ⵢⴻⵏⵏⵓⵎⴻⵍ ⵓⵏⴻⵖⵍⴰⴼ ⵏ ⵜⴻⵢⵡⴰⵍⵜ (communication), ⵎⴰⵙⵙ ⵣⵓⵓⵀⵉⵔ ⴱⵓⵓⴰⵎⴰⵎⴰ, ⴷ ⵓⵏⴻⵖⵍⴰⴼ ⵏ ⵢⵉⴷⵍⴻⵙ, ⵜⵥⵓⵔⵉⵡⵉⵏ, ⵜⴻⵢⵡⴰⵍⵜ ⴷ ⵡⴰⵙⵙⴰⵖⴻⵏ ⴷ ⵓⴱⴻⵔⵍⴰⵎⴰⵏ ⵏ ⵎⵓⵔⵉⵟⴰⵏⵢⴰ, ⵎⴰⵙⵙ ⴻⵍ ⵀⵓⵓⵙⵙⴻⵉⵏ ⵓⵓⵍⴷ ⵎⴻⴷⵓⵓ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵔⵔⵉⴼ ⵏ ⵢⵉⵎⴰⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⵜⵎⴻⵔⵡⵉⵏ (20) ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ ⵏ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⵇⴻⵔⴷⵛⴻⵏ ⵡⴰⵙⵙⴰⵖⴻⵏ ⵏ ⵙⵉⵏ ⴷⴻⴳ ⵓⵏⵏⴰⵔ ⵏ ⵓⵙⴰⵍⴰⵏ (media) ⴷ ⵜⴻⵢⵡⴰⵍⵜ, ⵓ ⵡⴰⵍⴰⵏ ⵉⵙⴻⵏⴼⴰⵔⴻⵏ ⵏ ⵢⵉⵎⵜⴰⵡⴰⵏ ⵏ ⵓⵎⵢⴻⵛⵛⴻⵔ ⵉ ⵜⵜⵓⵙⵜⴻⵏⵢⴰⵏ. ⵙⵉⵏ ⵏ ⵢⵉⴽⵓⴱⴰⵔ ⵙⵙⵓⵜⵜⵔⴻⵏ ⴰⵙⴻⴶⵀⴻⴷ ⵏ ⵓⵎⵙⴰⵙⴻⵢ ⴳⴰⵔ ⵜⵎⵓⵙⵏⵉⵡⵉⵏ ⵏ ⵓⵙⴰⵍⴰⵏ ⵏ ⵙⵏⴰⵜ ⵏ ⵜⵎⵓⵔⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵙⵉⵍⴻⵖ, ⴰⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷⴻⴳ ⵓⵏⵏⴰⵔ ⵏ ⵜⴰⵔⵇⵎⵉⵜ (numérisation) ⵏ ⵓⴳⴻⵔⵔⵓⵊ (archives) ⵏ ⵚⵚⵓⵜ ⴷ ⵜⵎⵓⵖⵍⵉ, ⴷ ⵓⵎⵓⴱⴱⴰⴷⴷⴻⵍ ⵏ ⵜⵉⵔⵣⵉⵡⵉⵏ ⴳⴰⵔ-ⴰⵙⴻⵏ.
ⴰⵏⴻⵖⵍⴰⴼ ⵏ ⵜⴻⵢⵡⴰⵍⵜ, ⵎⴰⵙⵙ ⵣⵓⵓⵀⵉⵔ ⴱⵓⵓⴰⵎⴰⵎⴰ, ⵉⵙⵙⴻⴽⵏⴻⴷ ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵜⴻⴳⴷⵓⴷⴰ ⵜⵉⵏⴻⵙⵍⴻⵎⵜ ⵏ ⵎⵓⵔⵉⵟⴰⵏⵢⴰ, ⴷ ⵓⵏⴰⴷⵉ ⵏ ⵢⴰⵍ ⵜⴰⴳⵏⵉⵜ ⵏ ⵜⴷⵓⴽⵍⵉ ⵙ ⵜⵎⵓⵖⵍⵉ ⵏ ⵜⵉⴷⴷⵢ ⵢⴻⵍⵀⴰⵏ ⵉ ⵥⵔⴰⵏ ⵡⴰⵙⵙⴰⵖⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⴷ ⵜⵓⵛⵛⵉⵜ ⵉ ⴷ-ⴼⴽⴰⵏ ⵢⵉⵎⴹⴻⴱⴱⵔⴻⵏ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⴷ ⵓⵙⴻⵍⵡⴰⵢ ⵏ ⵎⵓⵔⵉⵟⴰⵏⵢⴰ ⵎⴰⵙⵙ ⵎⵓⵀⴰⵎⴻⴷ ⵓⵓⵍⴷ ⵛⵀⴻⵉⴽⵀ ⴻⵍ ⴳⵀⴰⵣⵡⴰⵏⵉ.
ⵙⴻⴳ ⵜⴰⵎⴰ-ⵙ, ⵓⵏⴻⵖⵍⴰⴼ ⵏ ⵎⵓⵔⵉⵟⴰⵏⵢⴰ ⵉⵙⵍⴻⵎ-ⴷ ⵙ ⵓⵙⵡⵉⵔ ⵉ ⵓⵡⵢⴻⵏ ⵡⴰⵙⵙⴰⵖⴻⵏ ⵏ ⵙⵉⵏ, ⵉⵙⵙⴻⴱⵕⴻⴽ (ⵉⵙⵏⴻⵎⵎⴻⵔ) ⵍⴻⵣⵣⴰⵢⴻⵔ ⵖⴻⴼ ⵜⴰⵍⵍⴻⵍⵜ ⵉ ⵉⵟⵟⴰⴽ ⵉ ⵜⵎⵓⵔⵜ-ⵉⵙ. ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵣⴻⴶⴶⴻⴷ ⵏ ⵡⴰⵙⵙⴰⵖⴻⵏ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵙⴰⵍⴰⵏ, ⴷ ⵓⵙⴱⴻⴷⴷⵉ ⵏ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⴰⵎⴻⵣⴷⴰⵢ ⵉ ⵏⴼⴰⵄ ⵏ ⵢⵉⴳⵓⵔⴻⴼ ⵏ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⴰⵏⴻⵖⵍⴰⴼ ⴰⵎⵓⵔⵉⵟⴰⵏⵉ ⵉⵙⵉⵡⴻⵍ ⵉ ⵓⵏⴻⵖⵍⴰⴼ ⵏ ⵜⴻⵢⵡⴰⵍⵜ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵣⵓ ⵖⴻⵔ ⵎⵓⵔⵉⵟⴰⵏⵢⴰ ⵉ ⵓⵕⵓⵚⵓ ⵏ ⵓⴱⵍⴰⴹ ⵏ ⵍⵍⵙⴰⵙ ⵏ ⵓⵙⴱⴻⴷⴷⵉ ⵏ ⵡⴻⵅⵅⴰⵎ ⵏ ⵜⵏⴻⵖⵎⴰⵙⵜ (Maison de la presse) ⴷⴻⴳ ⵎⵓⵔⵉⵟⴰⵏⵢⴰ. ⴰⵢⴰⴳⵉ ⴷ ⴰⵙⴻⵍⴽⴻⵎ ⵏ ⵡⴰⵢⴻⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵓ ⴷ ⴰⵙⵓⵔⵉⴼ ⵉ ⴷ-ⵢⴻⵎⵎⴰⵍⴻⵏ ⵍⵇⴻⴷⴷ ⵏ ⵜⴷⵓⴽⵍⵉ ⴷ ⵡⴰⵙⵙⴰⵖⴻⵏ ⵏ ⵓⵎⴻⵣⵔⵓⵢ ⴳⴰⵔ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
