ⵜⴻⵄⵍⴻⵏ-ⴷ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵜⴻⴼⵔⴰⵏⵉⵏ (ANIE), ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⵀⴻⴷ, ⵖⴻⴼ ⵡⴰⵣⴰⵍ ⵏ ⵓⵛⴻⵢⵢⴰⵄ ⵏ ⵜⴰⵣⵣⵍⴰ ⵏ ⵡⴰⵔⵔⴰⵜⴻⵏ ⵏ ⵀⵉⴱⴰ (reçus de dons) ⵢⴻⵄⵏⴰⵏ ⴰⵙⵔⵉⵎ ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ (campagne électorale) ⵉ ⵓⵙⵉⴼⵔⴻⵏ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (APN) ⴰⵙⵙ ⵏ 2 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ "ⵜⴰⵙⵇⴰⵎⵓⵜ ⵏ ⵓⵣⴻⵟⵟⴻⴹ ⵏ ⵓⵙⵔⵉⵎ ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⵜⴻⵙⵙⴻⴽⵜⵉ-ⴷ ⴱⴻⵍⵍⵉ ⴰⵎⴰⵏⴰⵢ ⵏ ⵜⴻⴷⵔⵉⵎⵜ (secrétaire financier) ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⵉⵍⴰⵇ ⴰⴷ ⵢⴻⴼⴽ ⵜⴰⵛⴻⵇⵇⴰⴼⵜ (copie) ⵏ ⵡⴰⵔⵔⴰⵜ ⵉ ⵡⵉⵏ ⵉ ⴷ-ⵢⴻⴼⴽⴰⵏ ⵀⵉⴱⴰ (donateur), ⵢⴻⵔⵏⴰ ⴰⴷ ⵢⴰⵣⴻⵏ ⵉⵎⵉⵔⴻⵏ ⴽⴰⵏ ⵜⴰⵛⴻⵇⵇⴰⴼⵜ ⵏⵏⵉⴹⴻⵏ ⵉ ⵜⴻⵙⵇⴰⵎⵓⵜ ⵏ ⵓⵣⴻⵟⵟⴻⴹ ⵏ ⵓⵙⵔⵉⵎ ⵏ ⵜⵉⴳⴳⴰⵡⵜ ⵙ ⵓⴱⵔⵉⴷ ⵏ ⵔⵔⵔⴰⵢⴻⴽ ⴰⵍⵉⴽⵜⵔⵓⵏⴰⵏ: ccfce@ina-elections.dz".
ⴷⴻⴳ ⵓⵏⵏⴰⵔ-ⴰⴳⵉ, ⵜⴻⵙⵙⴻⵃⵔⴻⵙ ⴱⴻⵍⵍⵉ "ⵜⵉⴳⴳⴰⵡⵜ-ⴰⴳⵉ ⵉⵍⴰⵇ ⴰⴷ ⴷ-ⵜⵉⵍⵉ ⴷⴻⴳ ⵍⵡⴻⵇⵜ-ⵉⵙ ⵙ ⵜⴰⵎⴰ ⵏ ⵢⵉⵎⴰⵏⴰⵢⴻⵏ ⵏ ⵜⴻⴷⵔⵉⵎⵜ ⵏ ⵜⵉⴳⴳⴰⵡⵜ, ⵔⵏⵉ-ⴷ ⴼⴻⵍⵍ-ⴰⵙ ⴰⵙⴷⵓⴽⴽⴻⵍ ⵏ ⵢⴰⴽⴽ ⵡⴰⵔⵔⴰⵜⴻⵏ-ⴰⴳⵉ ⴷⴻⴳ ⵓⴼⴰⵢⵍⵓ ⴰⵎⴰⵜⵓ ⵏ ⵜⵎⵓⵀⴻⵍ ⵏ ⵜⴻⴷⵔⵉⵎⵜ ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⵉ ⵉⵟⵟⵓⵏⴻⵎⵍⴻⵏ ⵉ ⵜⴻⵙⵇⴰⵎⵓⵜ ⵏ ⵓⵣⴻⵟⵟⴻⴹ".
ⴰⵙⵉⵡⴹ ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵏⴰⵖⵜⴰⵙⵜ-ⴰⴳⵉ ⵜⵓⵙⴰ-ⴷ "ⵙ ⴷⴷⴰⵡ ⵏ ⵜⵙⵓⴷⴷⴻⵙⵜ ⵏ ⵜⵙⴻⵍⵡⵉⵜ (décret présidentiel) ⵡⵓⵟⵟⵓⵏ 26-145 ⵏ 4 ⵢⴻⴱⵔⵉⵔ 2026 ⵉ ⴷ-ⵢⴻⵡⵡⵉ ⴰⵙⵉⵡⴻⵍ ⵉ ⵜⴻⴳⵔⵓⵎⵎⴰ ⵏ ⵢⵉⴼⵔⴰⵏⵉⵏ, ⵓ ⵙ ⵓⵙⴻⵍⴽⴻⵎ ⵏ ⵜⴰⵔⵔⴰⵢⵉⵏ ⵏ ⵓⵙⴰⴷⵓⴼ ⴰⵎⴰⵡⴰⵢ (loi organique) ⵡⵓⵟⵟⵓⵏ 21-01 ⵢⴻⵄⵏⴰⵏ ⴰⵏⴰⴳⵔⴰⵡ ⵏ ⵜⴻⴼⵔⴰⵏⵉⵏ, ⴷ ⵜⵙⵓⴷⴷⴻⵙⵜ ⵏ ⵓⵙⴻⵍⴽⴻⵎ (décret exécutif) ⵡⵓⵟⵟⵓⵏ 21-188 ⵉ ⴷ-ⵢⴻⵙⵙⴻⵔⵙⵉⵢⴻⵏ ⵜⵉⵡⵜⵉⵍⵉⵏ ⵏ ⵓⵙⴱⴻⴷⴷⵉ ⵏ ⵡⴰⵔⵔⴰⵜ ⵏ ⵀⵉⴱⴰ ⵉ ⵡⵉⵏ ⵉ ⴷ-ⵢⴻⴼⴽⴰⵏ ⵙⴻⴳ ⵜⴰⵎⴰ ⵏ ⵓⵎⴰⵏⴰⵢ ⵏ ⵜⴻⴷⵔⵉⵎⵜ".
ⴰⵔⵏⵓ ⵖⴻⵔ
