ⵜⴻⵙⵙⴻⵔⵔⴻⵙ-ⴷ ⵜⵏⴻⴼⵡⴰⵢⵜ ⵏ ⴷⴷⴰⵔⴽ ⴰⵖⴻⵍⵏⴰⵡ, ⵙ ⵜⴰⵎⴰ ⵏ ⵓⵎⴻⵥⵍⵓ ⴰⵍⴻⵎⵎⴰⵙ ⵏ ⵜⵎⵓⵀⴻⵍ ⵉ ⵓⵎⴻⵏⵏⵓⵖ ⵎⴳⴰⵍ ⵜⵉⴱⴱⴻⵉⵛⴻⵔⵜ ⵜⵓⵙⵙⵓⴷⴻⵙⵜ, ⵢⵉⵡⴻⵜ ⵏ ⵜⵓⴽⴽⵉⵙⵜ ⵏ ⵏⴻⵢⵢⴰ (ⴰⵒⵒⴻⵍ) ⵉ ⵢⵉⵎⴻⵣⴷⴰⵖ ⵖⴻⴼ ⵢⵉⵡⴻⵏ ⵏ ⵡⴻⵎⴷⴰⵏ ⴰⵎⵛⴻⴽⴽⴰⵢ ⴷⴻⴳ ⵡⴰⵟⴰⵙ ⵏ ⵜⴽⴻⵔⵔⵉⵛⵉⵏ ⵉⵕⴻⵙⵙⴰⵏⴻⵏ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵓⵇⴰⴷⴻⵔ ⵏ ⵢⵉⵎⴰⴳⵔⴰⴷⴻⵏ 19 ⴷ 26 ⵙⴻⴳ ⵓⵙⴰⴷⵓⴼ ⵏ ⵜⵉⴳⴳⴰⵜⵉⵏ ⵏ ⵜⵏⴻⴼⵔⵓⵜ, ⵓ ⵙ ⵓⵟⵎⴰⵏ ⵏ ⵜⴰⵏⴰⴹⵜ ⵉ ⴷ-ⵢⴻⴼⴼⵖⴻⵏ ⵙⴻⴳ ⵓⵏⴻⴼⵔⴰⵢ ⵏ ⵓⵏⴰⴷⵉ ⴷⴻⴳ ⵡⴻⵎⵎⴰⵙ ⵏ ⵜⵏⴻⴼⵔⵓⵜ ⵓⴼⵔⵉⵏ ⴷⴻⴳ ⵙⵉⴷⵉ ⵎ'ⵃⴰⵎⴻⴷ.
ⵜⴰⵎⵙⴰⵍⵜ-ⴰⴳⵉ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ — ⵜⴻⵄⵏⴰ ⴰⵎⴷⴰⵏ ⵢⴻⵍⵍⴰⵏ ⴷⴻⴳ ⵜⵎⵓⵖⵍⵉ-ⴰⴳⵉ ⵏ ⵡⵓⴷⴷⴻⵎ, ⵢⴻⵜⵜⵡⴰⴹⵍⴻⵎ ⴷⴻⴳ ⵓⵃⵔⴰⵣ, ⵓⵡⵡⵉ ⵉ ⵓⵣⴻⵏⵣⵉ, ⵓⵃⵔⴰⵣ ⴷⴻⴳ ⵍⵎⴰⵅⵣⴻⵏ ⴷ ⵓⴼⵔⴰⵇ ⴷ ⵓⵣⵓⵏⴻⵢ ⵏ ⵙⵙⴻⵎ ⴷⴻⴳ ⵓⵣⴻⵏⵣⵉⵖ ⵏ ⵜⴻⴳⵔⵓⵎⵎⴰ ⵏ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ, ⴷ ⵓⵙⵙⴻⴽⵛⴻⵎ ⵏ ⵙⵙⴻⵎ ⵙ ⵜⴰⵔⵔⴰⵢⵜ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ. ⴷⴰⵖⴻⵏ, ⴰⵎⵛⴻⴽⴽⴰⵢ-ⴰⴳⵉ ⵢⴻⵜⵜⵡⴰⴹⵍⴻⵎ ⴷⴻⴳ ⵓⵙⵉⵣⴷⴻⴳ ⵏ ⵢⵉⴷⵔⵉⵎⴻⵏ ⵙ ⵜⴰⵔⵔⴰⵢⵜ ⵏ ⵏⵏⵓⵎ ⴷⴻⴳ ⵓⵣⴻⵏⵣⵉⵖ ⵏ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ, ⴷ ⵓⵏⴻⴽⵛⵓⵎ ⴷ ⵜⵉⴷⴷⵉⵔⵜ ⴷⴻⴳ ⵡⴰⴽⴰⵍ ⴰⵖⴻⵍⵏⴰⵡ ⵎⴻⴱⵍⴰ ⴰⵣⵔⴻⴼ ⴰⵙⴰⴷⵓⴼⴰⵏ.
ⴷⴻⴳ ⵓⵏⵏⴰⵔ-ⴰⴳⵉ, ⴷⴷⴰⵔⴽ ⴰⵖⴻⵍⵏⴰⵡ ⵉⵙⵙⵉⵡⴻⵍ ⵉ ⵢⴰⵍ ⴰⵎⴷⴰⵏ ⵉ ⵜ-ⵉⵙⵙⵏⴻⵏ ⵏⴻⵖ ⵉ ⵢⴻⵙⵄⴰⵏ ⵉⵙⴰⵍⴰⵏ ⴼⴻⵍⵍ-ⴰⵙ ⵏⴻⵖ ⵖⴻⴼ ⵡⴰⵎⴽⴰⵏ ⵉ ⴷⴻⴳ ⵢⴻⵍⵍⴰ, ⵉⵡⴰⴽⴽⴻⵏ ⴰⴷ ⵢⴻⵔⵣⵓ ⵖⴻⵔ ⵓⵏⴻⴼⵔⴰⵢ ⵏ ⵓⵏⴰⴷⵉ ⴷⴻⴳ ⵡⴻⵎⵎⴰⵙ ⵏ ⵜⵏⴻⴼⵔⵓⵜ ⵓⴼⵔⵉⵏ ⴷⴻⴳ ⵙⵉⴷⵉ ⵎ'ⵃⴰⵎⴻⴷ, ⵏⴻⵖ ⵖⴻⵔ ⵓⴱⵉⵕⵓ ⵏ ⵓⵎⴻⵥⵍⵓ ⵉ ⵓⵎⴻⵏⵏⵓⵖ ⵎⴳⴰⵍ ⵙⵙⴻⵎ ⴷ ⵢⵉⵙⴰⴼⴰⵔⴻⵏ ⵏ ⵓⵙⴷⴻⵔⵡⵉⵃ ⴷⴻⴳ ⴱⵉⵔ ⵎⵓⵔⴰⴷ ⵔⴰⵉⵙ, ⵏⴻⵖ ⵖⴻⵔ ⵜⵙⴻⴷⴷⴰⵔⵜ ⵏ ⴷⴷⴰⵔⴽ ⵉ ⵉⵇⴻⵔⴱⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴻⴼⴽ ⴰⵏⴰⴳⵉ-ⵉⵙ ⴷⴻⴳ ⵜⴻⵎⵙⴰⵍⵜ-ⴰⴳⵉ.
ⴰⵔⵏⵓ ⵖⴻⵔ
