ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵎⴰⵔⴰ ⵏ ⵓⵡⴰⵏⴰⴽ ⵢⴻⵔⵣⴰⵏ ⵜⴰⵖⵔⴻⵎⵜ ⵜⴰⵖⴻⵍⵏⴰⵡⵜ ⴷⵉ ⴱⴻⵔⵔⴰ, ⵎⴰⵙⵙ ⵙⵓⴼⵢⴰⵏ ⵛⴰⵢⴻⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⴻⵍⵍⵉ ⵜⵉⵎⵍⵉⵍⵉⵜ ⵏ ⵢⵉⵎⵙⴻⵍⵡⴰⵢⴻⵏ ⵏ ⵡⴰⵎⵎⴰⵙⴻⵏ ⵏ ⵍⵇⴻⵏⵙⵓⵍⵢⴰ ⵜⵓⵙⴰ-ⴷ ⵙⴻⴳ ⵜⴰⵢⵏⵉⵜ ⵜⴰⵎⴻⵇⵇⵔⴰⵏⵜ ⵉ ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵉ ⵢⵉⵣⵣⴰⵢⵔⵉⵢⴻⵏ ⵢⴻⴷⴷⴻⵔⴻⵏ ⴷⵉ ⴱⴻⵔⵔⴰ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵢⵉⵡⴻⵏ ⵓⵙⴻⴼⵔⴻⵯ ⴰⵎⴰⵜⵓ ⵉ ⵢⴻⵔⵔⴰⵏ ⵜⴰⵖⵔⴻⵎⵜ-ⴰⴳⵉ ⴷ ⵜⴰⵔⵉⵛⵜ ⵢⴻⴷⴷⵓⴽⴽⵍⴻⵏ ⵏ ⵓⴳⴷⵓⴷ.
ⴷⴻⴳ ⵜⵎⵍⵉⵍⵉⵜ-ⴰⴳⵉ ⵉ ⵢⴻⵍⴷⴰ ⵓⵎⴻⵣⵡⴰⵔⵓ ⵏ ⵢⵉⵏⴻⵇⵍⵉⴼⴻⵏ, ⵎⴰⵙⵙ ⵙⵉⴼⵉ ⵖⵔⵉⴱ, ⵙ ⵢⵉⵏⴻⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵛⴰⵢⴻⴱ ⵢⴻⵙⵙⴻⴽⵏ-ⴷ ⴱⴻⵍⵍⵉ ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⴰⵣⴰⵍ ⵉⵊⴻⵀⴷⴻⵏ ⵉ ⵜⴻⴼⴽⴰ ⵜⵎⵓⵔⵜ ⵉ ⵡⴰⵔⵔⴰⵡ-ⵉⵙ ⴷⵉ ⴱⴻⵔⵔⴰ. ⵢⴻⵏⵏⴰ-ⴷ ⴱⴻⵍⵍⵉ ⵍⴻⴱⵖⵉ ⵏ ⵓⵙⴻⵍⵡⴰⵢ ⵜⴻⴱⴱⵓⵏ ⵢⴻⴱⴷⴰ ⵢⴻⵜⵜⴻⴼⴼⴻⵖ-ⴷ ⵖⴻⵔ ⵡⴰⵏⵏⴰⵔ ⵙ ⵢⵉⵏⴰⴹⴻⵏ ⵢⴻⵔⵣⴰⵏ ⴰⵃⴰⴷⴰⵔ ⵏ ⵜⵖⵔⴻⵎⵜ ⴷ ⵓⵙⴻⴽⵛⴻⵎ-ⵏⵙⴻⵏ ⴷⴻⴳ ⵓⴱⵔⵉⴷ ⵏ ⵓⵙⵎⴰⵢⵏⵓ ⴰⵖⴻⵍⵏⴰⵡ.
ⵎⴰⵙⵙ ⵛⴰⵢⴻⴱ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⴷⴻⴳ ⵜⵎⵍⵉⵍⵉⵜ-ⴰⴳⵉ ⴽⴽⴰⵏ-ⴷ 43 ⵏ ⵢⵉⵎⵙⴻⵍⵡⴰⵢⴻⵏ ⵏ ⵡⴰⵎⵎⴰⵙⴻⵏ ⵏ ⵍⵇⴻⵏⵙⵓⵍⵢⴰ ⵙⴻⴳ ⵎⴰⵕⵕⴰ ⵜⵉⵎⵓⵔⴰ ⵏ ⵓⵎⴰⴹⴰⵍ. ⴰⵢⴰ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⵓⵡⴰⵏⴰⴽ ⵢⴻⵙⵙⴻⵎⵖⴻⵔ ⵍⴻⵇⴷⵉⵛ ⵏ ⵍⵇⴻⵏⵙⵓⵍⵢⴰ ⴷⴻⴳ ⵢⵉⵙⴻⴳⴳⴰⵙⴻⵏ-ⴰⴳⵉ ⵉⵏⴻⴳⴳⵓⵔⴰ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⵇⴻⵔⵔⴻⴱ ⵖⴻⵔ ⵢⵉⵎⴻⵣⴷⴰⵖ.
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⴰⴷ ⵜⴻⵍⵍⵉ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵙⵏⴻⴼⵍⴰⵢⴻⵏ ⵍⴻⵇⴷⵉⵛ ⵏ ⵍⵇⴻⵏⵙⵓⵍⵢⴰ ⵙ ⵢⵉⵏⴻⴹⴰⴼ ⵏ ⵓⵏⵖⵍⴰⴼ ⵏ ⵓⵡⴰⵏⴰⴽ ⴰⵃⵎⴻⴷ ⵄⴻⵟⵟⴰⴼ. ⵉⵙⵡⵉ-ⵙ ⴷ ⴰⵙⴰⵍⴰⵢ ⵏ ⵓⵙⵡⵉⵔ ⵏ ⵍⴻⵇⴷⵉⵛ ⴷ ⵓⵙⴻⴳⴳⴻⵎ ⵏ ⵡⴰⵍⴰⵜⴻⵏ ⵏ ⵓⵎⴰⵀⵉⵍ ⴷⴰⴳⵉ ⴷⴻⴳ ⵜⵎⵓⵔⵜ ⵏⴻⵖ ⴷⵉ ⴱⴻⵔⵔⴰ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⵛⴰⵢⴻⴱ ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⵍⵍⴰⵏ ⴽⵓⵣ (4) ⵏ ⵍⴻⵛⵢⴰⵍ ⵏ ⵓⵎⴰⵀⵉⵍ ⴷⴻⴳ ⵜⵎⵍⵉⵍⵉⵜ-ⴰⴳⵉ. ⴰⴷ ⵙⵙⴰⵡⵍⴻⵏ ⵖⴻⴼ ⵓⵙⵙⵉⵙⵀⴻⵍ ⵏ ⵢⵉⴹⵔⵉⵙⴻⵏ, ⴰⵙⴻⴽⵛⴻⵎ ⵏ ⵓⵎⴹⴰⵏ (digital), ⴷ ⵓⵙⵊⴻⵀⴻⴷ ⵏ ⵍⴻⵇⴷⵉⵛ ⴰⴷⴰⵎⵙⴰⵏ ⴷ ⵓⴷⴻⵍⵙⴰⵏ ⵏ ⵍⵇⴻⵏⵙⵓⵍⵢⴰ. ⵉⵙⵡⵉ ⴰⵎⴻⵇⵇⵔⴰⵏ ⴷ ⴰⵃⴰⴷⴰⵔ ⵏ ⵢⵉⵣⴻⵔⴼⴰⵏ ⵏ ⵢⵉⵣⵣⴰⵢⵔⵉⵢⴻⵏ ⴷ ⵓⵙⵊⴻⵀⴻⴷ ⵏ ⵜⵎⴷⵓⴽⴽⵍⵉ-ⵏⵙⴻⵏ ⴷ ⵜⵎⵓⵔⵜ-ⵏⵙⴻⵏ ⵜⴰⵢⴻⵎⵎⴰⵜ.
ⴰⵔⵏⵓ ⵖⴻⵔ
