ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵎⴰⵙⵙ ⴰⵣoⵓⵣ ⵏⴰⵙⵔⵉ ⵢⴻⵔⵎⴻⵙ, ⴰⵙⵙ ⵏ ⵓⵙⵉⵏⴰⵙ, ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵡⴰⵎⵏⵉⵢⴻⵏ ⵉⵎⴰⵙⵍⴰⴹⴻⵏ ⵏ ⵓⵎⵏⵉ ⵏ ⵢⵉⴳⴻⵔⴷⴰⵏ ⵉⴷⵣⴰⵢⵔⵉⵢⴻⵏ, ⵉⵣⵓⵍ ⴰⵙⵡⵉⵔ-ⵏⵙⴻⵏ ⴰⴽⴽⴻⴷ ⵜⴻⴼⵔⵉⵜ-ⵏⵙⴻⵏ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵜⴻⵅⵅⴰⵎⵜ ⵜⵓⵏⵏⵉⴳⵜ ⵏ ⵓⵎⵏⵉ.
ⵢⴻⵎⵎⴻⵙⵍⴰⵢ-ⴷ ⴷⴻⴳ ⵜⵍⴰⵎⵎⵉⵥⵜ-ⴰ, ⵢⴻⵣⵣⵉⵔⴻⴳ-ⴷ ⵎⴰⵙⵙ ⵏⴰⵙⵔⵉ ⵖⴻⴼ ⵜⵉⵅⵅⵓⵜⴻⵔⵜ ⵏ ⵜⵙⵓⴷⵓⵜ-ⴰ ⵜⴰⵙⵉⴹⴼⴰⵏⵜ ⵢⴻⵍⵍⴰⵏ ⴷ ⵢⵉⵡⴻⵜ ⵏ ⵜⴻⵔⵎⵉⵜ ⵜⴰⵙⵓⵔⴼⴰⵏⵜ ⴷⴻⴼ ⵜⵎⴻⴷⴷⵓⵔⵜ ⵏ ⵢⵉⵇⵛⵉⵛⴻⵏ ⴰⴽⴽⴻⴷ ⵜⴻⵇⵛⵉⵛⵉⵏ » ⵉⵣⵓⵍ « ⴰⵙⵡⵉⵔ ⵏ ⵜⴻⴼⵔⵉⵜ-ⵏⵙⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵏ ⵜⵎⴻⵜⵜⵉ ⵙ ⵓⵎⴰⵜⴰ ⴰⴽⴽⴻⴷ ⵜⵉⴷ ⵉⵛⵓⴷⴷⴻⵏ ⵖⴻⵔ ⵜⴳⴻⵔⴷⴰ ⴰⴽⴽⴻⴷ ⵜⵉⵍⵍⵓⵎⵥⴰ », ⵉ ⴷ-ⵢⴻⵙⵙⴻⴷⴷⵉ ⵓⵖⴱⴰⵍⵓ-ⵏⵏⵉ.
ⵉⵍⵎⴻⵏⴷ ⵏ ⵡⴰⵢⴰ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⵢⴻⵏⵏⴰ-ⴷ ⴷⴰⴽⴽⴻⵏ “ⴰⵢⴻⵏ ⵉ ⵡⴰⵍⴰ ⴷⴻⴳ ⵜⴻⴳⵔⴰⵡⵜ-ⴰ ⵢⴻⵙⵙⴰⵡⴻⴹ-ⵉⵢⵉ ⴰⴷ ⵉⵏⵉⵖ ⴷⵣⴰⵢⴻⵔ ⵜⵓⵔⴰ ⵜⴻⴷⴷⵓⵔⵉ”, ⵢⴻⵖⵔⴰ-ⴷ ⵉ ⵢⵉⵡⴰⵎⵏⵉⵢⴻⵏ ⵉⵍⴻⵎⵥⵉⵢⴻⵏ ⴰⴽⴽⴻⵏ « ⴰⴷ ⵟⵟⴼⴻⵏ ⴷⴻⴳ ⵢⵉⵎⴻⵏⵣⴰⵢⴻⵏ ⵏ ⵢⵉⵣⴻⵏ ⵏ ⵡⴰⵎⴱⴻⵔ, ⴰⴷ ⵣⵓⵅⴻⵏ ⵙ ⵜⵎⵓⵔⵜ-ⵏⵙⴻⵏ ⴰⴽⴽⴻⴷ ⵡⴰⵢⴻⵏ ⴳⴰⵏ ⵍⴻⵊⴷⵓⴷ-ⵏⵙⴻⵏ, ⴰⴽⴽⴻⵏ ⴰⴷ ⴱⵏⵓⵏ ⵉⵎⴰⵍ ⵏ ⴷⵣⴰⵢⴻⵔ, ⵜⵉⵏ ⵉ ⵡⵓⵎⵉ ⵉⵙⴻⵔⵙ ⵍⵙⴰⵙ-ⵉⵙ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ ».
« ⵉⵎⴰⵙⵍⴰⴹⴻⵏ ⵏ ⵓⵎⵏⵉ ⵏ ⵢⵉⴳⴻⵔⴷⴰⵏ ⵉⴷⵣⴰⵢⵔⵉⵢⴻⵏ ⴳⴰⵏ ⵢⵉⵡⴻⵜ ⵏ ⵜⵉⵔⵣⵉ ⵖⴻⵔ ⵜⴻⵙⵖⵉⵎⵜ ⵏ ⵓⵙⴻⵇⵇⴰⵎⵓ, ⴰⵏⴷⴰ ⵉ ⵔⵣⴰⵏ ⵖⴻⴼ ⵡⴰⴽⴽ ⵜⵉⵍⵍⵓⵏⵉⵏ-ⵉⵙ ⴰⴽⴽⴻⴷ ⵜⴻⵎⵚⵓⴽⵉⵏ ⵙⵙⴻⴳⵣⴰⵏ-ⴰⵙⴻⵏ-ⴷ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵣⵔⵓⵢ, ⴰⵙⵉⵙⴳⴻⵔ, ⵜⵓⵖⴷⴰⴹⵉⵏ ⴰⴽⴽⴻⴷ ⵜⴻⵎⵍⵉⵍⵜ ⵏ ⵜⵙⵓⴷⵓⵜ-ⴰ ⵜⴰⵎⴻⵏⴹⴰⵡⴰⵏⵜ ⵜⴰⵅⴰⵜⴰⵔⴻⵜ », ⵉ ⴷ-ⵉⵙⴻⴳⵔⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
