ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴱⴻⵔⵔⴻⵃ-ⴷ ⵜⵏⴻⵖⵍⴰⴼⵜ ⵏ ⵜⵎⵉⵙⴰⵍ ⵏ ⴷⴰⵅⴻⵍ, ⵜⵉⴷⴷⵓⴽⴽⵍⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵡⴰⵙⵙⴰⵢ, ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵢⵉⵖⴻⵔⵎⴰⵏ ⵣⴻⵎⵔⴻⵏ ⵜⵓⵔⴰ ⴰⴷ ⵙⴻⵖⵣⴻⵏⴻⵏ ⵜⵉⵡⵔⵉⵇⵉⵏ-ⵏⵙⴻⵏ ⵜⵉⴳⴷⵓⴷⴰⵏⵉⵏ ⵉ ⵓⵙⴻⵇⴷⴻⵛ ⴷⵉ ⴱⴻⵔⵔⴰ ⵏ ⵜⵎⵓⵔⵜ ⴷⴻⴳ ⵜⴼⵓⵔⴽⵉⵏ ⵜⵉⴷⵉⴳⴰⵏⵉⵏ ⵏ ⵜⵏⴻⵖⵍⴰⴼⵜ ⵏ ⵜⵎⵙⴰⵍ ⵏ ⴱⴻⵔⵔⴰ ⵉ ⴷ-ⵢⴻⵍⴷⴰⵏ ⵣⵉⴽ-ⴰⴳⵉ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵍⴻⵇⴷⵉⵛ-ⴰⴳⵉ ⵢⴻⵍⵍⴰ ⵜⵓⵔⴰ ⴷⴻⴳ ⵜⵖⵉⵡⴰⵏⵉⵏ ⵏ ⵇⵙⴻⵏⵟⵉⵏⴰ, ⵡⴰⵔⴳⵍⴰ ⴷ ⵡⴻⵀⵔⴰⵏ. ⵢⵉⵖⴻⵔⵎⴰⵏ ⵣⴻⵎⵔⴻⵏ ⴰⴷ ⵇⴻⵔⵔⴱⴻⵏ ⵖⴻⵔ ⵢⵉⵎⴽⴰⵏⴻⵏ-ⴰⴳⵉ ⵉ ⵡⴰⴽⴽⴻⵏ ⴰⴷ ⴽⴼⵓⵏ ⵍⴻⵇⴷⵉⵛ ⵏ ⵓⵊⴻⵔⵔⴻⴷ ⵓⵏⵚⵉⴱ ⵏ ⵜⵡⵔⵉⵇⵉⵏ-ⵏⵙⴻⵏ.
ⵉⵎⴽⴰⵏⴻⵏ ⵏ ⵍⴻⵇⴷⵉⵛ ⴷ ⵜⵉⴳⵉ:
- ⵇⵙⴻⵏⵟⵉⵏⴰ: ⵃⴰⵢ ⴷⴻⵇⵙⵉ ⵄⴻⴱⴷⵓⵍⵙⴰⵍⴰⵎ, ⴷⴰⵜ ⵡⴰⵙⵉⵔⴰ ⵏ ⵜⵏⴻⴱⴷⴰⴷⵜ ⵏ ⵜⵡⵉⵍⴰⵢⵜ (25000).
- ⵡⴰⵔⴳⵍⴰ: ⴰⴱⵔⵉⴷ ⵔⴰⴱⴰⵃ ⵄⴻⴱⴷⵓⵍⵔⵔⴰⵃⵎⴰⵏ, ⴷⴰⵜ ⵜⵏⴻⴱⴷⴰⴷⵜ ⵏ ⵡⴰⵎⴰⵏ, ⴷⴻⴳ ⵜⵍⴻⵎⵎⴰⵙ ⵏ ⵜⵖⵉⵡⴰⵏⵜ (30015).
- ⵡⴻⵀⵔⴰⵏ: ⴰⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 04, ⵃⴰⵢ ⵊⴰⵎⴰⵍ, ⴷⴰⵜ ⵡⴰⵙⵉⵔⴰ ⵏ ⵜⴷⴰⵢⵔⴰ (31000).
ⴰⵙⵓⵔ-ⴰⴳⵉ ⵢⵓⵙⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵇⴻⵔⵔⴻⴱ ⵏ ⵍⴻⵇⴷⵉⵛ ⴰⴳⴷⵓⴷⴰⵏ ⵖⴻⵔ ⵢⵉⵎⴻⵣⴷⴰⵖ ⵢⴻⵔⵏⴰ ⴰⴷ ⵙⵏⴻⵇⵙⴻⵏ ⴰⵄⴻⴽⴽⴰⵣ ⵖⴻⴼ ⵡⴰⵎⵎⴰⵙ ⴰⵏⴰⵎⵎⴰⵙ ⴷⴻⴳ ⵜⴰⵎⴰⵏⴻⵖⵜ, ⴰⵢⴻⵏ ⴰⵔⴰ ⵢⴻⵊⵊⴻⵏ ⵍⴻⵇⴷⵉⵛ ⵏ ⵜⵡⵔⵉⵇⵉⵏ ⴰⴷ ⵢⴻⵣⵣⴻⵔⴱ ⵓⴳⴰⵔ.
ⴰⵔⵏⵓ ⵖⴻⵔ
