ⵜⴻⵙⵙⴻⵔⵔⴻⵙ-ⴷ ⵜⵏⴻⵀⵎⴰⵍⵜ ⵏ ⴷⴷⴰⵔⴽ ⴰⵖⴻⵍⵏⴰⵡ, ⵙ ⵜⴰⵎⴰ ⵏ ⵓⵎⴻⵥⵍⵓ ⴰⵍⴻⵎⵎⴰⵙ ⵏ ⵜⵎⵓⵀⴻⵍ ⵉ ⵓⵎⴻⵏⵏⵓⵖ ⵎⴳⴰⵍ ⵜⵉⴱⴱⴻⵉⵛⴻⵔⵜ ⵜⵓⵙⵙⵓⴷⴻⵙⵜ, ⵢⵉⵡⴻⵜ ⵏ ⵜⵓⴽⴽⵉⵙⵜ ⵏ ⵏⴻⵢⵢⴰ ⵉ ⵢⵉⵎⴻⵣⴷⴰⵖ ⵖⴻⴼ ⵢⵉⵡⴻⵏ ⵏ ⵡⴻⵎⴷⴰⵏ ⴰⵎⵛⴻⴽⴽⴰⵢ ⴷⴻⴳ ⵡⴰⵟⴰⵙ ⵏ ⵜⴽⴻⵔⵔⵉⵛⵉⵏ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵢⵉⵎⴰⴳⵔⴰⴷⴻⵏ 19 ⴷ 26 ⵙⴻⴳ ⵓⵙⴰⴷⵓⴼ ⵏ ⵜⵉⴳⴳⴰⵜⵉⵏ ⵏ ⵜⵏⴻⴼⵔⵓⵜ, ⵓ ⵙ ⵓⵟⵎⴰⵏ ⵏ ⵜⴰⵏⴰⴹⵜ ⵉ ⴷ-ⵢⴻⴼⴼⵖⴻⵏ ⵙⴻⴳ ⵓⵏⴻⴼⵔⴰⵢ ⵏ ⵓⵏⴰⴷⵉ ⴷⴻⴳ ⵡⴻⵎⵎⴰⵙ ⵏ ⵜⵏⴻⴼⵔⵓⵜ ⵓⴼⵔⵉⵏ ⴷⴻⴳ ⵙⵉⴷⵉ ⵎ'ⵃⴰⵎⴻⴷ.
ⵜⴰⵍⵓⴼⵜ-ⴰⴳⵉ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ — ⵜⴻⵄⵏⴰ ⴰⵎⴷⴰⵏ ⵢⴻⵍⵍⴰⵏ ⴷⴻⴳ ⵜⵎⵓⵖⵍⵉ-ⴰⴳⵉ ⵢⴻⵜⵜⵡⴰⴹⵍⴻⵎ ⴷⴻⴳ ⵓⵃⵔⴰⵣ, ⵓⵡⵡⵉ ⵉ ⵓⵣⴻⵏⵣⵉ, ⵓⵃⵔⴰⵣ ⴷⴻⴳ ⵍⵎⴰⵅⵣⴻⵏ ⴷ ⵓⴼⵔⴰⵇ ⵏ ⵙⵙⴻⵎ ⴷⴻⴳ ⵓⵣⴻⵏⵣⵉⵖ ⵏ ⵜⴻⴳⵔⵓⵎⵎⴰ ⵏ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ, ⴷ ⵓⵙⵓⴼⴼⴻⵖ ⵏⴻⵖ ⴰⵙⵙⴻⴽⵛⴻⵎ ⵏ ⵙⵙⴻⵎ ⵙ ⵜⴰⵔⵔⴰⵢⵜ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ. ⴰⵎⵛⴻⴽⴽⴰⵢ-ⴰⴳⵉ ⵢⴻⵜⵜⵡⴰⴹⵍⴻⵎ ⴷⴰⵖⴻⵏ ⴷⴻⴳ ⵓⵛⴻⴽⵔⴻⴽ ⵏ ⵡⴰⵔⵔⴰⵜⴻⵏ ⵜⵓⴷⴱⴻⵍⵉⵏ, ⴷ ⵓⵣⵓⵏⴻⵢ ⵉⴶⴻⵀⴷⴻⵏ ⵉ ⵉⵙⵙⴰⴳⴰⴷⴻⵏ ⵜⴰⵎⴰⵏⴻⴳⵜ ⵜⴰⵖⴻⵍⵏⴰⵡⵜ, ⵜⴷⴰⵎⵙⴰ ⵏⴻⵖ ⵜⴰⵣⵣⵉⵜ ⵜⴰⴳⴷⵓⴷⴰⵏⵜ, ⴷ ⵓⵙⵉⵣⴷⴻⴳ ⵏ ⵢⵉⴷⵔⵉⵎⴻⵏ ⵙ ⵜⴰⵔⵔⴰⵢⵜ ⵏ ⵏⵏⵓⵎ.
ⴷⴻⴳ ⵓⵏⵏⴰⵔ-ⴰⴳⵉ, ⴷⴷⴰⵔⴽ ⴰⵖⴻⵍⵏⴰⵡ ⵉⵙⵙⵉⵡⴻⵍ ⵉ ⵢⴰⵍ ⴰⵎⴷⴰⵏ ⵉ ⵉⵅⴻⵚⵔⴻⵏ ⵙ ⵓⴼⵓⵙ ⵏ ⵡⴻⵎⴷⴰⵏ-ⴰⴳⵉ, ⵏⴻⵖ ⵉ ⵜ-ⵉⵙⵙⵏⴻⵏ, ⵏⴻⵖ ⵉ ⵢⴻⵙⵄⴰⵏ ⵉⵙⴰⵍⴰⵏ ⴼⴻⵍⵍ-ⴰⵙ ⵏⴻⵖ ⵖⴻⴼ ⵡⴻⵎⴽⴰⵏ ⵉ ⴷⴻⴳ ⵢⴻⵍⵍⴰ, ⵉⵡⴰⴽⴽⴻⵏ ⴰⴷ ⵢⴻⵔⵣⵓ ⵖⴻⵔ ⵓⵏⴻⴼⵔⴰⵢ ⵏ ⵓⵏⴰⴷⵉ ⴷⴻⴳ ⵡⴻⵎⵎⴰⵙ ⵏ ⵜⵏⴻⴼⵔⵓⵜ ⵓⴼⵔⵉⵏ ⴷⴻⴳ ⵙⵉⴷⵉ ⵎ'ⵃⴰⵎⴻⴷ, ⵏⴻⵖ ⵖⴻⵔ ⵓⴱⵉⵕⵓ ⵏ ⵓⵎⴻⵥⵍⵓ ⴰⵍⴻⵎⵎⴰⵙ ⵏ ⵜⵎⵓⵀⴻⵍ ⵏ ⴷⴷⴰⵔⴽ ⴰⵖⴻⵍⵏⴰⵡ ⴷⴻⴳ ⵛⵛⵔⴰⵇⴰ, ⵏⴻⵖ ⵖⴻⵔ ⵜⵙⴻⴷⴷⴰⵔⵜ ⵏ ⴷⴷⴰⵔⴽ ⵉ ⵉⵇⴻⵔⴱⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴻⴼⴽ ⴰⵏⴰⴳⵉ-ⵉⵙ ⴷⴻⴳ ⵜⴻⵎⵙⴰⵍⵜ-ⴰⴳⵉ.
ⴰⵔⵏⵓ ⵖⴻⵔ
