ⵜⴻⵙⵙⴻⴼⵀⴻⵎ-ⴷ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵜⴻⴼⵔⴰⵏⵉⵏ (ANIE), ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⵀⴻⴷ, ⵜⴰⵔⵔⴰⵢⵉⵏ ⵏ ⵓⵙⵉⴼⵔⴻⵏ ⵢⴻⵄⵏⴰⵏ ⴰⵙⵉⴼⵔⴻⵏ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 2 ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⴷⴱⴻⵍⵜ ⵜⴻⵙⵙⴻⴽⵜⵉ-ⴷ ⴱⴻⵍⵍⵉ "ⵜⵉⴳⴳⴰⵡⵜ ⵏ ⵓⵙⵉⴼⵔⴻⵏ ⴷⴻⴳ ⵡⴰⵙⵙ ⵏ 2 ⵢⵓⵍⵢⵓ, ⵜⴻⵜⵜⴻⴳⴳⴻⵏ ⵙ ⵓⴼⵔⴰⵏ ⵏ ⵓⵖⵔⵉⵎ, ⵎⵉ ⴰⵔⴰ ⵢⵉⵍⵉ ⴷⴰⵅⴻⵍ ⵏ ⵡⴻⵎⴽⴰⵏ ⵏ ⵜⵓⴼⴼⵔⴰ (booth), ⵉ ⵢⵉⵡⴻⵜ ⵏ ⵜⴻⴱⴰⵍⴰⵅⵜ ⴽⴰⵏ".
ⴰⵖⵔⵉⵎ ⴰⴷ ⵢⴻⵅⵜⵉⵔ ⵢⵉⵡⴻⵏ ⵏ ⵓⵎⴻⵙⵜⵉⵔ (candidat) ⵏⴻⵖ ⵓⴳⴰⵔ ⴷⴰⵅⴻⵍ ⵏ ⵜⴻⴱⴰⵍⴰⵅⵜ-ⵏⵏⵉ ⵉ ⵢⴻⵅⵜⴰⵔ, ⵙ ⵓⵇⴰⴷⴻⵔ ⵏ ⵓⵎⴹⴰⵏ ⵏ ⵢⵉⵇⵡⵉⵔⴻⵏⵉ ⴷ-ⵉⵜⵜⵓⵏⴻⵎⵍⴻⵏ ⵉ ⵜⴻⵎⵏⴰⵟ-ⵉⵙ ⵏ ⵜⴻⴼⵔⴰⵏⵉⵏ, ⵏⴻⵖ ⵜⴰⵎⵏⴰⵟ ⵏ ⵜⵔⴰⴽⴰⵍⵜ ⵉ ⵡⵉⴷ ⵉⵕⴻⵙⵙⴰⵏ ⴷⴻⴳ ⴱⴻⵕⵕⴰ.
ⴷⴰⵖⴻⵏ, ⵜⴰⴷⴱⴻⵍⵜ ⵜⴻⵙⵙⴻⴽⵏⴻⴷ ⴱⴻⵍⵍⵉ "ⵜⵉⴼⴻⵔⵔⴻⵜ ⵏ ⵓⴼⵔⴰⵏ ⵜⴻⵜⵜⵡⴰⵃⵙⴻⴱ ⴷ ⵜⵓⵎⴹⵉⵍⵜ, ⵎⴰ ⵢⴻⵍⵍⴰ ⵓⵖⵔⵉⵎ ⵢⴻⵅⵜⵉⵔ ⵓⴳⴰⵔ ⵏ ⵢⵉⵎⴻⵙⵜⵉⵔⴻⵏ ⵖⴻⴼ ⵍⵇⴻⴷⴷ ⵏ ⵢⵉⵇⵡⵉⵔⴻⵏ ⵏ ⵜⴻⵎⵏⴰⵟ-ⵏⵏⵉ". ⵎⴰ ⵢⴻⵍⵍⴰ ⵓⵖⵔⵉⵎ ⵢⴻⵅⵜⴰⵔ ⵜⴰⴱⴰⵍⴰⵅⵜ ⵎⴻⴱⵍⴰ ⵎⴰ ⵢⴻⵅⵜⵉⵔ ⵉⵙⵎⴰⵡⴻⵏ ⵏ ⵢⵉⵎⴻⵙⵜⵉⵔⴻⵏ ⵏ ⴷⴰⵅⴻⵍ, ⵜⵉⴼⴻⵔⵔⴻⵜ-ⵉⵙ "ⵜⴻⵜⵜⵡⴰⵃⵙⴻⴱ ⴷ ⵜⴰⵎⴻⵣⴳⴰⵏⵜ (valide) ⵢⴻⵔⵏⴰ ⵜⴻⵜⵜⵓⵙⵜⵉⵙⴱⴻⵏ ⵉ ⵏⴼⴰⵄ ⵏ ⵜⴻⴱⴰⵍⴰⵅⵜ-ⵏⵏⵉ ⵉ ⵢⴻⵅⵜⴰⵔ".
ⴰⵔⵏⵓ ⵖⴻⵔ
