ⵍⵍⴰⵏⵜ ⴰⵟⵟⴰⵙ ⵏ ⵜⵎⴻⵀⴰⵍⵉⵏ ⵏ ⵓⵙⴻⵍⵍⴻⴽ ⴷ ⵓⵃⴰⴷⴻⵔ ⴷⴻⴳ ⵍⵡⵉⵍⴰⵢⴰⵜ ⵏ ⵖⵉⵍⵉⵣⴰⵏ, ⵍⴱⴻⵢⵢⴻⴹ, ⵜⵉⵙⴻⵎⵙⵉⵍⵜ ⴷ ⵜⵉⵏⴷⵓⴼ ⵉ ⵓⵃⴰⴷⴻⵔ ⵏ ⵢⵉⵎⴷⴰⵏⴻⵏ ⴷ ⵓⵙⴻⴼⵔⴻⴷ ⵏ ⵢⵉⴱⵔⵉⴷⴻⵏ ⴷ ⵓⵙⵙⵓⴼⴻⵖ ⵏ ⵡⴰⵎⴰⵏ ⵉ ⴷ-ⵢⴻⴹⵔⴰⵏ ⵙ ⵍⵊⴰⵍ ⵏ ⵓⵏⴻⵣⵡⵓ ⵢⴻⴼⵙⴻⵔⵏ ⴷⴻⴳ ⵡⵓⵙⵙⴰⵏ-ⴰ.
ⴷⴻⴳ ⵖⵉⵍⵉⵣⴰⵏ, ⵉⵎⵙⴻⵍⵜⵉⵢⴻⵏ ⵏ ⵓⵃⴰⴷⴻⵔ ⴰⵖⴻⵔⵎⴰⵏ ⵙⵙⵓⴼⵖⴻⵏ-ⴷ ⵅⴻⵎⵙⴰ ⵏ ⵢⵉⵎⴷⴰⵏⴻⵏ ⵉ ⵢⴻⵡⵡⴻⵏ ⵡⴰⵎⴰⵏ ⴷⴻⴳ ⵜⴰⴷⴷⴰⵔⵜ ⵏ ⵍⵎⵔⴰⵢⵏⵢⴰ ⴷⴻⴳ ⴱⴻⵍⵄⴰⵙⴻⵍ, ⵢⴻⵔⵏⴰ ⵜⴻⵜⵜⵡⴰⴼⴰ-ⴷ ⵊⵓⵜⵜⴰ ⵏ ⵢⴰⵏ ⵓⵎⴷⴰⵏ (60 ⵏ ⵢⵉⵙⴻⴳⴳⴰⵙⴻⵏ) ⵜⴰⵎⴰ ⵏ ⵡⴰⵙⵉⴼ ⵏ ⵚⵚⴼⴰ. ⵡⴰⵎⴰⵏ ⵏ ⵓⵏⵥⴰⵔ ⴽⵛⴻⵎⵏ ⵖⴻⵔ ⵓⴳⴰⵔ ⵏ 50 ⵏ ⵢⵉⵅⴰⵎⵎⴻⵏ ⴷⴻⴳ ⵓⵃⵔⵉⵛ ⵏ ⵚⵟⴰⵍ ⴷ ⵡⴰⵎⵎⴰⵙ ⵏ ⵜⵎⴷⵉⵏⵜ, ⴷ ⵡⴰⵢⴻⵏ ⵢⴻⵊⵊⴰⵏ ⵜⴰⵖⴷⴻⵎⵜ ⵏ ⵍⵡⵉⵍⴰⵢⴰ ⴰⴷ ⵜⴻⵙⴱⴻⴷⴷ ⵢⴰⵜ ⵜⵇⴰⵄⴻⵜ ⵏ ⵍⴰⵣⵎⴰ ⵉ ⵓⵃⴰⴷⴻⵔ ⵏ ⵢⵉⵎⴷⴰⵏⴻⵏ ⴷ ⵓⴽⴽⴻⵙ ⵏ ⵡⴰⵎⴰⵏ.
ⵎⴰ ⴷ ⴷⴻⴳ ⵍⵡⵉⵍⴰⵢⴰ ⵏ ⵍⴱⴻⵢⵢⴻⴹ, ⵍⵍⴰⵏⵜ ⵜⵎⴻⵀⴰⵍⵉⵏ ⵏ ⵓⴽⴽⴻⵙ ⵏ ⵡⴰⴷⴼⴻⵍ ⵖⴻⴼ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 47 ⵙ ⵜⵎⴰⵛⵉⵏⵉⵏ ⵏ ⵓⵙⴻⴳⵎⴻⵢ ⴷ ⵓⵣⵣⵓⵣⴻⵔ ⵏ ⵍⵎⴻⵍⵃ ⵉ ⵓⵍⴷⴰⵢ ⵏ ⵓⴱⵔⵉⴷ ⵉ ⵢⵉⵎⵙⴰⴼⵔⵉⵢⴻⵏ ⵢⴻⵡⵡⴻⵏ ⵡⴰⴷⴼⴻⵍ ⴷⴻⴳ ⵜⵙⴰⵡⴻⵏⵜ ⵏ ⵍⵇⴻⵔⵎⵉ.
ⴷⴻⴳ ⵜⵉⵙⴻⵎⵙⵉⵍⵜ, ⴰⵃⴰⴷⴻⵔ ⴰⵖⴻⵔⵎⴰⵏ ⵢⴻⴳⴳⴰ 18 ⵏ ⵜⵎⴻⵀⴰⵍⵉⵏ ⵏ ⵓⵙⵙⵓⴼⴻⵖ ⵏ ⵡⴰⵎⴰⵏ ⵙⴻⴳ ⵢⵉⵅⴰⵎⵎⴻⵏ ⴷ ⵢⵉⴱⵔⵉⴷⴻⵏ ⴷⴻⴳ ⵍⴻⵔⵊⴰⵎ ⴷ ⵙⵉⴷⵉ ⵙⵍⵉⵎⴰⵏ, ⵢⴻⵔⵏⴰ ⴽⴽⵙⴻⵏ-ⴷ ⵜⵉⵙⴻⴽⵍⴰ ⵉ ⵢⴻⵖⵍⵉⵏ ⵙ ⵓⴹⵓ ⵊⵀⵉⴷⴻⵏ ⵉ ⴷ-ⵢⴻⴹⵔⴰⵏ. ⴷⴻⴳ ⵜⵉⵏⴷⵓⴼ ⴷⴰⵖⴻⵏ, ⵙⵙⵓⴼⵖⴻⵏ ⵡⴰⵎⴰⵏ ⵙⴻⴳ ⵜⵉⵏⵎⴰⵍ ⴷ ⵍⴱⵓⵙⵟⴰ ⴷⴻⴳ ⵓⵎ ⵍⵄⴻⵙⵍ, ⵢⴻⵔⵏⴰ ⵙⴻⴳⵎⴰⵏ ⵉⵄⴻⵎⵓⴷⴻⵏ ⴷ ⵉⴽⴰⴱⵍⴻⵏ ⵏ ⵜⵔⵉⵙⵉⵜⵉ ⵉ ⵢⴻⵖⵍⵉⵏ ⵙ ⵍⵊⴰⵍ ⵏ ⵓⴹⵓ.
ⴰⵔⵏⵓ ⵖⴻⵔ
