ⵜⵉⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵏⴰⵎⵓⵔ ⵜⴻⵙⵙⵓⴼⴼⴻⵖ-ⴷ, ⴰⵙⵙ-ⴰ ⵏ ⵍⴻⵅⵙ, ⵢⵉⵡⴻⵏ ⵏ ⵍⴱⵉⵢⴰⵏ ⵏ ⵓⴼⴻⵙⵙⴻⵔ ⵖⴻⴼ ⵓⵙⵉⵍⴻⵖ ⵓⵇⴱⴻⵍ ⵏ ⵓⵙⵉⴷⴷⴻⴳ ⵉ ⵢⴻⵔⵣⴰⵏ ⵉⵅⴻⴷⴷⴰⵎⴻⵏ ⵏ ⵓⵙⴻⴳⵎⵉ, ⵉ ⴷ-ⵢⴻⵍⵍⴰⵏ ⴷ ⵜⴰⵡⵜⵉⵍⵜ ⵏ ⵍⵇⴰⵏⵓⵏ ⵉⵡⴰⴽⴽⴻⵏ ⴰⴷ ⵜⵜⵓⵙⴻⴳⵎⴻⵏ ⵢⵉⵙⴻⵍⴰⴷⴻⵏ ⴷⴻⴳ ⵜⴼⴻⵙⵏⵉⵡⵉⵏ-ⵏⵙⴻⵏ ⵜⵉⵎⴰⵢⵏⵓⵜⵉⵏ ⵙ ⵜⵖⴰⵡⵍⴰ.
ⵍⴱⵉⵢⴰⵏ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ "ⵄⵍⴰ ⵃⵙⴰⴱ ⵏ ⵡⴰⵢⴻⵏ ⵜⵡⴰⵍⴰ ⵜⵉⵏⴻⵖⵍⴰⴼⵜ ⵏ ⵓⵙⴻⴳⵎⵉ ⵏ ⵢⵉⵙⴰⵍⴻⵏ ⵓⵔ ⵏⴻⵎⵙⴰⴷⴰ ⴷ ⵓⴷⴳⵉⵔ ⴷⴻⴳ ⵢⵉⵙⵎⴰⵍ ⵏ ⵓⵎⴻⵣⴷⴰⵢ ⵉⵎⴻⵜⵜⵉ ⴷ ⵜⵙⴻⴱⵜⴰⵔ ⵏ ⵜⴷⵓⴽⵍⵉⵡⵉⵏ ⵏ ⵢⵉⵏⵏⵉⵇⴰⴱⴻⵏ ⵖⴻⴼ ⵓⵙⵉⵍⴻⵖ ⵓⵇⴱⴻⵍ ⵏ ⵓⵙⵉⴷⴷⴻⴳ ⵏ ⵜⵍⴰⵜ (3) ⵏ ⵜⴼⴻⵙⵏⵉⵡⵉⵏ, ⵜⵉⵏⴻⵖⵍⴰⴼⵜ ⵜⴻⴼⴻⵙⵙⴻⵔ-ⴷ ⵢⴻⵔⵏⴰ ⵜⴻⴷⴷⴻⵇⵇ ⵖⴻⴼ ⵡⴰⵢⴰ: ⴰⵙⵉⵍⴻⵖ-ⴰⴳⵉ ⵢⴻⵍⵍⴰ-ⴷ ⴷ ⵜⴰⵡⵜⵉⵍⵜ ⵏ ⵍⵇⴰⵏⵓⵏ ⵉⵡⴰⴽⴽⴻⵏ ⴰⴷ ⵄⴻⵊⵊⵍⴻⵏ ⴰⴷ ⴼⴽⴻⵏ ⵉ ⵢⵉⵙⴻⵍﻤⴰⴷⴻⵏ ⵍⴼⴰⵢⴷⴰ-ⵏⵙⴻⵏ ⴷⴻⴳ ⵜⴼⴻⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵣⵉⴷ ⵏ ⵍⴻⵅⵍⴰⵙ ⴷⴻⴳ ⵡⴰⴽⵓⴷ ⴰⵇⴻⵔⴱⴰⵏ".
ⵜⴻⵏⵏⴰ-ⴷ ⴷⴰⵖⵉ ⴱⴻⵍⵍⵉ "ⴰⵙⵉⵍⴻⵖ-ⴰⴳⵉ ⴰⴷ ⵢⵉⵍⵉ ⴽⵓⵍ ⴰⵙⵙ ⵏ ⵙⵙⴻⴱⵜ, ⴰⵣⵎⴻⵣ-ⵏⵏⴻⵙ ⴽⴽⵓⵥ (4) ⵏ ⵢⵉⵢⵢⵉⵔⴻⵏ, ⵉⵡⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵡⴰⴽⵓⴷ ⵉ ⵖⴻⴼ ⵎⵙⴻⴼⵀⴰⵎⴻⵏ ⵜⵉⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴷ ⵓⵎⴻⴷⴷⴰⴱⴻⵔ ⴰⵎⴰⵜⴰ ⵏ ⵜⵡⵓ ⵜⴰⵖⴰⵔⵉⵎⵜ ⴷ ⵓⵙⴻⴳⵎⴻⵔ ⵏ ⵜⴷⴻⴱⴱⵉⵔⵜ, ⵢⴻⵔⵏⴰ ⵡⴰⴳⵉ ⴷ ⵍⵇⵉⵙ ⴰⵎⴻⵥⵢⴰⵏ ⵉ ⵢⴻⵣⵎⴻⵔ ⴰⴷ ⵢⵉⵍⵉ ⵉⵡⴰⴽⴽⴻⵏ ⴰⴷ ⵢⴻⵜⵜⵓⵅⴷⴻⵎ ⵓⵙⵉⵍⴻⵖ ⵙ 80 ⵏ ⵜⵙⴰⵔⴰⵢⵉⵏ".
ⴷⵉ ⵍⴱⵉⵢⴰⵏ-ⵏⵏⴻⵙ, ⵜⵉⵏⴻⵖⵍⴰⴼⵜ ⵜⴻⵏⵏⴰ-ⴷ ⴱⴻⵍⵍⵉ ⵜⴻⵡⵡⵉ-ⴷ ⵍⵃⵉⵙⴰⴱ ⵏ "ⵡⴰⵢⵢⵓⵔ ⵏ ⵔⴻⵎⴹⴰⵏ, ⴷⴰⵖⵉ ⵜⴻⵇⵚⴻⴷ ⴰⴷ ⵢⵉⵍⵉ ⵓⵙⵉⵍⴻⵖ ⴷⴻⴳ ⵜⵖⵉⵡⴰⵏⵉⵏ ⵏ ⵓⵙⴻⴳⵎⵉ ⴰⵏⵉ ⴷⴻⴳ ⵅⴻⴷⴷⵎⴻⵏ ⵢⵉⵙⴻⵍﻤⴰⴷⴻⵏ-ⵏⵏⵉ", ⵉⵡⴰⴽⴽⴻⵏ ⴰⴷ ⴰⵡⵉⵏ ⵜⴰⵎⵓⵙⵏⵉ ⵉ ⵜⴻⵔⵣⴰ ⵜⴼⴻⵙⵏⴰ-ⵏⵙⴻⵏ ⵜⴰⵎⴰⵢⵏⵓⵜ.
ⵜⴻⴳⴳⵔⴰ-ⴷ ⵜⵉⵏⴻⵖⵍⴰⴼⵜ ⵙ ⵡⴰⵢⴻⵏ ⴱⴻⵍⵍⵉ "ⴰⵙⴼⴰⵢⴷⵉ ⵙⴻⴳ ⵍⴼⴰⵢⴷⴰ ⵏ ⵜⴼⴻⵙⵏⴰ ⵜⴰⵎⴰⵢⵏⵓⵜ ⴰⴷ ⵢⵉⵍⵉ ⴷⵉⵏ ⴷⵉⵏ ⵙⴻⵍⴷ ⵎⴰ ⴽⴼⴰⵏ ⴰⵙⵉⵍⴻⵖ-ⴰⴳⵉ".
ⴰⵔⵏⵓ ⵖⴻⵔ
