ⵍⴻⵣⵣⴰⵢⴻⵔ - ⴷⴻⴳ ⵓⵟⵟⵓⵏ ⴰⵏⴻⴳⴳⴰⵔⵓ ⵏ ⵓⵖⵎⵉⵙ ⵓⵏⵚⵉⴱ, ⵢⴻⴼⴼⴻⵖ-ⴷ ⵍⴰⵎⴻⵔ ⵏ ⵓⵙⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⴰⴷ ⴷ-ⵢⴻⵏⵏⵓⵍⴼⵓ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵣⴻⵖⵍⴻⵍⵍⴻⴼ, ⵙ ⵜⴰⵔⵔⴰⵢⵜ ⵏ ⵓⵅⴻⴷⴷⵉⵎ-ⵉⵙ ⴷ ⵡⴰⵎⴻⴽ ⴰⵔⴰ ⴷ-ⵢⵉⵍⵉ ⵓⵙⵙⴻⴳⴳⴻⵎ-ⵉⵙ.
ⴰⵙⴱⴻⴷⴷⵉ ⵏ ⵡⴰⵎⵎⴰⵙ-ⴰⴳⵉ ⵢⴻⵍⵍⴰ-ⴷ ⵙ ⵍⵡⴻⵔⵔⴻⵟ ⵏ ⵓⵙⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵉ ⴷ-ⵢⴻⴼⴽⴰⵏ ⵍⵓⵎⵓⵕⴰⵜ ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴰⵍⵍⴰⵍⵜ ⴷ ⵓⵃⴰⴷⴻⵔ ⵏ ⵡⵉⴷ ⵉⵃⵓⵣⴰ ⵓⵣⴻⵖⵍⴻⵍⵍⴻⴼ. ⴰⵎⵎⴰⵙ-ⴰⴳⵉ ⴰⴷ ⵢⵉⵍⵉ ⴷⴷⴰⵡ ⵍⵄⵏⴰⵢⴰ ⵏ ⵜⵏⴻⵖⵍⴰⴼⵜ ⵏ ⵜⴰⵍⵍⴰⵍⵜ ⵜⴰⵖⴻⵍⵏⴰⵡⵜ, ⵜⴰⵡⴰⵛⵓⵍⵜ ⴷ ⵜⴻⵎⵙⴰⵍ ⵏ ⵜⵎⴻⵟⵟⵓⵜ.
ⴳⴰⵔ ⵢⵉⵎⴻⵀⵍⴰⵏ ⵏ ⵡⴰⵎⵎⴰⵙ-ⴰⴳⵉ:
- ⴰⵙⵙⴻⴳⴳⴻⵎ ⵏ ⵍⴻⴱⵡⴰⴱⴻⵍ ⵏ ⵓⵙⴻⵍⵎⴻⴷ ⴷ ⵓⵙⵙⴻⴼⵔⴻⵊ ⵏ ⵡⵉⴷ ⵉⵃⵓⵣⴰ ⵡⴰⵟⵟⴰⵏ-ⴰⴳⵉ ⴷⴻⴳ ⵜⵎⵓⵔⵜ.
- ⴰⵙⴱⴻⴳⴳⴻⵏ ⵏ ⵣⵉⴽ ⴷ ⵓⵙⴻⵊⵊⵉ ⵏ ⵡⵉⴷ ⵉⵃⵓⵣⴰ ⵓⵣⴻⵖⵍⴻⵍⵍⴻⴼ.
- ⴰⵙⴱⴻⴷⴷⵉ ⵏ ⵜⴰⵔⵔⴰⵢⵜ ⵏ ⵓⵙⴻⵍⵎⴻⴷ ⵉ ⵢⵉⵅⴻⴷⴷⴰⵢⴻⵏ ⵏ ⵓⵏⵔⴰⵔ-ⴰⴳⵉ ⴷ ⵢⵉⵎⴰⵡⵍⴰⵏ ⵏ ⵡⴰⵔⵔⴰⵛ.
- ⴰⵙⵙⴻⴼⵜⵉ ⴷ ⵜⵜⴻⴱⵄⴰ ⵏ ⵓⵙⴻⵏⴼⴰⵔ ⴰⵖⴻⵍⵏⴰⵡ ⵏ ⵓⵣⴻⵖⵍⴻⵍⵍⴻⴼ ⵉ ⵢⴻⵇⴱⴻⵍ ⵓⵙⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵢⵓⵏⵢⵓ 2025.
ⴰⵎⵎⴰⵙ-ⴰⴳⵉ, ⴰⵔⴰ ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⴷ ⴷ-ⵢⴻⵔⵏⵓ ⴰⵣⴰⵍ ⴷ ⴰⵎⴻⵇⵇⵔⴰⵏ ⴷⴻⴳ ⵓⵙⴻⵊⵊⵉ ⵏ ⵡⵉⴷ ⵉⵃⵓⵣⴰ ⵓⵣⴻⵖⵍⴻⵍⵍⴻⴼ. ⴰⴷ ⴷ-ⴹⴻⴼⵔⴻⵏ ⴷⴰⵖⴻⵏ ⵡⴰⵎⵎⴰⵙⴻⵏ ⵏⵏⵉⴹⴻⵏ ⴷⴻⴳ ⵜⵎⴻⵏⵏⴰⴹⵉⵏ ⵏ ⵜⵎⵓⵔⵜ, ⵉⵡⴰⴽⴽⴻⵏ ⴰⴷ ⵜⵉⵍⵉ ⵜⴰⵍⵍⴰⵍⵜ ⴷⴻⴳ ⵢⴰⵍ ⵜⴰⵎⴰ ⵏ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
