ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴰⵙⵙ-ⴰ ⵏ ⵍⵀⴻⴷ, ⴰⵍⴷⴰⵢ ⵏ ⵡⴻⵃⵔⵉⵛ ⵡⵉⵙ ⵙⵉⵏ ⵏ ⵓⵙⴰⵍⴰⵢ ⵏ ⵍⵀⵓⵡⴰ ⵉ ⵢⴻⵙⴷⵓⴽⴽⵓⵍⴻⵏ ⵓⴱⵉⵕⵓ ⵏ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⴷ ⵙⴱⵉⵜⴰⵔ ⵏ ⵙⵉⴷⵉ ⴱⴻⵍⵍⵡⴰ. ⴷⴰⵖⴻⵏ, ⵢⴻⴼⴽⴰ ⵍⵉⵛⴰⵕⴰ ⵏ ⵜⴰⵣⵡⴰⵔⴰ ⵏ ⵓⵎⴰⵀⵉⵍ ⴷⴻⴳ ⵡⴻⵃⵔⵉⵛ ⵡⵉⵙ ⴽⵔⴰⴷ ⵉ ⵉⵜⴻⴷⴷⵓⵏ ⵙⴻⴳ ⵙⴱⵉⵜⴰⵔ ⵏ ⵙⵉⴷⵉ ⴱⴻⵍⵍⵡⴰ ⵖⴻⵔ ⵔⴻⴶⴰⵡⵏⴰ.
ⵎⴰⵙⵙ ⵙⴰⵄⵢⵓⴷ ⵢⴻⵍⵍⴰ ⴷ ⵢⵉⵡⴻⵜ ⵏ ⵜⴰⵔⴱⴰⵄⵜ ⵉ ⴷⴻⴳ ⵍⵍⴰⵏ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⵜⴰⵏⴻⵀⵍⴰⴼⵜ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ, ⵎⴰⵙⵙⴰ ⵀⵓⵓⵔⵉⴰ ⵎⴰⴷⴰⵃⵉ, ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ, ⵍⵄⴻⵇⵉⴷ ⴱⵓⵓⴰⵍⴻⵎ ⴱⵓⵓⴳⵀⵍⴰⴼ.
ⵜⴰⵔⴱⴰⵄⵜ ⵏ ⵢⵉⵏⴻⵖⵍⴰⴼⴻⵏ ⵜⴻⵙⵎⴻⵃⵙⴻⵍ ⴷⴻⴳ ⵡⴻⵎⴽⴰⵏ-ⵏⵏⵉ ⵉ ⵢⵉⵡⴻⵏ ⵏ ⵓⵙⴻⵏⴽⴻⴷ ⴰⵜⵉⴽⵏⵉⴽ ⵍⵇⴰⵢⴻⵏ ⵖⴻⴼ ⵓⵙⴻⵏⴼⴰⵔ-ⴰⴳⵉ, ⵉ ⴷ-ⵢⴻⵡⵡⵉⵏ ⵖⴻⴼ ⵢⵉⵙⵡⵉⵔⴻⵏ ⵏ ⵓⵙⴱⴻⴷⴷⵉ, ⵜⵓⵍⵎⵉⵙⵉⵏ-ⵉⵙ ⵜⴰⵜⵉⴽⵏⵉⴽⵉⵏ, ⴷ ⵓⵎⴰⵀⵉⵍ-ⵉⵙ ⴷⴻⴳ ⵓⵙⵏⴻⵔⵏⵉ ⵏ ⵜⴻⴳⵏⴰⵜⵉⵏ ⵏ ⵜⵉⴷⴷⵢ ⵏ ⵢⵉⵎⴻⵣⴷⴰⵖ ⴳⴰⵔ ⵜⵓⴷⴷⵙⴰ ⵏ ⵢⵉⵅⵅⴰⵎⵎⴻⵏ ⴷ ⵢⵉⵎⴻⵥⵍⴰ ⵏ ⵜⴰⵣⵣⵉⵜ, ⵍⴰⴷⵖⴰ ⵉⵎⵉ ⵉ ⵇⵔⴻⴱ ⵖⴻⵔ ⵙⴱⵉⵜⴰⵔ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵣⴰⵍ-ⵉⵙ ⴷⴻⴳ ⵓⵙⴻⴶⵀⴻⴷ ⵏ ⵜⴻⵎⵎⴻⵔⵔⵉⵜ ⴷⴻⴳ ⵜⴻⵎⵏⴰⵟ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵎⴰⵙⵙ ⵙⴰⵄⵢⵓⴷ ⵉⵙⵙⴻⴽⵏⴻⴷ ⵜⵏⴻⵎⵎⵉⵔⵜ-ⵉⵙ ⵉ ⵢⴰⴽⴽ ⵡⵉⴷ ⵉ ⵉⵄⴰⵡⵏⴻⵏ ⵉ ⵓⵡⴻⵣⵣⵉ ⵏ ⵓⵙⴻⵏⴼⴰⵔ-ⴰⴳⵉ, ⵙⴻⵍⴷ ⵍⵎⴻⴶⵀⵓⴷⴰⵜ ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵓⵙⴱⴻⴷⴷⵉ ⴷ ⵓⵄⴰⵡⴻⴷ ⵏ ⵓⵙⴻⴷⴷⴻⵔ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⴰⵍⴰⵢ ⵏ ⵍⵀⵓⵡⴰ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴰⵏⴻⵖⵍⴰⴼ ⵉⵙⵔⴻⵚ ⴱⴻⵍⵍⵉ ⴰⴳⴻⵎⵓ-ⴰⴳⵉ ⴷ "ⵜⵎⴻⵔⵏⴰ ⵓⴼⵔⵉⵏⴻⵏ ⵉ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵏ ⵓⵣⵓⵏⴻⵢ, ⵢⴻⵔⵏⴰ ⵉⵄⴰⵡⴻⵏ ⵙ ⵜⵎⵓⵖⵍⵉ ⵜⵓⵙⵔⵉⴷⵜ ⴷⴻⴳ ⵓⵙⵉⵣⵣⴻⴷ ⵏ ⵜⵉⴷⴷⵢ ⵏ ⵢⵉⵎⴻⵣⴷⴰⵖ, ⵍⴰⴷⵖⴰ ⵡⵉⴷ ⵢⴻⵣⴷⴻⵖⵏ ⴷⴻⴳ ⵢⵉⵎⵓⴽⴰⵏ ⵏ ⵍⵇⴰⵄⴰ, ⵓ ⵉⵙⴼⴻⵙⵙⵓⵙ ⵓⵏⴻⴽⵛⵓⵎ ⵖⴻⵔ ⵢⵉⵎⴻⵥⵍⴰ ⵉⵕⴻⵙⵙⴰⵏⴻⵏ". ⵉⵡⴰⵍⴰ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ "ⵢⴻⵎⵎⴰⵍ-ⴷ ⵜⵉⴷⴷⵢ ⵏ ⵓⵙⵏⴻⴼⵍⵉ ⵉ ⵜⵣⴻⵔ ⵜⵎⵓⵔⵜ, ⵓ ⵢⴻⵙⵏⴻⵔⵏⴰⵢ ⵙⵙⵢⵉⴼⴰ ⵏ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⵙ ⵓⴳⴻⵔⵔⵓⵊ-ⵉⵙ ⴰⴳⴰⵎⴰⵏ ⴷ ⵡⵉⵏ ⵏ ⵜⴻⵎⵎⴻⵔⵔⵉⵜ", ⵉⵙⵙⴻⴱⵕⴻⴽ ⵉ ⵢⵉⵎⴻⵣⴷⴰⵖ ⴷ ⵢⵉⵎⴹⴻⴱⴱⵔⴻⵏ ⴰⴷⵉⴳⴰⵏⴻⵏ ⵖⴻⴼ ⵓⴳⴻⵔⵔⵓⵊ-ⴰⴳⵉ ⴰⵎⴳⵓⵔⵉⵢⴰⵏ ⴰⵎⴻⵇⵇⵔⴰⵏ.
ⵙⴻⵍⴷ ⴰⵏⵏⴻⵛⵜ-ⴰ, ⵜⴰⵔⴱⴰⵄⵜ ⵏ ⵢⵉⵏⴻⵖⵍⴰⴼⴻⵏ ⵜⴼⴻⵣⵔⴻⵡ (inspected) ⵢⴰⴽⴽ ⵉⵎⵓⴽⴰⵏ ⵏ ⵓⵙⴰⵍⴰⵢ ⵏ ⵍⵀⵓⵡⴰ ⵓ ⵜⵡⴰⵍⴰ ⵜⴰⴳⵏⵉⵜ ⵏ ⵓⵙⴻⵎⵔⴻⵙ-ⵉⵙ ⴷ ⵢⵉⵎⴻⵥⵍⴰ ⵉ ⵉⵟⵟⴰⴽ ⵉ ⵓⵖⵔⵉⵎ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⴻⵖⵣⵉ ⵏ ⵡⴻⵃⵔⵉⵛ ⴰⵎⴻⵏⵣⵡⵓ ⵏ ⵓⵙⴰⵍⴰⵢ-ⴰⴳⵉ ⵏ ⵍⵀⵓⵡⴰ ⵜⴰⵡⴰⴹ 2.5 ⴽⵎ, ⵢⴻⵙⴷⵓⴽⴽⵓⵍ ⴰⵎⵎⴰⵙ ⵏ ⴱⵓⵀⵉⵏⵓⵏ ⴷ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ, ⴰⵏⵏⴰⵔ ⵏ ⵓⵎⴻⵣⵡⴰⵔ ⵏ ⵓⵏⴱⵉⵔ ⴷ ⵎⴷⵓⴷⴰ.
ⴰⵙⴰⵍⴰⵢ ⵏ ⵍⵀⵓⵡⴰ ⵢⴻⵜⵜⵡⴰⵃⵙⴻⴱ ⴷ ⴰⵍⵍⴰⵍ ⵏ ⵓⵣⵓⵏⴻⵢ ⵉ ⵉⵃⴻⵔⵔⵣⴻⵏ ⵜⴰⵡⵏⵏⴰⴹⵜ (éⵛⵓⵍⵓⴳⵉⵇⵓⴻ) ⵢⴻⵔⵏⴰ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⴰⵎⴰⵏⴰⵖⵜ ⵏ ⵜⵉⵣⵉ ⵡⴻⵣⵣⵓ, ⵉⵎⵉ ⴰⴷ ⵉⵄⴰⵡⴻⵏ ⵙ ⵍⴶⴻⵀⴷ ⴷⴻⴳ ⵓⴽⴼⴰⵙ ⵏ ⴷⴷⵉⵇ ⵏ ⵢⵉⴱⴻⵔⴷⴰⵏ ⵉ ⵜⵣⴻⵔ ⵜⴻⵎⴷⵉⵏⵜ.
ⴰⵔⵏⵓ ⵖⴻⵔ
