ⵎⵎⵓⵜⴻⵏ 5 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵊⴻⵔⵃⴻⵏ 165 ⵏⵏⵉⴹⴻⵏ ⴷⴻⴳ ⵜⵉⵎⵙⴻⴽⵔⵉⵢⵉⵏ ⵏ ⵓⴱⴷ ⵉ ⴷ-ⵢⴻⵍⵍⴰⵏ ⴷⴻⴳ 24 ⵏ ⵜⵙⴰⵄⵉⵏ ⵜⵉⵏⴻⴳⴳⵓⵔⴰ ⴷⵉ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵎⴰⵙⵉⵜ ⵜⴰⵎⴰⵜⵓⵜ ⵏ ⵜⴰⵃⵓⵍⵓⵜ ⵜⴰⵢⴻⵖⵔⵉⵎⵜ
ⵜⴰⵡⵉⵍⴰⵢⵜ ⵏ ⵍⴻⵖⵡⴰⵟ ⵉ ⵢⴻⵙⵄⴰⵏ ⵍⵅⴻⵙⴰⵔⴰ ⵜⴰⵎⴻⵇⵇⵔⴰⵏⵜ, ⵙ 3 ⵏ ⵢⵉⵏⴻⵖⵎⴰⵏ ⴷ ⵢⵉⵡⴻⵏ ⵏ ⵓⵎⴷⴰⵏ ⵢⴻⵊⵔⴻⵃ.
ⴷⴰⵖⴻⵏ, ⵉⵎⵙⴻⵍⵍⴽⴻⵏ ⵏ ⵜⴰⵃⵓⵍⵓⵜ ⵜⴰⵢⴻⵖⵔⵉⵎⵜ ⵙⵙⴻⵍⵍⴽⴻⵏ 20 ⵏ ⵢⵉⵎⴷⴰⵏⴻⵏ ⵉ ⵢⴻⵅⵏⵓⵇⴻⵏ ⵙ ⵍⴳⴰⵣ ⵉ ⴷ-ⵢⴻⴼⴼⵖⴻⵏ ⵙⵉ ⵢⵉⴼⵓⵔⵔⴰⵏ ⴷ ⵢⵉⵎⵙⴻⵃⵎⴰⵢⴻⵏ ⵏ ⵡⴰⵎⴰⵏ ⴷⵉ ⵜⵓⴱⵉⵔⴻⵜ, ⵙⵟⵉⴼ, ⵍⵎⴻⴷⵢⴰ, ⵏⵏⵄⴰⵎⴰ ⴷ ⵍⵊⴻⵍⴼⴰ. ⴷⵉ ⵅⴻⵏⵛⵍⴰ, ⵢⵉⵡⴻⵏ ⵏ ⵓⵎⴷⴰⵏ ⵢⴻⵎⵎⵓⵜ ⵙ ⵍⴳⴰⵣ-ⴰⴳⵉ.
ⵖⴻⴼ ⴷⴷⴻⵎⵎⴰ ⵏ ⵢⵉⴱⴻⴷⴷⵉⵍⴻⵏ ⵏ ⵜⴻⴳⵏⴰⵡⵜ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ (ⵖⵉⵍⵉⵣⴰⵏ, ⵛⵛⵍⴻⴼ, ⵎⵄⴰⵙⴽⴻⵔ, ⵜⵉⴱⴰⵣⴰ, ⵜⵢⴰⵔⴻⵜ, ⴷⵣⴰⵢⴻⵔ, ⵜⵓⴱⵉⵔⴻⵜ ⴷ ⵜⵉⵣⵉ ⵡⴻⵣⵣⵓ), ⵉⵎⵙⴻⵍⵍⴽⴻⵏ ⵙⴼⴻⵙⵙⴻⵏ ⴰⵎⴰⵏ ⵏ ⵓⴳⴻⴼⴼⵓⵔ ⵉ ⵢⴻⴽⵛⵎⴻⵏ ⵖⴻⵔ ⵢⵉⵅⴰⵎⵎⴻⵏ ⴷ ⵢⵉⴱⵔⵉⴷⴻⵏ.
ⴷⵉ ⵜⵡⵉⵍⴰⵢⵜ ⵏ ⵖⵉⵍⵉⵣⴰⵏ, ⵙⵙⵓⴼⵖⴻⵏ-ⴷ 400 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵙⵙⴻⵍⵍⴽⴻⵏ 100 ⵏ ⵜⴽⴻⵔⵔⵓⵙⵏ ⵉ ⵢⴻⵃⵚⴻⵍⵏ ⴷⴻⴳ ⵡⴰⵎⴰⵏ.
ⴷⵉ ⵛⵛⵍⴻⴼ, ⵓⴼⴰⵏ-ⴷ ⵍⵊⴻⵜⵜⴰ ⵏ ⵢⵉⵡⴻⵜ ⵏ ⵜⴼⵔⵓⵅⵜ (13 ⵏ ⵢⵉⵙⴻⴳⴳⴰⵙⴻⵏ) ⵉ ⴷ-ⵢⴻⵡⵡⵉ ⵡⴰⵙⵉⴼ ⵛⴻⵇⵔⵓⵏ. ⴷⵉ ⵜⵉⴱⴰⵣⴰ (ⵍⵇⵍⵉⵄⴰ), ⵙⵙⵓⴼⵖⴻⵏ-ⴷ ⵢⵉⵡⴻⵜ ⵏ ⵜⴰⵡⴰⵛⵓⵍⵜ (4 ⵏ ⵢⵉⵎⴷⴰⵏⴻⵏ) ⵙⴻⴳ ⵓⵅⴰⵎ-ⵏⵙⴻⵏ ⵖⴻⴼ ⴷⴷⴻⵎⵎⴰ ⵏ ⵡⴰⵙⵉⴼ ⵎⵣⴰⴼⵔⴰⵏ.
ⴷⴰⵖⴻⵏ, ⵅⴻⴷⵎⴻⵏ 23 ⵏ ⵜⵎⴻⵇⵇⵔⴻⵏⵉⵏ ⵖⴻⴼ ⴷⴷⴻⵎⵎⴰ ⵏ ⵓⵖⴻⵍⵍⵓ ⵏ ⵜⵜⵊⵓⵔ, ⵍⵃⵉⴹⴰⵏ ⴷ ⵓⵣⵓⵣⵓ ⵏ ⵡⴰⴽⴰⵍ ⴷⵉ ⴷⵣⴰⵢⴻ, ⵍⵎⴻⴷⵢⴰ, ⵖⵉⵍⵉⵣⴰⵏ ⴷ ⵜⵢⴰⵔⴻⵜ.
ⴰⵔⵏⵓ ⵖⴻⵔ
