ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ, ⵏ ⵓⵎⵖⵉⵡⴰⵏ ⴰⵖⴻⵍⵏⴰⵡ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ, ⴷ ⵢⵉⵡⴻⵥⵍⴰ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⴰⵜⵜⴰⴼ, ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ), ⴷⴰⴽⴽⴻⵏ ⴷⵣⴰⵢⴻⵔ, ⵜⴻⵣⵎⴻⵔ ⵙ ⵢⵉⵙⵜⴰⴳⴻⵏ ⵖⴻⴼ ⵓⵙⴻⵏⴼⴰⵔ ⵜⴰⵏⴻⵖⵜⵓⵙⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵖⴻⵍⴷⵓⴽⴽⵍⴰⵏ, ⵢⴻⵇⵇⵏⴻⵏ ⵖⴻⵔ ⵓⵖⴰⵡⴰⵙ ⵏ ⵜⴰⵍⵡⵉⵜ ⴷⴻⴳ ⵖⴻⵣⵣⴰ, ⴰⴷ ⵜⴻⵙⵙⵉⴷⴻⴼ ⴷⴻⴳ-ⵙ ⴰⵛⴻⴳⴳⴻⵔ “ⴰⵅⴰⵜⴰⵔ”, ⵖⴻⴼ ⵢⵉⵙⵡⵉ ⵏ ⵓⵙⴻⵣⵎⴻⵔ ⵏ ⵓⵖⵔⴻⴼ ⴰⴼⴰⵍⴰⵙⵟⵉⵏⵉ ⴰⴷ ⵢⴻⵙⴱⴻⴷ ⴰⵡⴰⵏⴰⴽ-ⵏⵏⴻⵙ ⴰⵎⵣⴰⵔⵓⴳ ⴰⵏⴰⵢⴰⵏ”.
ⵉⵍⵎⴻⵏⴷ ⵏ ⵢⵉⵡⴻⵜ ⵏ ⵜⵎⵓⴳⴻⵔⵜ ⵜⴰⵖⴰⵎⵙⴰⵏⵜ ⵉ ⵢⴻⵙⵙⴻⵔⵎⴻⴷ ⴷⴻⴳ ⵜⴻⵙⵖⵉⵎⵜ ⵏ ⵡⴻⵖⵍⵉⴼ, ⵉⵡⴻⴽⴽⴻⴷ-ⴷ ⵎⴰⵙⵙ ⴰⵜⵜⴰⴼ ⴷⴰⴽⴽⴻⵏ ⴷⵣⴰⵢⴻⵔ « ⵜⴻⵣⵎⴻⵔ ⵙ ⵢⵉⵙⵜⴰⴳⴻⵏ ⴰⴷ ⵜⴻⵙⵙⵉⴷⴻⴼ ⴰⵛⴻⴳⴳⴻⵔ ⴰⵅⴰⵜⴰⵔ ⵖⴻⴼ ⵜⵏⴻⵖⵜⵓⵙⵜ-ⴰ, ⴰⵛⴻⴳⴳⴻⵔ-ⴰ ⵉ ⴷ-ⵢⴻⵙⵙⴻⴳⵣⴰⵢⴻⵏ ⴷⴰⴽⴽⴻⵏ ⵉⵙⵡⵉ ⴷ ⵓⵏⴰⵎⴻⴽ ⴰⵏⴻⴳⴳⴰⵔⵓ ⵏ ⵜⵏⴻⵖⵜⵓⵙⵜ-ⴰ, ⴷ ⴰⵙⵎⵓⵜⴻⴳ ⵏ ⵜⴻⵡⵜⵉⵍⵉⵏ ⵉⵡⴰⵜⴰⵏ ⵉ ⵓⵔⵥⴰⵎ ⵏ ⵢⵉⴳⵍⴰⵏ ⵉ ⴼⴻⵔⵔⵓ ⴰⵙⴻⵔⵜⴰⵏ ⵏ ⵓⵎⵢⴻⵏⴽⴰⴼ ⴰⵙⵕⴰⵢⵉⵍⵉ-ⴰⴼⴰⵍⴻⵙⵟⵉⵏⵉ, ⴷ ⵓⵙⴻⵣⵎⴻⵔ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⴰⴷ ⴷ-ⵢⴻⵙⵙⴱⴻⴷ ⴰⵡⴰⵏⴰⴽ-ⵏⵏⴻⵙ ⴰⵎⵣⴰⵔⵓⴳ ⴰⵏⴰⵢⴰⵏ”.
ⵢⴻⴱⴷⴻⵔ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⴷⴰⴽⴽⴻⵏ « ⵜⴰⵏⴻⵖⵜⵓⵙⵜ-ⴰ ⵉ ⵢⴻⵜⵜⵡⴰⵙⵎⴻⵎⵎⵉⵏ ⵓⵔ ⵜⴻⵜⵜⵃⴰⵣ ⴰⵔⴰ ⵙ ⴽⵔⴰ ⵏ ⵜⵖⴰⵡⵙⴰ ⵍⵍⵙⴰⵙ ⵏ ⵜⵉⴼⵔⴰⵜ ⵜⴰⵖⴻⴷⵎⴰⵏⵜ, ⵜⵓⵎⵎⵉⴷⵜ, ⴰⵏⴰⴳⴰⵔ ⵏ ⵓⵎⵢⴻⵏⴽⴰⴼ ⵉⵙⵕⴰⵢⵉⵍⵉ-ⴰⴼⴰⵍⴻⵙⵟⵉⵏⵉ ⴰⴽⴽⴻⵏ ⵢⴻⵎⵙⴻⴳⵣⴰ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵔⵏⵓ ⵙ ⵓⵣⵔⴰⴽ ⵏ ⵜⵏⴻⵖⵜⵓⵙⵉⵏ ⵏ ⵜⵓⵣⵔⵉⴼⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵜⴻⵔⵣⴰ ⵜⴻⵎⵙⴰⵍⵜ ».
ⵜⴰⵖⵜⴰⵙⵜ-ⴰ ⵉ ⵢⴻⵜⵜⵡⴰⵙⵎⴻⵎⵎⵉⵏ ⵜⴻⴱⴷⴻⵔ-ⴷ ⴷⴰⵖ – ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴰⵜⵜⴰⴼ – « ⴰⴽⴽ ⵜⵉⵏⴻⵖⵜⵓⵙⵉⵏ ⵢⴻⵍⵍⴰⵏ ⵣⵉⴽ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵔⵣⴰⵏ ⵜⴰⵎⵙⴰⵍⵜ ⵜⴰⴼⴰⵍⴻⵙⵟⵉⵏⵉⵜ, ⴷ ⵜⵉⴷ ⵉ ⴷ-ⵢⴻⵍⵍⴰⵏ ⴷ ⴰⴼⵍⴰⵙ ⴰⵖⴻⵍⴷⵓⴽⴽⵍⴰⵏ ⵉ ⵓⵙⴻⵣⵎⴻⵔ ⵏ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⵉ ⵢⵉⵣⴻⵔⴼⴰⵏ-ⵏⵏⴻⵙ ⵓⵖⴷⵉⵎⴻⵏ, ⵙ ⵜⵓⴽⴽⵙⴰ ⵏ ⵓⵙⴻⵀⵔⴻⵙ ⵏ ⵡⴰⴽⴰⵍⴻⵏ-ⵏⵏⴻⵙ ⴷ ⵓⵙⴻⴽⵎⴻⵎ ⵏ ⵓⵙⴻⵏⴼⴰⵔ-ⵏⵏⴻⵙ ⴰⵖⴻⵍⵏⴰⵡ ⴷ ⵓⵙⴻⵣⵎⴻⵔ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵙⵙⴱⴻⴷ ⴰⵡⴰⵏⴰⴽ-ⵏⵏⴻⵙ ⴰⵎⵣⴰⵔⵓⴳ ⴰⵏⴰⵢⴰⵏ”.
ⴰⵔⵏⵓ ⵖⴻⵔ
