ⵢⴻⵡⵡⵉ-ⴷ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵎⴻⵙⵔⵉⵢⵉⵏ ⵢⴻⵜⵜⵡⴰⴽⴰⵍⵙⴻⵏ ⴷ ⵍⴱⴰⵟⴰⵍ ⵏ ⵍⵇⴻⴷⴷ ⵏ ⵜⴻⴳⵏⴰⵡⵜ ⵉ ⵢⵉⵃⵔⵉⵛⴻⵏ ⵏ ⵍⴻⴱⵏⵉ, ⵍⴻⵛⵖⴰⵍ ⵏ ⴱⴰⵢⵍⴻⴽ ⴷ ⵡⴰⵎⴰⵏ (CACOBATPH), ⴰⵙⵎⴻⵢⵏⵓⵜ ⵏ ⵜⵍⴰⵜⴰ ⵏ ⵜⵛⴻⴽⴽⴰⴷⵉⵏ ⵏ ⵓⵎⵙⴰⵙⴰ ⴷ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ISO. ⴰⵢⴰ ⵢⴻⵍⵍⴰ-ⴷ ⴷⴻⴼⴼⵉⵔ ⵏ ⵢⵉⵡⴻⵏ ⵏ ⵓⵣⵔⴰⵄ ⵏ ⴱⴻⵔⵔⴰ ⵉⵇⴻⵙⵃⴻⵏ ⵉ ⴷ-ⵢⴻⵛⵛⵓⵔⵏ ⵖⴻⴼ ⵜⵓⴷⴷⵙⵉⵡⵉⵏ-ⵉⵙ ⴷ ⵢⵉⵏⴰⴳⵔⴰⵡⴻⵏ ⵏ ⵜⴷⴻⴱⴱⴻⵔⵜ-ⵉⵙ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵓⵙⴻⵏⴷⵓⵇ ⴰⵙⵙ-ⴰ ⵏ ⵍⴻⵜⵏⴰⵢⴻⵏ.
ⵢⴻⵙⴼⴻⵙⵔ-ⴷ ⵓⵙⵉⵡⴹ-ⴰ ⴱⴻⵍⵍⵉ ⴰⵙⴻⵏⴷⵓⵇ ⵢⴻⵡⵡⵉ-ⴷ ⴷⴻⴳ ⵜⴰⵣⵡⴰⵔⴰ ⵏ ⴼⵓⵔⴰⵔ-ⴰ, ⴰⵙⵎⴻⵢⵏⵓⵜ ⵏ ⵜⵍⴰⵜⴰ ⵏ ⵜⵛⴻⴽⴽⴰⴷⵉⵏ ⵏ ISO: "ISO 9001 ⵉ ⵓⵏⴰⴳⵔⴰⵡ ⵏ ⵜⴷⴻⴱⴱⴻⵔⵜ ⵏ ⵜⵉⴼⵔⴰⵜ (La qualité)", "ISO 45001 ⵉ ⵓⵏⴰⴳⵔⴰⵡ ⵏ ⵜⴷⴻⴱⴱⴻⵔⵜ ⵏ ⵜⴷⴰⵡⵙⴰ ⴷ ⵜⵎⴰⵏⴻⴳⵜ ⴷⴻⴳ ⵓⵅⴻⴷⴷⵉⵎ", ⴷ "ISO 14001 ⵉ ⵓⵏⴰⴳⵔⴰⵡ ⵏ ⵜⴷⴻⴱⴱⴻⵔⵜ ⵏ ⵜⵡⴻⵏⵏⴰⵟ".
ⴰⵔⵔⴰⵣ-ⴰⴳⵉ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ "ⵢⴻⵙⵙⴻⴷⵀⴻⵔ ⵉⵍⵉⵣⴰⵎ ⵏ ⵓⵙⴻⵏⴷⵓⵇ ⴷⴻⴳ ⵓⵙⴷⵓⴽⴽⴻⵍ ⵏ ⵜⵉⴼⵔⴰⵜ ⴷ ⵓⴱⴻⴷⴷⴻⵍ ⴰⵎⵓⵟⵟⴰⵏ (numérique)", ⵢⴻⵔⵏⴰ ⴷ ⵢⵉⵡⴻⵏ ⵓⵣⵎⴻⵣ ⴰⴷⴻⵙⵍⴰⵏ ⴷⴻⴳ ⵓⴱⵔⵉⴷ ⵏ ⵜⵎⵓⵔⵙⴰⵏⵜ ⵉ ⵢⴻⴱⴷⴰ ⵓⵙⴻⵏⴷⵓⵇ ⵙⴻⴳ ⵓⵙⴻⴳⴳⴰⵙ ⵏ 2019.
ⵢⴻⵏⵏⴰ ⵓⵙⵉⵡⴹ ⴱⴻⵍⵍⵉ ⵜⵉⵛⴻⴽⴽⴰⴷⵉⵏ-ⴰⴳⵉ ⵍⵃⴰⵏⵜ ⵉ ⵜⵍⴰⵜⴰ ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⴰⵙⵎⴻⵢⵏⵓⵜ-ⴰ ⵢⴻⵍⵍⴰ-ⴷ ⵙ ⵢⵉⴳⴻⵎⵎⵓⵏ ⵢⴻⵍⵀⴰⵏ ⵏ ⵓⵣⵔⴰⵄ ⵏ ⴱⴻⵔⵔⴰ ⵉ ⴷ-ⵢⴻⵙⴽⴻⵏ ⴱⴻⵍⵍِي ⴰⵏⴰⴳⵔⴰⵡ ⵏ ⵓⵙⴻⵏⴷⵓⵇ ⵢⴻⴶⵀⴻⴷ ⵢⴻⵔⵏⴰ ⵢⴻⴹⴼⴻⵔ ⴰⴽⴽ ⵍⵓⵎⵓⵔ ⵉⴳⵔⴰⵖⵍⴰⵏⴻⵏ ⵏ ⵜⵉⴼⵔⴰⵜ, ⵜⴷⴰⵡⵙⴰ, ⴷ ⵓⵃⴰⴷⴻⵔ ⵏ ⵜⵡⴻⵏⵏⴰⵟ.
ⵙ ⵡⴰⵢⴰ, ⴰⵙⴻⵏⴷⵓⵇ ⵏ CACOBATPH ⵢⴻⵙⵙⴻⴶⵀⴻⴷ "ⴰⵎⴽⴰⵏ-ⵉⵙ ⴰⵎ ⵜⵎⵓⵔⵙⴰⵏⵜ ⵜⴰⴳⴷⵓⴷⴰⵏⵜ ⵉⵙⴻⵅⴷⴰⵎⴻⵏ ⴰⵏⴰⴳⵔⴰⵡ ⵏ ⵜⴷⴻⴱⴱⴻⵔⵜ ⵢⴻⵎⵢⴰⵇⵏⴻⵏ (SMI)", ⴰⵢⴰ ⵢⴻⵙⵙⴻⴼⵙⵓⵙ ⵍⴻⵛⵖⴰⵍ ⵏ ⵓⵙⵎⵓⵟⵟⴻⵏ (numérisation) ⴷ ⵓⵙⵉⴼⵙⵓⵙ ⵏ ⵜⴷⴻⴱⴱⴻⵔⵜ, ⵢⴻⵔⵏⴰ ⵢⴻⵙⵙⴻⴶⵀⴻⴷ ⵜⵉⴼⵔⴰⵜ ⵏ ⵓⵅⴻⴷⴷⵉⵎ.
ⴷⴻⴳ ⵓⴼⵔⴰⴳ-ⴰ, ⴰⵙⴻⵏⴷⵓⵇ ⵢⴻⵜⵜⴰⵡⵉ-ⴷ "ⵉⵍⵉⵣⴰⵎ-ⵉⵙ ⵉⵇⴻⵡⵡⵉⵏ ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵜⵉⴽⵍⵉ ⵏ ⵓⵙⴻⵍⵀⵓ ⵏ ⵜⵉⴼⵔⴰⵜ ⵏ ⵓⵅⴻⴷⴷⵉⵎ ⵏ ⴱⴰⵢⵍⴻⴽ ⴷ ⵓⵙⵎⴰⵢⵏⵓⵜ ⵏ ⵜⵎⴰⵀⵉⵍⵉⵏ ⵏ ⵜⴷⴻⴱⴱⴻⵔⵜ".
ⴰⵔⵏⵓ ⵖⴻⵔ
