ⵡⴻⵀⵔⴰⵏ (ⵍⵎⴻⵔⵙⴰ ⵍⴽⴻⴱⵉⵔ) – ⴱⴷⴰⵏ ⵡⵓⵙⵙⴰⵏ ⵏ ⵜⴼⴰⵙⴽⴰ ⵏ "ⵜⵉⴱⴱⵓⵔⴰ ⵢⴻⵍⴷⴰⵏ" ⵢⴻⵔⵣⴰⵏ ⵜⵉⴳⴳⴰⵍⵉⵏ ⵏ ⵍⴻⴱⵃⴻⵔ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴷⴻⴳ ⵜⵎⴰⵏⵓⵜ ⵜⴰⵙⴻⵔⴷⴰⵙⵜ ⵏ ⵍⵎⴻⵔⵙⴰ ⵍⴽⴻⴱⵉⵔ "ⴰⵎⴳⴰⵔⵓ ⴱⵓⵙⵉⴼ ⴱⴻⵍⵃⴰⵊⵉ" ⴷⴻⴳ ⵡⴻⵀⵔⴰⵏ. ⵍⴻⵇⴷⵉⵛ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵜⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⵙⵏⴰⵜ, ⵉ ⵡⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⴰⵏⴻⴼⵍⵓ ⴰⵎⴻⵇⵇⵔⴰⵏ ⵉ ⵜⴳⴰ ⵜⴳⴻⵍⵍⵉⵏ-ⴰⴳⵉ ⴷⴻⴳ ⵎⴰⵕⵕⴰ ⵢⵉⵃⵔⵉⵛⴻⵏ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵢⴻⴼⴽⴰ ⵓⵎⴻⵙⴽⴰⵔ ⵏ ⵜⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⵙⵏⴰⵜ, ⵢⴻⵏⵏⴰ-ⴷ ⴱⴻⵍⵍⵉ ⵡⵓⵙⵙⴰⵏ-ⴰⴳⵉ ⵍⵍⴰⵏ-ⴷ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵎⵢⴻⵍⵍⴻⵍ ⴳⴰⵔ ⵓⵎⴻⵣⴷⴰⵖ ⴷ ⵜⵎⴻⵔⵙⴻⵍⵜ ⵏ ⵍⵄⴻⵙⴽⴻⵔ. ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⵢⵉⵎⴷⴰⵏⴻⵏ ⵜⴰⵎⵓⵙⵏⵉ ⴷ ⵜⵣⵎⴻⵔⵜ ⵏ ⵢⵉⵅⴻⴷⴷⴰⵎⴻⵏ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ.
ⵜⵉⵎⵍⵉⵍⵉⵜ-ⴰⴳⵉ ⵜⴻⴹⵔⴰ-ⴷ ⴷⴻⴳ ⵢⵉⵡⴻⵏ ⵡⴰⵙⵙ ⴰⵎⴻⵣⵔⵓⵢⴰⵏ ⴰⵎⴻⵇⵇⵔⴰⵏ, ⴰⵙⵙ ⵏ 02 ⴼⵓⵔⴰⵔ, ⵉⵎⵉ ⴷⴻⴳ ⵓⵙⴻⴳⴳⴰⵙ ⵏ 1968 ⵍⵣⵣⴰⵢⴻⵔ ⵜⴻⵔⵔⴰ-ⴷ ⵜⴰⵎⴰⵏⵓⵜ-ⴰⴳⵉ ⵏ ⵍⵎⴻⵔⵙⴰ ⵍⴽⴻⴱⵉⵔ. ⴷⴻⴳ ⵡⴰⵙⵙ-ⵏⵏⵉ, ⵙⵙⴻⵔⵙⴻⵏ ⴰⵛⴻⵏⵢⴰⵍ ⵏ ⵜⵎⵓⵔⵜ ⵏ ⴱⴻⵔⵔⴰ ⵢⴻⵔⵏⴰ ⵙⵙⴰⵍⵉⵏ ⴰⵛⴻⵏⵢⴰⵍ ⴰⵖⴻⵍⵏⴰⵡ ⵉ ⵡⴰⴽⴽⴻⵏ ⴰⴷ ⵜⴻⴽⴼⵓ ⵜⴷⵓⴳⴰⵎⵜ ⵏ ⵜⵎⵓⵔⵜ ⵖⴻⴼ ⵎⴰⵕⵕⴰ ⴰⴽⴰⵍ-ⵉⵙ.
ⴰⵏⴻⴱⴷⴰⴷ ⵏ ⵜⵎⴰⵏⵓⵜ ⵏ ⵍⵎⴻⵔⵙⴰ ⵍⴽⴻⴱⵉⵔ ⵢⴻⵏⵏⴰ-ⴷ ⴱⴻⵍⵍⵉ ⴰⵙⵎⴻⴽⵜⵉ ⵏ ⵡⴰⵙⵙ-ⴰⴳⵉ ⵢⴻⵜⵜⴰⴽⴽ ⵜⴰⴳⴰⵍⵍⵉⵜ ⵖⴻⴼ ⵓⴱⵔⵉⴷ ⵏ ⵢⵉⵎⴳⴰⵔⵓⵜⴻⵏ (ⵉⵛⵎⵉⵔⴻⵏ) ⴷ ⵓⵃⴰⴷⴰⵔ ⵏ ⵢⵉⵔⵉ ⵏ ⵍⴻⴱⵃⴻⵔ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵉⴳⴳⴰⵍⵉⵏ ⵏ ⵍⴻⴱⵃⴻⵔ ⴹⴻⵎⵎⵏⴻⵏⵜ ⵍⴰⵎⴰⵏ ⵏ ⵜⵎⵓⵔⵜ ⴷ ⵓⵃⴰⴷⴰⵔ ⵏ ⵢⵉⵣⴻⵔⴼⴰⵏ ⵉⵖⴻⵍⵏⴰⵡⴻⵏ ⴷⴻⴳ ⵡⴰⵎⴰⵏ.
ⵡⵓⵙⵙⴰⵏ-ⴰⴳⵉ ⵢⴻⵍⴷⴰⵏ ⴰⴷ ⴷⴷⵓⵏ ⵙⵉⵏ ⵓⵙⵙⴰⵏ. ⵢⴻⵍⵍⴰ-ⴷ ⵓⵙⴽⴻⵏ ⵏ ⵢⵉⵡⴻⵏ ⵓⴼⵉⵍⵎ ⵏ ⵜⵉⴷⴻⵜ ⵖⴻⴼ ⵍⴻⵇⴷⵉⵛ ⵏ ⵜⴳⴳⴰⵍⵉⵏ ⵏ ⵍⴻⴱⵃⴻⵔ ⴷ ⵡⴰⵎⴻⴽ ⵡⴻⵊⵊⴷⴻⵏⵜ ⴰⴷ ⵃⴰⴷⵔⴻⵏⵜ ⵜⴰⵎⵓⵔⵜ. ⴷ ⵜⴰⴳⵏⵉⵜ ⴷⴰⵖⴻⵏ ⵉ ⵢⵉⵍⵎⴻⵣⵢⴻⵏ ⵉ ⵢⴻⴱⵯⴰⵏ ⴰⴷ ⴽⵛⴻⵎⴻⵏ ⵖⴻⵔ ⵍⵄⴻⵙⴽⴻⵔ ⵏ ⵍⴻⴱⵃⴻⵔ ⵉ ⵡⴰⴽⴽⴻⵏ ⴰⴷ ⵇⴷⴻⵛⴻⵏ ⵜⴰⵎⵓⵔⵜ-ⵏⵙⴻⵏ. ⵢⴻⵍⵍⴰ ⴷⴰⵖⴻⵏ ⵢⵉⵡⴻⵏ ⵡⴰⵏⵏⴰⵔ ⵏ ⵢⵉⴼⴻⵙⵔⴻⵏ ⵉ ⴷ-ⵢⴻⵙⴽⴰⵏⴰⵢⴻⵏ ⴰⵍⵍⴰⵍⴻⵏ ⵉⵎⴰⵢⵏⵓⵜⴻⵏ ⵏ ⵓⵃⴰⴷⴰⵔ ⵏ ⵍⴻⴱⵃⴻⵔ.
