ⵍⵣⵣⴰⵢⵔ ⵜⴰⵎⴰⵏⴻⵖⵜ – ⵜⴻⴳⴳⴰ ⵜⵎⵔⵙⵍⵜ ⵜⴰⴳⴷⵓⴷⴰⵏⵜ ⵏ ⵡⴰⵙⵙⴰⵢ ⴰⵖⵔⵎⴰⵏ ⴷ ⵡⵉⵏ ⵏ ⵔⵔⵉⴼ ⵏ ⵍⵣⵣⴰⵢⵔ "ⵉⵜⵓⵣⴰ" ⵢⵉⵡⵏ ⵡⴰⵀⵉⵍ ⵓⵥⵍⴰⵢ ⵉ ⵡⴰⴳⴳⵓⵔ ⵏ ⵔⵎⴹⴰⵏ. ⴰⵡⴰⵀⵉⵍ-ⴰⴳⵉ ⴰⴷ ⵢⴻⴼⴽ ⵜⴰⴳⵏⵉⵜ ⵉ ⵢⵉⵎⴻⵣⴷⴰⵖ ⴰⴷ ⵜⵜⵎⵓⵙⵙⵓⵏ ⴳⴰⵔ ⵜⵎⴻⵏⵏⴰⴹⵉⵏ ⵏ ⵜⴰⵎⴰⵏⴻⵖⵜ ⴰⵍⴰⵎⵎⴰ ⴷ ⵢⵉⵡⴻⵜ ⵏ ⵜⵚⴻⴱⵃⵉⵜ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵎⵔⵙⵍⵜ ⴰⵙⵙ-ⴰ ⵏ ⵍﺤⴻⴷ.
ⴷⴻⴳ ⵡⴰⵀⵉⵍ-ⴰⴳⵉ, ⵜⴰⵎⵔⵙⵍⵜ "ⵉⵜⵓⵣⴰ" ⴰⴷ ⵜⴻⵇⴷⴻⵛ ⵎⴰⵕⵕⴰ ⵓⵙⵙⴰⵏ ⵏ ⵢⵉⵎⴰⵍ, ⵓⵍⴰ ⴷ ⵡⵓⵙⵙⴰⵏ ⵏ ⵓⵙⴳⵓⵏⴼⵓ. ⴰⴷ ⵢⵉⵍⵉ ⵡⴰⵙⵙⴰⵢ ⴷⴻⴳ 186 ⵏ ⵢⵉⴱⵔⵉⴷⴻⵏ ⴷⴻⴳ ⵡⴰⵙⵙ ⵢⴻⵔⵏⴰ 70 ⵏ ⵢⵉⴱⵔⵉⴷⴻⵏ ⵏⵏⵉⴹⴻⵏ ⴰⴷ ⵔⵏⵓⵏ ⵎⴱⴰⵄⴻⴷ ⵍⴼⴹⵓⵔ. ⵜⴰⴽⴰⵔⵔⵉⵙⵜ ⴰⴷ ⵜⴻⵜⵜⵄⴻⴷⴷⴰ ⴳⴰⵔ 20 ⴰⵔ 40 ⵏ ⵜⵓⵙⴷⵉⴷⵉⵏ ⴷⴻⴳ ⵡⴰⵙⵙ, ⴷ 20 ⴰⵔ 30 ⵏ ⵜⵓⵙⴷⵉⴷⵉⵏ ⴷⴻⴳ ⵢⵉⴹ.
ⵜⵉⴽⵍⵉⵡⵉⵏ ⵏ ⵜⵚⴻⴱⵃⵉⵜ ⴰⴷ ⴱⴷⵓⵏⵜ ⵖⴻⴼ ⵜⵅⴻⵎⵙⵜ ⴷ ⵜⵎⴻⵔⵡⵉⵏ ⴷ ⵜⵅⴻⵎⵙⵜ ⵏ ⵜⵓⵙⴷⵉⴷⵉⵏ (05:50). ⴰⴷ ⴽⴻⵎⵎⵍⴻⵏⵜ ⴰⵍⴰⵎⵎⴰ ⴷ 17:45 ⴷⴻⴳ ⵜⵖⵉⵡⴰⵏⵉⵏ ⵏ ⵜⵍⴻⵎⵎⴰⵙ, ⴷ 17:30 ⴷⴻⴳ ⵜⵎⴻⵏⵏⴰⴹⵉⵏ ⵏ ⵔⵔⵉⴼ. ⴷⴻⴳ ⵢⵉⴹ, ⵜⵉⴽⵍⵉ ⵜⴰⵎⴻⵣⵡⴰⵔⵓⵜ ⴰⴷ ⵜⴻⵍⵍⵉ ⵖⴻⴼ 19:40, ⵢⴻⵔⵏⴰ ⵜⴰⵏⴻⴳⴳⴰⵔⵓⵜ ⴰⴷ ⵜⴻⵍⵍⵉ ⵖⴻⴼ ⵢⵉⵡⴻⵜ (01:00) ⵏ ⵜⵚⴻⴱⵃⵉⵜ.
ⵖⴻⵔ ⵜⴰⵎⴰ ⵏ ⵡⴰⵢⴰ, ⵜⴰⵎⵔⵙⵍⵜ ⴰⴷ ⵜⴻⴳ ⵜⵉⴽⵍⵉⵡⵉⵏ ⵓⵥⵍⴰⵢⵏ ⵉ ⵡⴰⴽⴽⴻⵏ ⴰⴷ ⵜⴰⵡⵉ ⵉⵎⴻⵥⵥⵓⵍⵍⴰ ⵖⴻⵔ ⵓⵎⵣⵉⴷⴰ ⴰⵎⴻⵇⵇⵔⴰⵏ ⵏ ⵍⵣⵣⴰⵢⵔ ⵉ ⵜⵥⴰⵍⵍⵉⵜ ⵏ ⵜⵜⵔⴰⵡⵉⵃ ⴷ ⵍⵊⴻⵎⵄⴰ. ⴰⵜⵉⴳ ⵏ ⵜⴻⵡⵔⵉⵇⵜ ⵏ ⵓⴽⵛⵓⵎ ⴷ 50 ⵏ ⴷⵉⵏⴰⵔ (ⴰⵔⵓⵃⵓ ⴷ ⵓⵖⴰⵍ) ⴷⴻⴳ ⵜⵎⴻⵏⵏⴰⴹⵉⵏ ⵏ ⵜⵍⴻⵎⵎⴰⵙ, ⴷ 100 ⵏ ⴷⵉⵏⴰⵔ ⴷⴻⴳ ⵜⵎⴻⵏⵏⴰⴹⵉⵏ ⵏ ⵔⵔⵉⴼ.
ⵜⵉⴽⵍⵉ ⵖⴻⵔ ⵓⵎⵣⵉⴷⴰ ⴰⵎⴻⵇⵇⵔⴰⵏ ⴰⴷ ⵜⴻⵍⵍⵉ ⵙⴻⴳ ⵎⵔⴰⵡ (10) ⵏ ⵡⴰⵎⵎⴰⵙⴻⵏ: ⵡⴰⵎⵎⴰⵙ ⵏ "ⴰⵎⴻⵣⵡⴰⵔⵓ ⵏ ⵎⴰⵢⵢⵓ", ⴰⵏⵏⴰⵔ ⵏ "ⵓⴷⴰⵏ", ⴰⵏⵏⴰⵔ ⵏ "ⵢⵉⵎⴳⴰⵔⵓⵜⴻⵏ", ⵡⴰⵎⵎⴰⵙ ⵏ "ⵍⵇⵓⴱⴱⴰ", ⵡⴰⵎⵎⴰⵙ ⵏ "ⵍⵄⴰⵏⴰⵚⵉⵔ", ⵡⴰⵎⵎⴰⵙ ⵏ "ⴱⵔⴰⵇⵉ", ⵡⴰⵎⵎⴰⵙ ⵏ "ⵍⴽⴰⵍⵉⵜⵓⵙ", ⵙⵉⴷⵉ ⵄⴻⴱⴷⵓⵍⵍⴰⵀ, ⵅⵎⵉⵙ ⵍⵅⴻⵛⵏⴰ, ⴷ ⵡⵍⴰⴷ ⵎⵓⵙⴰ.
ⵜⴰⴳⴳⴰⵔⴰ, ⵜⴰⵎⵔⵙⵍⵜ ⵜⴻⵙⵙⴻⴽⵜⴰ-ⴷ ⵉⵎⴻⵣⴷⴰⵖ ⴰⴽⴽⴻⵏ ⴰⴷ ⵇⴰⴷⵔⴻⵏ ⵉⵍⵓⴳⴰⵏ ⵏ ⵓⵃⴰⴷⴰⵔ ⴷⴻⴳ ⵓⴱⵔⵉⴷ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵡⴰⵙⵙⴰⵢ ⴷ ⴰⵎⴰⵏ ⵢⴻⵔⵏⴰ ⴷ ⴰⴼⵔⴰⵃ ⴷⴻⴳ ⵡⴰⴳⴳⵓⵔ ⵏ ⵔⵎⴹⴰⵏ.
ⴰⵔⵏⵓ ⵖⴻⵔ
