ⵉⵙⴻⴷⴷⵉⵢⴻⵏ ⴷ ⵢⵉⵎⵣⵉⵔⴻⵏ ⵏ ⵡⴰⵎⴰⵏ ⵏ ⵜⵡⵉⵍⴰⵢⵜ ⵏ ⵜⵢⴰⵔⴻⵜ ⴼⴼⵓⵖⴻⵏ-ⴷ ⵙ 58,7 ⵏ ⵢⵉⵎⴻⵍⵢⵓⵏⴻⵏ ⵏ ⵍⵎⵉⵜⵔⴰⵜ ⵢⴻⵎⴽⵓⵥⴻⵏ ⵏ ⵡⴰⵎⴰⵏ, ⵙ ⵜⵎⴻⵏⵜⴰⵏⵜ ⵏ ⵓⴳⴻⴼⴼⵓⵔ ⵉ ⴷ-ⵢⴻⵡⵡⵜⴻⵏ ⵙⴻⴳ ⵜⴰⵣⵡⴰⵔⴰ ⵏ ⵡⴰⴳⴳⵓⵔ ⵏ ⵢⴻⵏⵏⴰⵢⴻⵔ ⵉⵄⴻⴷⴷⴰⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⴰⵙⵙ-ⴰ ⵏ ⴰⵔⵉⵎ ⵡⴰⵎⴻⵀⵍⴰⵢ ⵏ ⵢⵉⵖⴱⵓⵍⴰ ⵏ ⵡⴰⵎⴰⵏ, ⵍⵄⵉⴷ ⵄⵉⵙⴰⵏⵉ.
ⵄⵉⵙⴰⵏⵉ ⵢⴻⵙⴼⴻⵔⵔⴻⵢ-ⴷ ⴱⴻⵍⵍⵉ ⴰⴳⴻⴼⴼⵓⵔ ⵉⵊⴻⵀⴷⴻⵏ ⵉ ⴷ-ⵢⴻⵡⵡⵜⴻⵏ ⴷⴻⴳ ⵜⵡⵉⵍⴰⵢⵜ ⴷⴻⴳ ⴷⴷⵓⵔⵜⵉⵢⴻⵏ ⵜⵉⵏⴻⴳⴳⵓⵔⴰ ⵢⴻⴼⴼⴻⵖ ⴰⵢⴻⵏ ⵉ ⴷ-ⵢⴻⵡⵡⵜⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ, ⵢⴻⵡⵡⴻⴹ ⴰⵔ 428 ⵎⵍⵎ. ⴰⵢⴰ ⵢⴻⵊⵊⴰ ⴰⵎⴰⵏ ⴰⴷ ⵢⴰⵍⵉ ⵍⵇⴻⴷⴷ-ⵏⵙⴻⵏ ⴷⴻⴳ ⴽⵔⴰⴹ (3) ⵏ ⵢⵉⵙⴻⴷⴷⵉⵢⴻⵏ ⵉⵎⴻⵇⵇⵔⴰⵏⴻⵏ ⴷ 13 ⵏ ⵢⵉⵎⵣⵉⵔⴻⵏ ⵏ ⵡⴰⵎⴰⵏ ⵏ ⵜⵡⵉⵍⴰⵢⵜ.
ⴷⴻⴳ ⵓⵃⵔⵉⵛ-ⴰⴳⵉ, ⵍⵇⴻⴷⴷ ⵏ ⵡⴰⵎⴰⵏ ⴷⴻⴳ ⵓⵙⴻⴷⴷⵉ ⵏ "ⴱⴻⵅⴻⴷⴷⴰ" ⵢⴻⵡⵡⴻⴹ ⴰⵔ 30,1 ⵏ ⵢⵉⵎⴻⵍⵢⵓⵏⴻⵏ ⵏ ⵍ ⵢⴻⵎⴽⵓⵥⴻⵏ ⵙⴻⴳ 37 ⵏ ⵢⵉⵎⴻⵍⵢⵓⵏⴻⵏ ⵉ ⵢⴻⵣⵎⴻⵔ ⴰⴷ ⵢⴻⵟⵟⴻⴼ, ⴰⵢⴻⵏ ⵢⴻⵎⴳⴰⴷⴰⵏ ⴷ 81 %. ⵢⴻⵍⵍⴰ ⵓⵔ ⵢⴻⴼⴼⵉⵖ ⴰⵔⴰ 4,7 ⵏ ⵢⵉⵎⴻⵍⵢⵓⵏⴻⵏ ⴷⴻⴳ ⵜⴰⴳⴳⴰⵔⴰ ⵏ ⵡⴰⴳⴳⵓⵔ ⵏ ⴷⵓⵊⴰⵎⴱⴻⵔ. ⴰⵢⴰ ⴰⴷ ⵢⴻⴼⴽ ⵜⴰⵍⵍⴰⵍⵜ ⵉⵡⴰⴽⴽⴻⵏ ⴰⴷ ⴼⴽⴻⵏ ⴰⵎⴰⵏ ⵏ ⵜⵉⵙⵙⵉⵜ ⵉ ⵢⵉⵎⴻⵣⴷⴰⵖ ⵏ "ⵔⵔⴻⵃⵡⵉⵢⴰ" ⴷ "ⵎⴻⵛⵔⴰⵄ ⵚⵚⴰⴼⴰ".
ⴷⴰⵖⴻⵏ, ⴰⵎⴻⵙⵓⵍ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⴷ, ⵏ "ⴷⴷⴻⵃⵎⵓⵏⵉ", ⵉⴽⴻⵍⴼⴻⵏ ⵙ ⵜⴼⴻⵍⵜ (ⴰⵙⵙⴻⴳⵉ), ⵢⴻⵜⵜⵡⴰⵊⵊⴰⵔ ⵙ ⵓⴳⴰⵔ ⵏ 60 %, ⴰⵢⴻⵏ ⵢⴻⵎⴳⴰⴷⴰⵏ ⴷ 20,6 ⵏ ⵢⵉⵎⴻⵍⵢⵓⵏⴻⵏ ⵏ ⵍⵎⵉⵜⵔⴰⵜ ⵢⴻⵎⴽⵓⵥⴻⵏ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵙⴻⴷⴷⵉ ⵏ "ⴱⵓⴳⴻⵔⵔⴰ" ⵢⴻⵜⵜⵡⴰⵊⵊⴰⵔ ⴰⴽⴽ, ⵢⴻⵡⵡⴻⴹ ⴰⵔ 10,5 ⵏ ⵢⵉⵎⴻⵍⵢⵓⵏⴻⵏ ⵏ ⵍⵎⵉⵜⵔⴰⵜ ⵢⴻⵎⴽⵓⵥⴻⵏ. ⵢⴻⵔⵏⴰ ⵢⵉⵎⵣⵉⵔⴻⵏ ⵏ ⵡⴰⵎⴰⵏ ⵏⵏⵉⴹⴻⵏ ⵜⵜⵡⴰⵊⵊⴰⵔⴻⵏ ⴷⴰⵖⴻⵏ ⵙ ⵓⴳⴰⵔ ⵏ 8 ⵏ ⵢⵉⵎⴻⵍⵢⵓⵏⴻⵏ. ⴰⵢⴰ ⴰⴷ ⵢⴻⴼⴽ ⵜⴰⵍⵡⵉⵜ ⵉ ⵢⵉⴳⴻⵔ ⵏ ⵜⴼⴻⵍⵜ ⵢⴻⵔⵏⴰ ⴰⴷ ⵢⴻⵙⵙⴻⵏⵇⴻⵙ ⴰⵙⵙⴻⵅⴷⴻⵎ ⵏ ⵡⴰⵎⴰⵏ ⵏ ⴷⴷⴰⵡ ⵏ ⵡⴰⴽⴰⵍ (ⵏⵏⵉⵢⴰⵜ) ⴷ ⵜⴻⴼⵔⵓⵜ ⵏ ⵓⴼⴰⵔⴻⵙ.
ⴰⵔⵏⵓ ⵖⴻⵔ
