ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⵖⵍⴰⴼ ⵏ ⵜⴻⵢⵡⴰⵍⵜ, ⵎⴰⵙⵙ ⵣⵓⵀⵉⵔ ⴱⵓⵄⵎⴰⵎⴰ, ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⴰⴼⴰⵢⵍⵓ ⵏ ⵓⵙⴻⵏⴼⴰⵔ ⵏ ⵓⵙⴱⴻⴷⴷ ⵏ ⵜⵜⴻⵛⴰⵔⵉⴽⴰ ⵜⴰⵖⴻⵍⵏⴰⵡⵜ ⵏ ⵓⵙⵉⴳⴳⴻⵣ, ⵉ ⴰⵔⴰ ⵢⴻⵙⴷⵓⴽⴽⵍⴻⵏ ⵎⴰⵕⵕⴰ ⵢⵉⵎⵙⵉⴳⴳⵣⴻⵏ ⵉⴳⴷⵓⴷⴰⵏⴻⵏ ⵏ ⵓⵃⵔⵉⵛ-ⵉⵙ, ⵢⴻⵍⵍⴰ ⵜⵓⵔⴰ ⴷⴰⵜ ⵡⴰⵙⵇⴰⵎⵓ ⵏ ⵜⵎⴻⴷⵔⴰⵡⵉⵏ ⵏ ⵓⵡⴰⵏⴰⴽ. ⴰⴷ ⵢⵉⵍⵉ "ⵣⵉⴽ" ⵢⵉⵡⴻⵏ ⵓⴳⵔⴰⵡ ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵎⴻⴽ ⴰⵔⴰ ⵙⵙⴻⴳⴳⵎⴻⵏ ⵜⵉⵎⴻⵔⵙⴻⵍⵉⵏ-ⴰⴳⵉ.
ⵎⴱⴰⵄⴻⴷ ⵜⵓⵣⵣⵢⴰ ⵏ ⵡⴰⵏⵏⴰⵔ ⵖⴻⵔ ⵜⵎⴻⵔⵙⴻⵍⵜ ⵏ ⵓⵙⵉⴳⴳⴻⵣ ⵏ ⵍⵣⵣⴰⵢⴻⵔ ⴷ ⵜⵉⵏ ⵏ ⵡⴰⵎⵎⴰⵙ, ⴰⵏⵖⵍⴰⴼ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⴰⴳⵔⴰⵡ-ⴰⴳⵉ ⴰⵔⴰ ⴷ-ⵢⵉⵍⵉⵏ ⴰⴷ ⵢⴰⴷⵉ ⴰⵙⴻⵏⴼⴰⵔ ⵏ ⵜⵜⴻⵛⴰⵔⵉⴽⴰ ⵜⴰⵖⴻⵍⵏⴰⵡⵜ ⵏ ⵓⵙⵉⴳⴳⴻⵣ ⵉ ⵡⴰⴽⴽⴻⵏ ⴰⴷ ⴼⵔⵓⵏ ⵜⵉⵎⵙⴰⵍⵜ ⵏ ⵓⵇⴱⴻⵍ-ⵉⵙ ⵏⴻⵖ ⴰⴷ ⵏⴰⴷⵉⵏ ⵉⴱⵔⵉⴷⴻⵏ ⵏⵏⵉⴹⴻⵏ ⵉ ⵢⴻⴷⴷⵓⵏ ⴷ ⵓⵏⴻⴼⵍⵓ ⵏ ⵜⵓⵔⴰ.
ⵢⴻⵙⵙⴻⵊⴷⴻⴷ ⵓⵏⵖⵍⴰⴼ ⴱⴻⵍⵍⵉ ⵢⴻⵍⵀⴰ ⴰⴷ ⵣⵣⴻⵔⴱⴻⵏ ⴷⴻⴳ ⵓⵙⴻⴳⴳⴻⵎ ⵏ ⵜⵎⴻⵔⵙⴻⵍⵉⵏ ⵏ ⵓⵙⵉⴳⴳⴻⵣ, ⵢⴻⵔⵏⴰ ⵢⴻⴱⵢⴻⵏ-ⴷ ⴱⴻⵍⵍⵉ ⵡⴻⵊⵊⴻⴷ ⴰⴷ ⵢⴻⴼⵔⵓ ⵢⵉⵖⵉⵍⵉⴼⴻⵏ ⵢⴻⵍⵍⴰⵏ. ⵢⴻⵏⵏⴰ-ⴷ ⴱⴻⵍⵍⵉ ⵢⴻⵍⵀⴰ ⴰⴷ ⵙⵏⴻⴼⵍⴰⵢⴻⵏ ⵍⴻⵇⴷⵉⵛ-ⵏⵙⴻⵏⵜ, ⵓⵔ ⵇⵇⵉⵎⴻⵏ ⴰⵔⴰ ⴽⴰⵏ ⴷⴻⴳ ⵓⵙⵉⴳⴳⴻⵣ ⵏ ⵢⵉⵖⴻⵎⵙⴰⵏⴻⵏ, ⴰⵎ ⵡⴰⵢⴻⵏ ⵜⴻⴳⴳⴰ ⵜⵜⴻⵛⴰⵔⵉⴽⴰ ⵏ ⵓⵙⵉⴳⴳⴻⵣ ⵏ ⵍⵣⵣⴰⵢⴻⵔ ⵉ ⵢⴻⴱⴷⴰⵏ ⴰⵙⵉⴳⴳⴻⵣ ⵏ ⵢⵉⴷⵍⵉⵙⴻⵏ ⵏ ⵜⵏⴻⵎⵎⴻⵍ ⴷ ⵡⵉⴷ ⵢⴻⵇⵇⵏⴻⵏ ⵖⴻⵔ-ⵙⴻⵏ.
ⵖⴻⴼ ⵡⴰⴳⴳⵓⵔ ⵏ ⵔⴻⵎⴹⴰⵏ, ⴰⵏⵖⵍⴰⴼ ⵏ ⵜⴻⵢⵡⴰⵍⵜ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⵢⴻⵍⵀⴰ ⴰⴷ ⵇⴰⴷⵔⴻⵏ ⵉⵍⵓⴳⴰⵏ ⵏ ⵓⵎⴰⵀⵉⵍ ⵢⴻⵔⵏⴰ ⴰⴷ ⵙⵙⴻⴼⵔⵓⵏ ⵉⵎⴻⵣⴷⴰⵖ ⵙ ⵢⵉⵙⴰⵍⵍⴻⵏ ⵢⴻⵍⵀⴰⵏ. ⵢⴻⵙⵙⵓⵜⴻⵔ ⵙⴻⴳ ⵢⵉⵙⴰⵍⵍⴻⵏ (Media) ⴰⴷ ⴷⴷⵓⵏ ⴷ ⵓⵡⴰⵏⴰⴽ ⴷⴻⴳ ⵓⵙⵊⴻⵀⴻⴷ ⵏ ⵜⵎⴻⵏⵏⵓⵜ ⴷ ⵓⵎⵢⴰⵡⴰⵙ ⵉ ⵢⴻⵙⵄⴰ ⵓⵎⴻⵜⵜⵉ ⴰⵣⵣⴰⵢⵔⵉ.
ⴰⵔⵏⵓ ⵖⴻⵔ
