ⵜⴻⵙⵙⵉⵡⴻⵍ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵓⵙⴻⴳⴳⴻⵎ ⵏ ⵓⵙⵎⴰⵡⵉⵏ ⴷ ⵓⵎⵓⵖⵍⵉ (ARAV), ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⵉ ⵢⴰⴽⴽ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ ⵏ ⵓⵙⵎⴰⵡⵉⵏ ⴷ ⵓⵎⵓⵖⵍⵉ , ⴰⵎⴰ ⴷ ⵡⵉⴷ ⵏ ⵓⵡⴰⵏⴰⴽ ⵏⴻⵖ ⴷ ⵡⵉⴷ ⵉⵅⵓⵚⵚⵉⵢⴻⵏ, ⵉⵡⴰⴽⴽⴻⵏ ⴰⴷ ⵇⴰⴷⵔⴻⵏ ⵙ ⵍⵃⴻⵔⵙ ⵉⵍⵓⴳⴰⵏ ⴰⵙⴰⴷⵓⴼⴰⵏⴻⵏ, ⵉⵎⴻⵣⵣⵓⵍⴰⵏⴻⵏ ⴷ ⵡⵉⴷ ⵏ ⵜⵎⵓⵖⵍⵉ ⵉ ⴷ-ⵢⴻⵙⵙⵓⴷⴷⵓⵙⴻⵏ ⴰⵖⵓⵎⵎⵓ ⵏ ⵢⵉⵏⴻⵖⵎⴰⵙⴻⵏ ⵉ ⵢⴰⴽⴽ ⵉⵙⵡⵉⵔⴻⵏ ⵏ ⵜⴻⴼⵔⴰⵏⵉⵏ. ⴰⵢⴰⴳⵉ ⵉ ⵓⵀⴻⴳⴳⵉ ⵏ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ ⵏ 2 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ.
ⵢⵓⵔⴰ-ⴷ ⴷⴻⴳ ⵓⵙⵉⵡⴹ ⴱⴻⵍⵍⵉ "ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵉ ⵓⴹⴼⵉⵔⵉ ⵏ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ ⵏ ⵓⵙⴻⴳⴳⴰⵙ 2026, ⵓ ⵉ ⵓⵟⵎⴰⵏ ⵏ ⵢⵉⵡⴻⵏ ⵏ ⵓⵖⵓⵎⵎⵓ ⵏ ⵜⵏⴻⵖⵎⴰⵙⵜ ⴰⵎⴻⵣⵣⵓⵍⴰⵏ ⵓ ⴷ ⴰⵎⴰⵙⴰⵢ ⵉⵕⴻⵙⵙⴰⵏ ⵖⴻⴼ ⵍⵍⵙⴰⵙ ⵏ ⵓⴳⴻⵜ-ⵓⴷⴻⵎ , ⵜⴼⴻⴼⴻⴼⴼⵉⵜ ⴷ ⵜⵏⴻⵣⵣⵉⵜ, ⵜⴻⵙⵙⴻⴽⵢⴻⴷ-ⴷ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵓⵙⴻⴳⴳⴻⵎ ⵏ ⵓⵙⵎⴰⵡⵉⵏ ⴷ ⵓⵎⵓⵖⵍⵉ ⵢⴰⴽⴽ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ ⵉ ⵓⵇⴰⴷⴻⵔ ⵏ ⵢⵉⵙⴰⴷⵓⴼⴻⵏ, ⵍⴰⴷⵖⴰ ⴰⵙⴰⴷⵓⴼ ⵡⵓⵟⵟⵓⵏ 23-20 ⵢⴻⵄⵏⴰⵏ ⴰⵎⴰⵀⵉⵍ ⵏ ⵓⵙⵎⴰⵡⵉⵏ ⴷ ⵓⵎⵓⵖⵍⵉ".
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⴷⴱⴻⵍⵜ ⵜⴻⵙⵙⴻⵃⵔⴻⵙ ⵖⴻⴼ "ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵜⴰⵔⵔⴰⵢⵉⵏ ⵏ ⵜⴻⵔⵙⵓⵜ (neutralité), ⵜⵓⴼⵔⵉⵏⵜ ⴷ ⵜⵉⵍⴻⵍⵍⵉ ⴷⴻⴳ ⵓⵙⴻⴼⵔⴻⴽ ⵏ ⵢⵉⵙⴰⵍⴰⵏ ⴷ ⵡⴰⵀⵉⵍⴻⵏ ⵉⵙⴻⵔⵜⵉⵢⴻⵏ ⵢⴻⵄⵏⴰⵏ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ, ⵉⵡⴰⴽⴽⴻⵏ ⵓⵖⵔⵉⵎ ⴰⴷ ⵢⴻⵙⵄⵓ ⴰⵣⵔⴻⴼ ⵖⴻⵔ ⵓⵙⴰⵍⴰⵏ ⵏ ⵜⵉⴷⴻⵜ ⵢⴻⵔⵏⴰ ⵉⵡⴻⵣⵏⴻⵏ". ⴷⴰⵖⴻⵏ ⵜⴻⵙⵙⴻⵃⵔⴻⵙ ⵖⴻⴼ "ⵓⵟⵎⴰⵏ ⵏ ⵓⵏⴻⴽⵛⵓⵎ ⴰⵎⵎⵉⵣⵉ ⴷ ⵓⴼⵔⵉⵏ ⵉ ⵢⴰⴽⴽ ⵜⵉⴳⴳⵓⵔⴰ ⵏ ⵢⵉⵎⴻⵙⵜⵉⵔⴻⵏ, ⵉⴽⴰⴱⴰⴱⴻⵏ ⵉⵙⴻⵔⵜⵉⵢⴻⵏ ⴷ ⵢⵉⵎⴻⵙⵜⵉⵔⴻⵏ ⵢⴻⵍⵍⴰⵏ ⴷ ⵜⵉⵍⴻⵍⵍⵉⵡⵉⵏ ⵖⴻⵔ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ".
ⵜⴰⴷⴱⴻⵍⵜ ⵜⴻⵙⵙⴻⴽⵏⴻⴷ ⴷⴰⵖⴻⵏ — ⴰⴽⴽⴻⵏ ⵉ ⴷ-ⵢⵓⵔⴰ ⵓⵖⴱⴰⵍⵓ-ⵏⵏⵉ — ⴰⵣⴰⵍ ⵏ "ⵓⵃⴰⴷⴻⵔ ⵙⴻⴳ ⵓⵙⵓⴼⴼⴻⵖ ⵏⴻⵖ ⵓⴼⵔⴰⵇ ⵏ ⵢⴰⵍ ⴰⵏⴰⵡ ⵏ ⵜⵎⴻⵙⵍⴰⵢⵜ ⵉ ⵉⵣⴻⵎⵔⴻⵏ ⴰⴷ ⵢⴻⵏⵏⴰⵍ ⵍⴻⴱⵖⵉ ⵏ ⵢⵉⴼⵔⴰⵏⵉⵏ ⵏⴻⵖ ⴰⴷ ⵢⴻⵙⵙⴻⴼⵙⴻⴷ ⵙⵙⵢⵉⴼⴰ ⵏ ⵢⵉⵎⴻⵙⵜⵉⵔⴻⵏ ⵏⴻⵖ ⵜⵓⴷⴻⵔⵜ-ⵏⵙⴻⵏ ⵏ ⴷⴰⵟⴻⵍ", ⴰⵎ ⴰⴽⴽⴻⵏ ⵉ ⵜⴻⵏⵏⴰ ⴱⴻⵍⵍⵉ ⵉⵍⴰⵇ "ⵓⵃⴰⴷⴻⵔ ⵙⴻⴳ ⵓⵙⵓⴼⴼⴻⵖ ⵏ ⵜⵎⴻⵙⵍⴰⵢⵜ ⵏ ⵍⴽⴻⵔⵔⴰ, ⵓⴱⴻⵟⵟⵓ ⵏⴻⵖ ⴰⵙⴻⴷⴷⴻⴳⴳⴻⵔ ⵖⴻⵔ ⵓⵄⴻⵏⴼⴰⴹ, ⵏⴻⵖ ⴰⵏⵡⴰⵍ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷ ⵢⵉⵙⴰⵍⴰⵏ ⵏ ⵜⴻⵙⴽⵔⴰⵙⵜ
ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ, ⵜⴻⵙⵙⵉⵡⴻⵍ ⵉ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ "ⴰⴷ ⵙⵙⴻⵎⴳⵉⵔⴷⴻⵏ ⴳⴰⵔ ⵢⵉⵙⴰⵍⴰⵏ ⵏ ⵜⵏⴻⵖⵎⴰⵙⵜ ⴷ ⵡⴰⵀⵉⵍⴻⵏ ⵏ ⵓⵙⴻⵏⵎⴻⵔ (publicité), ⴷ ⵓⵃⴰⴷⴻⵔ ⵏ ⵓⵙⵓⴼⴼⴻⵖ ⵏ ⵢⴰⵍ ⵜⴰⴱⵔⴰⵜⵜ ⵏ ⵓⵙⴻⵏⵎⴻⵔ ⵏ ⵜⴻⴼⵔⴰⵏⵉⵏ ⵓⴼⴼⵉⵔ ⵏ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ", ⵙ "ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵙⵙⵉⴽⴰⵜ ⵏ ⵜⴻⴼⵔⴰⵏⵉⵏ (silence électoral) ⴷⴻⴳ ⵜⴰⵍⵍⵉⵜ ⵉ ⴷ-ⵉⵜⵜⵓⵏⴻⵎⵍⴻⵏ ⴷⴻⴳ ⵓⵙⴰⴷⵓ.
ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉ ⵜⴰⴳⵔⵓⵎⵎⴰ ⵏ ⵡⵉⴷ ⵢⴻⵙⵄⴰⵏ ⵜⵓⴽⴽⵉⵙⵉⵡⵉⵏ ⵉⵕⴻⵙⵙⴰⵏ, ⵍⴰⴷⵖⴰ ⵡⵉⴷ ⵓⵔ ⵏⴻⵙⴻⵍⵍ ⴰⵔⴰ, ⵜⴰⴷⴱⴻⵍⵜ ⵜⴻⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵟⵎⴰⵏ ⵏ "ⵜⵙⵓⵇⴻⵍⵜ ⵙ ⵜⵓⵜⵍⴰⵢⵜ ⵏ ⵢⵉⴼⴰⵙⵙⴻⵏ (langue des signes) ⵏⴻⵖ ⵜⵉⵔⴰ ⵏ ⴷⴷⴰⵡ ⵏ ⵜⵎⵓⵖⵍⵉ".
ⴷⴻⴳ ⵜⴰⴳⴳⴰⵔⴰ, ⵜⴰⴷⴱⴻⵍⵜ ⵜⴻⵙⵙⴻⴽⵜⵉ-ⴷ ⴱⴻⵍⵍⵉ ⴰⴷ ⵜⴼⵓⵍⴻⵍ (monitor) ⵍⵇⴻⴷⴷ ⵏ ⵓⵇⴰⴷⴻⵔ ⵏ ⵜⵜⴰⵡⵉⵍⴰⵜ ⵏ ⵓⵙⴰⵍⴰⵏ ⵉ ⵢⵉⵍⵓⴳⴰⵏ-ⴰⴳⵉ, ⵓ ⴰⴷ ⵜⴰⵡⵉ ⵢⴰⴽⴽ ⵜⴰⵔⵔⴰⵢⵉⵏ ⴰⵙⴰⴷⵓⴼⴰⵏⴻⵏ ⵎⴰ ⵢⴻⵍⵍⴰ-ⴷ ⵓⵃⵓⵟⵟⵓ ⴷⴻⴳ ⵓⵖⵓⵎⵎⵓ ⵏ ⵜⴻⴼⵔⴰⵏⵉⵏ.
ⴰⵔⵏⵓ ⵖⴻⵔ
