡⵓⵙⵙⴰⵏ-ⴰⴳⵉ ⵉⵏⴻⴳⴳⵓⵔⴰ.
ⵜⴻⵙⵙⴻⵊⴷⴻⴷ ⵜⵏⴻⵖⵍⴰⴼⵜ ⴷⴻⴳ ⵡⴰⵍⵖⵓ-ⵉⵙ ⴱⴻⵍⵍⵉ "ⴰⵙⵎⴻⵎⵎⵉ-ⴰⴳⵉ ⵏ ⵓⵜⵛⵉⵜ ⴷ ⴰⵎⵉⵞⵉ ⵜⵉⴷⴻⵜ ⵉ ⵜⵣⵎⴻⵔⵜ ⵜⴰⵎⴰⵜⵓⵜ", ⵍⴰⴷⵯⴰ ⴷⴻⴳ ⵜⴳⵏⵉⵜⵉⵏ ⵏ ⵓⵜⵛⵉ ⵢⴻⴷⴷⵓⴽⴽⵍⴻⵏ ⴷⴻⴳ ⵜⴼⴰⵙⴽⵉⵡⵉⵏ ⴷ ⵢⵉⵏⴻⵊⵎⵓⵄⴻⵏ, ⵉⵎⵉ ⴰⵙⵎⴻⵎⵎⵉ ⵢⴻⵜⵜⴰⵍⵉ ⵙ ⵓⵄⵔⴰⵇ ⵏ ⵓⵙⵉⵣⴷⴻⴳ ⵏⴻⵖ ⵙ ⵓⵃⴰⴷⴰⵔ ⵓⵔ ⵏⴻⵍⵀⴰ ⵏ ⵙⵙⴻⵍⵄⴰ.
ⵢⴻⵍⵀⴰ ⴰⴷ ⴷ-ⵏⵉⵏⵉ ⴱⴻⵍⵍⵉ ⵜⵉⵎⵉⵙⴰⵍ ⵏ ⵓⵙⵎⴻⵎⵎⵉ ⵉ ⴷ-ⵢⴻⵍⵍⴰⵏ ⵣⵉⴽ-ⴰⴳⵉ ⵇⵇⵏⴻⵏⵜ ⵓⴳⴰⵔ ⵖⴻⵔ ⵓⵜⵛⵉ ⵏ ⵢⵉⴼⴰⵔⵉⵙⴻⵏ ⵢⴻⵜⵜⴻⴼⴼⵙⵓⵏ ⵙ ⵜⵖⴰⵡⵍⴰ, ⴰⵎ ⵢⵉⵙⵍⴰⵡⵉⵢⴻⵏ , ⴰⴽⵙⵓⵎ ⵢⴻⵜⵜⵓⵡⵜⴻⵏ, ⵜⵉⵎⵍⴰⵍⵉⵏ ⴷ ⵡⴰⵢⴻⵏ ⵉ ⴷ-ⵢⴻⵜⵜⴻⴼⴼⵓⵖⵓⵏ ⵙⴻⴳ ⵡⴰⵢⴻⴼⴽⵉ.
ⵖⴻⴼ ⵡⴰⵢⴰ, ⵜⴰⵏⴻⵖⵍⴰⴼⵜ ⵏ ⵜⵣⵎⴻⵔⵜ ⵜⴻⴼⴽⴰ-ⴷ ⵜⵉⵏⴻⴹⴰⴼ-ⴰⴳⵉ:
- ⴰⵙⵉⵣⴷⴻⴳ ⵏ ⵢⵉⴼⴰⵙⵙⴻⵏ ⴷ ⵡⴰⵍⴰⵜⴻⵏ ⵏ ⵓⵜⵛⵉⵜ.
- ⴰⵙⵉⵔⴻⴷ ⵢⴻⵍⵀⴰ ⵏ ⵢⵉⴼⴰⵔⵉⵙⴻⵏ ⵓⵇⴱⴻⵍ ⴰⵙⴻⵡⵡⵉ.
- ⴰⵙⴻⵡⵡⵉ ⵢⴻⵚⴼⴰⵏ ⵏ ⵎⴰⵕⵕⴰ ⵜⵓⵜⵛⵉⵜ.
- ⴰⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵓⵚⴻⵎⵎⵉⴷ ⴷⴻⴳ ⵓⵃⴰⴷⴰⵔ ⴷ ⵡⴰⵙⵙⴰⵢ ⵏ ⵓⵜⵛⵉⵜ.
- ⴰⵙⴻⵇⴷⴻⵛ ⵏ ⵡⴰⵎⴰⵏ ⵉⵚⴻⵃⵃⴰⵏ ⵉ ⵓⵙⴻⵡⵡⵉ.
- ⴰⴼⵔⴰⵇ ⵏ ⵓⵜⵛⵉⵜ ⵢⴻⵡⵡⴰⵏ ⵖⴻⴼ ⵡⵉⵏ ⵓⵔ ⵄⴰⴷ ⵢⴻⵡⵡⵉ ⴷⴻⴳ ⵡⴰⵍⴰⵜ ⵏ ⵓⵚⴻⵎⵎⵉⴷ.
ⵢⴻⵔⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⵢⴻⵍⵀⴰ ⴰⴷ ⵡⴰⵍⵉⵏ ⵢⵉⵎⴷⴰⵏⴻⵏ ⴰⵣⵎⴻⵣ ⵏ ⵓⴽⴼⵓ ⵏ ⵓⵜⵛⵉⵜ, ⵓⵔ ⵜⵜⴰⵊⵊⴰⵏ ⴰⵔⴰ ⴰⴽⵙⵓⵎ ⵢⴻⵇⵇⵓⵔⴻⵏ (frozen) ⴷⴻⴳ ⵓⵃⵎⵓ ⵏ ⵜⵣⴻⵇⵇⴰ, ⵢⴻⵔⵏⴰ ⵓⵔ ⵜⵜⴻⵜⵜⴻⵏ ⴰⵔⴰ ⵜⵉⴱⵡⴰⵜⵉⵏ ⵏ ⵓⵃⴰⴷⴰⵔ (cans) ⵢⴻⵜⵜⵓⴹⴻⵔⵔⴻⵏ ⵏⴻⵖ ⵢⴻⵙⵄⴰⵏ ⵔⵔⵉⵃⴰ ⵓⵔ ⵏⴻⵍⵀⴰ. ⵢⴻⵍⵀⴰ ⴷⴰⵖⴻⵏ ⴰⴷ ⵙⵙⴻⵔⵙⴻⵏ ⵓⵜⵛⵉⵜ ⴷⴻⴳ ⵡⴰⵍⴰⵜⴻⵏ ⵢⴻⵇⵇⵏⴻⵏ ⵢⴻⵔⵏⴰ ⵓⵔ ⵜⵜⴰⵊⵊⴰⵏ ⴰⵔⴰ ⵓⵜⵛⵉⵜ ⵢⴻⵡⵡⴰⵏ ⵓⴳⴰⵔ ⵏ ⵙⵏⴰⵜ ⵏ ⵜⵙⵔⴰⴳⵉⵏ ⴷⵉ ⴱⴻⵔⵔⴰ ⵏ ⵡⴰⵍⴰⵜ ⵏ ⵓⵚⴻⵎⵎⵉⴷ.
ⵜⴰⴳⴳⴰⵔⴰ, ⵜⴰⵏⴻⵖⵍⴰⴼⵜ ⵏ ⵜⵣⵎⴻⵔⵜ ⵜⴻⵙⵙⴻⴽⵜⴰ-ⴷ ⵢⵉⵎⴻⵣⴷⴰⵖ ⴱⴻⵍⵍⵉ ⴰⵃⴰⴷⴰⵔ ⴷ ⵏⴻⵜⵜⴰ ⵉ ⵢⴻⵍⵍⴰⵏ ⴷ ⴰⴱⵔⵉⴷ ⵢⴻⴼⵔⴻⵏ ⵉ ⵓⵃⴰⴷⴰⵔ ⵏ ⵜⵣⵎⴻⵔⵜ ⵜⴰⵎⴰⵜⵓⵜ. ⵜⴻⵙⵙⵓⵜⴻⵔ ⴷⴰⵖⴻⵏ ⵙⴻⴳ ⵎⴰⵕⵕⴰ ⵢⵉⵎⴻⵇⴷⴻⵛⴻⵏ ⴷⴻⴳ ⵓⵃⵔⵉⵛ ⵏ ⵓⵜⵛⵉ ⵢⴻⴷⴷⵓⴽⴽⵍⴻⵏ ⴰⴷ ⵇⴰⴷⵔⴻⵏ ⵙ ⵜⴼⴰⵡⵜ ⵉⵍⵓⴳⴰⵏ ⵏ ⵓⵙⵉⵣⴷⴻⴳ ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵍ lⵃⴻⵔⵎⴰ ⴷ ⵜⵣⵎⴻⵔⵜ ⵏ ⵢⵉⵖⴻⵔⴼⴰⵏ.
ⴰⵔⵏⵓ ⵖⴻⵔ
