ⴰⴷⵉⵙ ⴰⴱⴰⴱⴰ (ⵉⵜⵢⵓⴱⵢⴰ) – ⵢⴻⵊⴻⵔⵔⴻⴷ ⵎⵎⵓⵊⵎⵎⵓⵄ ⵏ "ⵍⵣⵣⴰⵢⴻⵔ ⵏ ⵢⵉⴳⴻⵏⵏⵉ" (Air Algérie), ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⴰⴷⵉⵙ ⴰⴱⴰⴱⴰ, ⵙⵏⴰⵜ ⵏ ⵜⵎⴰⵖⵓⵏⵉⵏ ⵏ ⵓⵎⵢⴻⵍⵍⴻⵍ ⴷ ⵡⴰⵙⵇⴰⵎⵓ ⵏ ⵢⵉⵎⴻⵙⴽⴰⵔⴻⵏ ⵏ ⵜⴷⴰⵎⵙⴰ ⵜⴰⴼⵔⵉⵇⵉⵜ ⴷ ⵓⵥⴻⵟⵟⴰ ⵏ ⵓⵏⴻⴼⵍⵓ ⵏ ⵜⴼⵔⵉⵇⵜ. ⴰⵢⴰ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵜⵊⴻⵀⴻⴷ ⵜⴷⴻⵊⵊⴰⵢⵜ ⵏ ⵜⵎⴻⵔⵙⴻⵍⵜ-ⴰⴳⵉ ⴷⴻⴳ ⵎⴰⵕⵕⴰ ⵜⵎⴻⵏⵣⵓⵜ ⵏ ⵜⴼⵔⵉⵇⵜ.
ⵉⵙⵡⵉ ⵏ ⵙⵏⴰⵜ-ⴰⴳⵉ ⵏ ⵜⵎⴷⵓⴽⴽⵍⵉⵡⵉⵏ ⴷ ⴰⵙⵙⵉⵙⵀⴻⵍ ⵏ ⵜⵉⴽⵍⵉ ⵏ ⵢⵉⵎⴻⵙⴽⴰⵔⴻⵏ ⵏ ⵜⴷⴰⵎⵙⴰ ⵢⵉⴼⵔⵉⵇⵉⵢⴻⵏ, ⴷ ⵓⵙⵊⴻⵀⴻⴷ ⵏ ⵓⴱⴻⴷⴷⴻⵍ ⵏ ⵜⵏⴻⵣⵣⵓⵜ ⴷⴰⵅⴻⵍ ⵏ ⵜⴼⵔⵉⵇⵜ, ⵖⴻⵔ ⵜⴰⵎⴰ ⵏ ⵓⴹⴰⴼⴻⵔ ⵏ ⵢⵉⵙⵓⵔⴰ ⵉ ⵢⴻⴱⵯⴰⵏ ⴰⵙⴷⵓⴽⴽⴻⵍ ⴰⴷⴰⵎⵙⴰⵏ ⴰⴼⵔⵉⵇⵉ. ⵜⵉⵎⴰⵖⵓⵏⵉⵏ-ⴰⴳⵉ ⴰⴷ ⴷ-ⴰⵡⵢⴻⵏⵜ ⴷⴰⵖⴻⵏ ⵢⵉⴱⵔⵉⴷⴻⵏ ⵓⵥⵍⴰⵢⴻⵏ ⵉ ⵡⴰⵙⵙⴰⵢ ⵏ ⵢⵉⵎⴻⵣⴷⴰⵖ ⴷ ⵙⵙⴻⵍⵄⴰ ⴰⴽⴽⴻⵏ ⵍⵍⴰⵏ ⵢⵉⵍⵓⴳⴰⵏ ⵏ ⵓⵎⴰⵀⵉⵍ ⴷ ⵓⵙⴻⴷⵎⴻⵔ.
ⴷⴻⴳ ⵜⵎⴰⵖⵓⵏⵉⵏ-ⴰⴳⵉ ⴷⴰⵖⴻⵏ, ⴰⴷ ⴷ-ⵢⵉⵍⵉ ⵓⵙⴱⴻⴷⴷ ⵏ ⵢⵉⵡⴰⵀⵉⵍⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵃⵔⵉⵛ ⵏ ⵓⵙⵉⵍⴻⵯ, ⴰⵙⵊⴻⵀⴻⴷ ⵏ ⵜⴷⴻⵊⵊⴰⵢⵜ ⵏ ⵜⵎⴻⵔⵙⴻⵍⵉⵏ ⴷ ⵓⵙⴻⵏⵊⵎⴰⵄ ⵏ ⵜⵔⴰⴱⵄⵉⵏ ⵏ ⵜⴷⴰⵎⵙⴰ ⴷⴻⴳ ⵎⴰⵕⵕⴰ ⵜⵉⴳⵏⵉⵜⵉⵏ ⵏ ⵜⵎⴻⵏⵣⵓⵜ.
ⵜⴰⴳⴳⴰⵔⴰ, ⵎⵎⵓⵊⵎⵎⵓⵄ ⵏ "ⵍⵣⵣⴰⵢⴻⵔ ⵏ ⵢⵉⴳⴻⵏⵏⵉ" ⵢⴻⵙⵙⴻⵊⴷⴻⴷ ⴰⵣⴰⵍ-ⵉⵙ ⴷ ⴰⵎⴷⵔⴰⵡ ⵉⵊⴻⵀⴷⴻⵏ ⴷⴻⴳ ⵡⴰⵙⵙⴰⵢ ⵏ ⵢⵉⴳⴻⵏⵏⵉ, ⴰⵢⴻⵏ ⴰⵔⴰ ⵢⴻⴼⴽⴻⵏ ⵜⴰⵣⵎⴻⵔⵜ ⵉ ⵓⵏⴻⴳⵎⵓ ⴰⴷⴰⵎⵙⴰⵏ ⴷ ⵓⵙⴷⵓⴽⴽⴻⵍ ⵏ ⵜⵎⴻⵏⵏⴰⴹⵜ ⵜⴰⴼⵔⵉⵇⵉⵜ.
ⴰⵔⵏⵓ ⵖⴻⵔ
