ⵎⵎⵓⵜⴻⵏ 37 ⵏ ⵢⵉⵎⴷⴰⵏⴻⵏ ⴰⴽⴽⴻⴷ ⵓⵊⴻⵕⵕⴻⵃ ⵏ 1847 ⵏⵏⵉⴹⴻⵏ ⵙ ⵍⵊⵓⵕⵓⵃ ⵢⴻⵎⴳⴰⵔⴰⴷⴻⵏ ⴷⴻⴳ 1473 ⵏ ⵜⵉⵡⴰⵢⵉⵏ ⵏ ⵓⴱⵔⵉⴷ ⵉ ⴷ-ⵢⴻⵜⵜⵡⴰⵙⴷⴻⴳⴳⴻⵏ (سُجلت) ⴳⴰⵔ 22 ⴷ 28 ⵎⴻⵖⵔⴻⵙ ⴷⵉ ⵜⴻⵎⵏⴰⴹⵉⵏ ⵢⴻⵎⴳⴰⵔⴰⴷⴻⵏ ⵏ ⵜⵎⵓⵔⵜ. ⴰⴽⴽⴻⵏ ⵉ ⴷ-ⵢⵓⵙⴰ, ⴰⵙⵙ-ⴰ ⵏ ⵍⴰⵔⴱⴻⵄⴰ, ⴷⴻⴳ ⵜⵏⴻⵇⵇⵉⵙⵜ ⵏ ⵜⵏⴻⵀⵍⴰ ⵜⴰⵎⴰⵜⵓⵜ ⵏ ⵜⵃⴰⴷⴷⵉⵜ ⵜⴰⵖⴻⵔⴼⴰⵏⵜ.
ⵜⴰⵏⴻⵇⵇⵉⵙⵜ ⵜⵓⵣⵎⵉⵔⵜ ⵜⴻⵍⵍⴰ-ⴷ ⴷⵉ ⵜⵡⵉⵍⴰⵢⵜ ⵏ ⵜⴰⵎⴰⵏⵖⴰⵙⴻⵜ, ⴰⵏⴷⴰ ⵎⵎⵓⵜⴻⵏ 4 ⵏ ⵢⵉⵎⴷⴰⵏⴻⵏ ⴷ ⵓⵊⴻⵕⵕⴻⵃ ⵏ 28 ⵏⵏⵉⴹⴻⵏ ⴷⴻⴳ 14 ⵏ ⵜⵉⵡⴰⵢⵉⵏ.
ⵖⴻⴼ ⵡⵓⴳⴳⵉⵢⴻⵏ ⵏ ⵓⵣⵎⴻⵍⵍⴻⵖ ⵙ ⵍⴳⴰⵣ ⵏ ⵓⴽⵓⵔⴱⵓⵏ ⵉ ⴷ-ⵢⴻⴼⴼⵖⴻⵏ ⵙⴻⴳ ⵡⴰⵍⵍⴰⵍⴻⵏ ⵏ ⵓⵙⵙⴻⵃⵎⵓ ⴷ ⵢⵉⵙⵙⴻⵃⵎⴰⵢⴻⵏ ⵏ ⵡⴰⵎⴰⵏ, ⵢⵉⴼⴻⵔⴷⵉⵙⴻⵏ ⵏ ⵜⵃⴰⴷⴷⵉⵜ ⵜⴰⵖⴻⵔⴼⴰⵏⵜ ⵙⴷⴻⴳⴳⴻⵏ ⵜⴰⵎⴻⵜⵜⴰⵏⵜ ⵏ ⵢⵉⵡⴻⵏ ⵏ ⵓⵎⴷⴰⵏ ⴷⵉ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⴰⵎ ⴰⴽⴽⴻⵏ ⴼⴽⴰⵏ ⵜⴰⵍⵍⴻⵍⵜ ⵜⴰⵎⴻⵣⵡⴰⵔⵓⵜ ⵉ 60 ⵏ ⵢⵉⵎⴷⴰⵏⴻⵏ ⵏⵏⵉⴹⴻⵏ.
ⵙ ⵜⴰⵎⴰ-ⵏⵏⵉⴹⴻⵏ, ⵢⵉⴼⴻⵔⴷⵉⵙⴻⵏ ⵏ ⵜⵃⴰⴷⴷⵉⵜ ⵜⴰⵖⴻⵔⴼⴰⵏⵜ ⵙⵙⴻⵏⵙⴻⵏ 526 ⵏ ⵜⵉⵎⴻⵙ (ⵍⵃⴰⵔⵉⵇ), ⴳⴰⵔ-ⴰⵙⴻⵏⵜ ⵜⵉⵏ ⵢⵉⵅⴰⵎⵎⴻⵏ, ⵜⵉⵎⴻⴳⵓⵕⵉⵢⵉⵏ ⴷ ⵜⵉⵢⴰⴹ. ⵜⵉⵎⴻⵇⵔⴰⵏⵉⵏ ⵍⵍⴰⵏ-ⴷ ⴷⵉ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ (42), ⴰⴷⵔⴰⵔ (32) ⴷ ⵡⴻⵀⵔⴰⵏ (26). ⴷⴻⴳ ⵓⴽⵎⴻⵍ, ⵢⵉⴼⴻⵔⴷⵉⵙⴻⵏ ⵏ ⵜⵃⴰⴷⴷⵉⵜ ⵜⴰⵖⴻⵔⴼⴰⵏⵜ ⴳⴰⵏ 5990 ⵏ ⵜⵉⵣⵔⴰⵡⵉⵏ (interventions) ⵉ ⵢⴻⵙⵙⴻⵍⵍⴽⴻⵏ 458 ⵏ ⵢⵉⵎⴷⴰⵏⴻⵏ ⴷⴻⴳ ⵢⵉⵣⵉⵣⴷⴻⴳ (risk) ⴷ ⵓⵙⵙⴻⴳⴳⴷⴻⴷ ⵏ 5263 ⵏⵏⵉⴹⴻⵏ.
ⴰⵔⵏⵓ ⵖⴻⵔ
