ⵡⴰⵔⵣⵉⵡ (ⵡⴻⵀⵔⴰⵏ) – ⵢⴻⵙⵙⴻⵍⵡⴰⵢ ⵓⵎⴻⵣⵡⴰⵔⵓ ⵏ ⵢⵉⴻⵖⵍⴰⴼⴻⵏ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ, ⴰⵍⴷⴰⵢ ⵓⵏⵚⵉⴱ ⵏ ⵡⴰⵙⵉⵔⴰ (ⴰⵙⵉⵔⴰ) ⴰⵎⴰⵢⵏⵓ ⵏ ⵜⵏⴻⴱⴷⴰⴷⵜ ⵜⴰⴷⵉⴳⴰⵏⵜ ⵏ ⵜⴻⵎⵏⴰⴹⵜ ⵜⴰⵎⴻⴳⵓⵔⴰⵏⵜ ⵏ ⵡⴰⵔⵣⵉⵡ. ⴰⵙⵉⵔⴰ-ⴰⴳⵉ ⵢⴻⵇⵇⵏⴻⵏ ⵖⴻⵔ ⵎⵎⵓⵊⵎⵎⵓⵄ ⵏ "ⵙⵓⵏⴰⵟⵔⴰⴽ", ⵢⴻⵍⴷⴰ-ⴷ ⵜⵉⴱⴱⵓⵔⴰ-ⵉⵙ ⴷⴻⴳ ⵡⴰⵏⵏⴰⵔ ⵏ ⵓⵙⵎⴻⴽⵜⵉ ⵡⵉⵙ 70 ⵏ ⵓⵙⴱⴻⴷⴷ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ ⴷ ⵓⵙⵎⴻⴽⵜⵉ ⵡⵉⵙ 55 ⵏ ⵓⵙⵓⵖⴰⵍ ⵏ ⵓⵥⴰⵔⵓ ⵖⴻⵔ ⵓⵡⴰⵏⴰⴽ (24 ⴼⵓⵔⴰⵔ).
ⵎⴰⵙⵙ ⵙⵉⴼⵉ ⵖⵔⵉⴱ ⴷ ⵜⵔⴰⴱⵄⵜ ⵉ ⴷ-ⵢⴻⴷⴷⴰⵏ ⵢⵉⴷ-ⵙ ⵡⴰⵍⴰⵏ ⵢⵉⵡⴻⵏ ⵓⵙⴻⴼⵔⴻⵯ ⵖⴻⴼ ⵢⵉⵙⵓⵔⴰ ⵏ ⵓⴱⴻⵏⵏⵉ ⵏ ⵓⵙⴻⵏⴼⴰⵔ-ⴰⴳⵉ ⵉⵊⴻⵀⴷⴻⵏ. ⴰⵙⵉⵔⴰ-ⴰⴳⵉ ⵢⴻⴱⵏⴰ ⵖⴻⴼ 29,000 ⵏ ⵢⵉⵎⵉⵜⵔⴻⵏ ⵉⵎⴱⴻⵢⵢⵏⴻⵏ, ⵢⴻⵣⵎⴻⵔ ⴰⴷ ⵢⴻⵇⴱⴻⵍ 260 ⵏ ⵢⵉⵅⴻⴷⴷⴰⵎⴻⵏ, ⵢⴻⵔⵏⴰ ⵢⴻⵙⵄⴰ 160 ⵏ ⵍⴱⵉⵕⵓⵡⴰⵜ, 14 ⵏ ⵜⵣⴻⵇⵇⴰ ⵏ ⵓⵎⵛⵉⵡⴰⵔ ⴷ ⵢⵉⵡⴻⵜ ⵏ ⵜⵣⴻⵇⵇⴰ ⵜⴰⵎⴻⵇⵇⵔⴰⵏⵜ ⵏ ⵢⵉⵙⴰⵔⴰⴳⴻⵏ ⵏ 150 ⵏ ⵢⵉⵎⴷⴰⵏⴻⵏ.
ⴰⵅⴰⵎ-ⴰⴳⵉ ⵢⴻⵜⵜⵓⵙⴻⴳⴳⴻⵎ ⵙ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴻⴳⵓⵔⴰⵏⵜ ⵢⴻⵛⵛⵓⵔⴻⵏ ⴷ ⵜⵜⴻⴽⵏⵓⵍⵓⵊⵢⴰ ⵏ ⵜⵓⵔⴰ. ⵢⴻⵜⵜⵓⵙⴻⵎⵎⴰ ⴷ ⴰⵅⴰⵎ "ⴰⵎⵓⵙⵏⴰⵡ" ⵉⵎⵉ ⵢⴻⵙⵄⴰ ⵡⴰⵍⴰⵜⴻⵏ ⵏ ⵓⵙⴻⴷⵎⴻⵔ ⴰⵏⴰⵎⵎⴰⵙ. ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵜⴰⵡⴻⵏⵏⴰⴹⵜ, ⵔⵔⴰⵏ-ⴰⵙ 320 ⵏ ⵜⴼⴰⵡⵉⵏ ⵏ ⵢⵉⵟⵉⵊ ⵉ ⵡⴰⴽⴽⴻⵏ ⴰⴷ ⵙⵏⴻⵇⵙⴻⵏ ⴰⵙⴻⵇⴷⴻⵛ ⵏ ⵜⵔⵉⴽⵉⵜ ⵙ 20 ⵏ ⵜⵎⵉⴹⵉ. ⵢⴻⵙⵄⴰ ⴷⴰⵖⴻⵏ ⴰⵎⵎⴰⵙ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ ⵉ ⵡⴰⴽⴽⴻⵏ ⴰⴷ ⵙⵙⴻⵡⵡⴻⵏ 4,500 ⵏ ⵢⵉⵎⵉⵜⵔⴻⵏ ⵏ ⵢⵉⵎⴽⴰⵏⴻⵏ ⵉⵣⴻⴳⵣⴰⵡⴻⵏ.
ⴰⵙⴻⵏⴼⴰⵔ-ⴰⴳⵉ ⵜⴻⴳⴳⴰ-ⵜ ⵜⵎⴻⵔⵙⴻⵍⵜ ⵜⴰⵖⴻⵍⵏⴰⵡⵜ ⵏ ⵓⴱⴻⵏⵏⵉ ⵙ ⵜⵎⵓⵙⵏⵉ ⴷ ⵜⵔⴻⵣⵡⴰ ⵜⴰⴷⵉⴳⴰⵏⵜ ⵏ ⵍⵣⵣⴰⵢⴻⵔ, ⵢⴻⵔⵏⴰ ⵢⴻⵇⵇⵉⵎ 27 ⵏ ⵢⵉⴳⴳⵓⵔⴻⵏ ⵏ ⵓⵎⴰⵀⵉⵍ ⵉ ⵡⴰⴽⴽⴻⵏ ⴰⴷ ⵢⴻⴼⴼⴻⵖ-ⴷ ⵙ ⵡⴰⴷⴷⴰⴷ-ⴰⴳⵉ ⵢⴻⵍⵀⴰⵏ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⴰⵎⴻⵣⵡⴰⵔⵓ ⵏ ⵢⵉⴻⵖⵍⴰⴼⴻⵏ ⵢⴻⵍⴷⴰ ⵓⵏⵚⵉⴱ ⵢⵉⵡⴻⵜ ⵏ ⵜⵣⴻⵇⵇⴰ ⵜⴰⵎⴻⵇⵇⵔⴰⵏⵜ ⴷⴻⴳ ⵎⵎⵓⵊⵎⵎⵓⵄ ⵏ ⵓⵙⴻⴳⴳⴻⵎ ⵏ ⵓⵥⴰⵔⵓ (CP1Z) ⴷⴻⴳ ⵡⴰⵔⵣⵉⵡ, ⵢⴻⵔⵏⴰ ⵢⴻⵡⵡⴻⵜ ⵜⵉⵟ ⵖⴻⴼ ⵍⴻⵇⴷⵉⵛ ⴰⵎⴰⵜⵓ ⵏ ⵜⴻⵎⵏⴰⴹⵜ ⵜⴰⵎⴻⴳⵓⵔⴰⵏⵜ.
ⴷⴷⴰⵏ ⴷ ⵓⵎⴻⵣⵡⴰⵔⵓ ⵏ ⵢⵉⴻⵖⵍⴰⴼⴻⵏ ⴷⴻⴳ ⵜⵓⵣⵣⵢⴰ-ⴰⴳⵉ: ⴰⵏⵖⵍⴰⴼ ⵎⵓⵃⴰⵎⴻⴷ ⴰⵔⴽⴰⴱ, ⵎⵓⵔⴰⴷ ⵄⴻⵊⵊⴰⵍ, ⵄⴻⴱⴷⵓⵍⴽⵔⵉⵎ ⴱⵓⵡⴰⵍⵣⴻⵔⴷ, ⵄⴻⴱⴷⵓⵍⴰⵇ ⵙⴰⵢⵃⵉ, ⴰⵏⴻⴱⴷⴰⴷ ⴰⵎⴰⵜⵓ ⵏ "ⵙⵓⵏⴰⵟⵔⴰⴽ" ⵏⵓⵔⴻⴷⴷⵉⵏ ⴷⴰⵡⴷⵉ, ⴷ ⵓⵎⴰⵔⴰ ⴰⵎⴰⵜⵓ ⵏ ⵜⴷⵓⴽⴽⵍⵉ ⵏ ⵢⵉⴻⴷⴷⴰⵎⴻⵏ ⴰⵄⵎⴰⵔ ⵜⴰⵇⵊⵓⵜ.
ⴰⵔⵏⵓ ⵖⴻⵔ
