ⵉⵎⵙⵓⵍⵜⴰ ⵏ ⵡⴻⵀⵔⴰⵏ ⵃⴻⴱⵙⴻⵏ ⵜⵉⴳⴳⴰⵡⵜ ⵏ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵢⵉⴹⵔⵓⵎⵎⴰⵏ ⵉ ⴷⴻⴳ ⵍⵍⴰⵏ 13 ⵏ ⵢⴻⵎⴷⴰⵏⴻⵏ, ⵍⵓⴽⴰⵏ ⴰⵟⴰⵙ ⴷⴻⴳ-ⵙⴻⵏ ⵍⵍⴰⵏ ⴷ ⵡⵉⴷ ⵢⴻⵜⵜⵓⵏⴰⴷⵉⵏ ⵙ ⵖⵓⵔ ⵍⵇⴰⵏⵓⵏ. ⴽⴽⵙⴻⵏ-ⴷ ⴷⴰⵖⴻⵏ ⵍⴻⵙⵍⴰⵃ ⵢⴻⵎⵅⴰⵍⴰⴼⴻⵏ ⵏ ⵢⴰⵍ ⵚⵚⴻⵏⴼ ⴷ ⵢⴰⵍ ⵍⵇⴻⴷⴷ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⵙⴻⴳ ⴷⴻⴼⴼⵉⵔ ⵏ ⵓⵏⴰⴷⵉ ⴷ ⵓⴱⴰⵇⴻⵔ ⵏ ⵢⵉⴱⵉⴷⵢⵓⵡⴻⵏ ⵉ ⴷ-ⵢⵓⵣⵔⴻⵏ ⴷⴻⴳ ⵜⵜⴰⵡⵉⵍⴰⵜ ⵏ ⵜⵓⵎⵏⴰⵢⵜ, ⵍⴰⴷⵖⴰ ⴷⴻⴳ "ⵜⵉⴽⵜⵓⴽ", ⵉ ⴷⴻⴳ ⵜⴱⴰⵏⴻⵏ ⵡⴰⵔⵔⴰⵛ ⵏ ⵜⴰⵔⴱⴰⵄⵜ-ⴰⴳⵉ ⴷ-ⵉⵜⵜⴰⴽⴽⴻⵏ ⵏⵏⵉⵢⴰ ⵏ ⵛⵛⵡⴰⵍ ⴷ ⵓⵎⴻⵏⵖⵉ ⴳⴻⵔ ⵢⵉⵎⴻⵣⴷⴰⵖ ⵉⵡⴰⴽⴽⴻⵏ ⴰⴷ ⴷ-ⵅⴻⵍⵇⴻⵏ ⵜⵓⴳⴷⵉ ⴷ ⵍⵅⵓⴼ.
ⵜⵉⴽⵍⵉ-ⵏⵙⴻⵏ ⴷⴻⴳ-ⵙ ⵓⵍⴰ ⴷ ⵜⴰⴽⴽⴻⵔⴹⴰ ⵏ ⵢⵉⵎⴻⵣⵢⴰⵏⴻⵏ ⵉⵡⴰⴽⴽⴻⵏ ⴰ ⵜⴻⵏ-ⵉⴷ-ⵙⵙⴻⴽⵏⵓⵏ ⵖⴻⵔ ⵜⴰⵔⴱⴰⵄⵜ, ⴷ ⵓⵙⵅⴻⵔⵔⴻⴷ ⵏ ⵜⵉⴽⵍⵉ, ⴷ ⵜⵏⴻⵣⵣⵓⵜ ⵏ ⵍⵎⵓⵅⴻⴷⴷⵉⵔⴰⵟ ⵉǧⴻⵀⴷⴻⵏ ⴷⴻⴳ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵔⵓⵎⵎⵉⵎⴻⵏ ⵉ ⵉⵇⴻⴷⴷⵛⴻⵏ ⵙ ⵓⴱⵔⵉⴷ ⵏ ⵓⵏⵉⴳ ⵏ ⵜⵉⵍⵉⵙⴰ, ⵔⵏⵓ ⵖⴻⵔ ⵡⴰⵢⴰ ⵍⵃⴻⵔⴳⴰ.
ⴰⵏⴰⴷⵉ ⵏ ⵓⵏⵏⴰⵔ ⴷ ⵜⵣⵉⴽⵏⵉⴽⵜ ⵏ ⵢⵉⵎⵙⵓⵍⵜⴰ ⵏ ⵜⴻⵖⴷⴻⵎⵜ ⵏ ⵡⴻⵀⵔⴰⵏ ⵢⴻⵊⵊⴰ-ⵜⴻⵏ ⴰⴷ ⴷ-ⴰⴼⴻⵏ ⵉⵙⵎⴰⵡⴻⵏ ⵏ ⵡⴰⵔⵔⴰⵛ-ⴰⴳⵉ, ⵓ ⵟⵟⴼⴻⵏ-ⵜⴻⵏ ⵢⵉⵡⴻⵏ ⵢⵉⵡⴻⵏ. ⵙⴻⴳ ⴷⴻⴼⴼⵉⵔ ⵏ ⵓⵇⴰⴷⴻⵔ ⵏ ⵍⵇⴰⵏⵓⵏ ⴷ ⵡⴰⴽⵉⵍ ⵏ ⵜⴻⴳⴷⵓⴷⴰ ⵏ ⵜⵎⴻⵇⵔⴻⴼⵜ ⵏ "ⴼⵍⴰⵓⵙⵙⴻⵏ", ⵟⵟⴼⴻⵏ 13 ⵏ ⵢⴻⵎⴷⴰⵏⴻⵏ-ⵏⵏⵉ ⵢⴻⵔⵏⴰ ⴽⴽⵙⴻⵏ 17 ⵏ ⵍⴻⵙⵍⴰⵃ ⴷ ⵙⵉⵏ ⵏ ⵢⵉⴹⴰⵏ ⵉǧⴻⵀⴷⴻⵏ (ⵎⴰⵍⵉⵏⵓⵉⵙ).
ⴽⴽⵙⴻⵏ-ⴷ ⴷⴰⵖⴻⵏ ⵙⵏⴰⵜ ⵏ ⵜⴽⴻⵔⵢⴰⵙ ⴷ ⵜⵎⴰⴼⵉⵔⵜ, ⵍⴱⴰⴱⵓⵕ ⵏ ⵍⵃⴻⵔⴳⴰ ⵏ 70 ⵏ ⵢⵉⴳⵎⴰⵔⴰⵏ, ⴷ ⵡⴰⵣⴰⵍ ⵏ 280.000 ⵏ ⴷⴷⵉⵏⴰⵜ. ⵡⵉⴷ ⵟⵟⴼⴻⵏ ⵡⵡⵉⵏ-ⵜⴻⵏ ⵖⴻⵔ ⵜⴻⵖⴷⴻⵎⵜ, ⴰⵏⴰⵏⴷⴰ ⴼⴽⴰⵏ ⵍⴰⵎⴻⵔ ⵉⵡⴰⴽⴽⴻⵏ ⴰⴷ ⴷ-ⵇⵇⵉⵎⴻⵏ ⴷⴻⴳ ⵍⵃⴻⴱⵙ.
ⴰⵔⵏⵓ ⵖⴻⵔ
