ⵢⴻⵔⵎⴻⵙ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⴰⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵎⴰⵙⵙ ⴰⴱⴷⴻⵍⵀⴰⴽ ⵙⴰⵉⵀⵉ, ⴷⴻⴳ ⵢⵉⵡⴻⵜ ⵏ ⵜⴱⴻⴷⴷⵉ, ⵜⴰⵏⴻⵖⵍⴰⴼⵜ ⵏ ⵓⵡⴰⵏⴰⴽ ⵏ ⵜⴻⵖⴱⵓⵍⴰ ⵜⵉⵍⵙⴰⵏⵉⵏ ⴷ ⵓⵎⴻⵙⵜⴻⵏ ⴰⵏⵎⴻⵜⵜⵉ ⵏ ⵜⴻⴳⴷⵓⴷⴰ ⵏ ⵙⵓⴷⴰⵏ, ⵎⴰⵙⵙⴰ ⵙⵓⵍⴰⵉⵎⴰ ⵉⵙⵀⴰⵇ ⵎⵓⵀⴰⵎⴻⴷ ⴰⵍ-ⴽⵀⴰⵍⵉⴼⴰ, ⵢⴻⵔⵏⵓ ⵡⴰ ⴷ ⴰⵎⵢⴰⴳⴻⵔ ⵎⴰⵏⵉ ⴷ-ⵡⴻⴽⴽⴷⴻⵏ ⵖⴻⴼ ⵜⴹⵓⵍⵍⵉⵜ ⵏ ⵓⵙⴷⵓⵙⵓ ⵏ ⵓⵏⵎⵉⵔⴻⴳ ⴷⴻⴳ ⵜⵖⵓⵍⴰ ⵏ ⵓⵎⴰⵀⵉⵍ ⴷ ⵓⵎⴻⵙⵜⴻⵏ ⴰⵏⵎⴻⵜⵜⵉ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ, ⴰⵙⵙ ⵏ ⵓⵙⵉⴹⵢⴰⵙ, ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⴷⴻⴳ ⵓⵎⵢⴰⴳⴻⵔ-ⴰ, ⴷ-ⵢⴻⵍⵍⴰⵏ ⴷⴻⴳ ⵜⴻⵙⵖⵉⵎⵜ ⵏ ⵓⵖⵍⵉⴼ, ⵙ ⵜⵉⵀⴰⵡⵜ ⵏ ⵓⵏⵎⴰⵣⴰⵍ ⵏ ⵙⵓⴷⴰⵏ ⴷⴻⴳ ⴷⵣⴰⵢⴻⵔ ⴷ ⵢⵉⴽⴰⵜⴰⵔⴻⵏ ⵏ ⵙⵉⵏ-ⴰ ⵏ ⵢⵉⴷⵉⵙⴰⵏ, ⵢⴻⵙⵙⴰⵡⴻⵍ-ⴷ ⵎⴰⵙⵙ ⵙⴰⵉⵀⵉ ⵖⴻⴼ « ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ ⵉⴷⵓⵙⴰⵏⴻⵏ ⴳⴰⵔ ⴷⵣⴰⵢⴻⵔ ⴷ ⵙⵓⴷⴰⵏ », ⵢⴻⵔⵏⵓ ⵢⴻⵣⵣⵉⵔⴻⴳ-ⴷ ⵖⴻⴼ « ⵜⵉⵅⵅⵓⵜⴻⵔⵜ ⵏ ⵓⵙⵎⴰⵍ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⵙ ⵓⴱⵍⴰⴳ ⴷ ⴰⵎⵙⴻⴽⵔⴰⵏ ⵢⴻⵔⵏⵓ ⴷ ⴰⵎⴻⵍⵍⵉⵍ ⴰⵔⴰ ⴷ-ⵢⴻⴳⵍⵓⵏ ⵙ ⵓⴱⴰⵖⵓⵔ ⴷ ⴰⵎⵢⴰⵖ ⵉ ⵙⵏⴰⵜ-ⴰ ⵏ ⵜⵎⵓⵔⴰ ».
ⵢⴻⴱⴷⴻⵔ-ⴷ ⴷⴰⵖ ⵓⵏⴻⵖⵍⴰⴼ « ⵓⵙⵙⵉⵙⴻⵏ ⵉ ⵜⴳⴰ ⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵎⵖⴻⵔ ⵏ ⵓⵏⴰⴳⵔⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵓⵥⵓ ⵏ ⵢⵉⵎⴻⵏⵣⴰⵢⴻⵏ ⵏ ⵓⴷⵉⵡⴻⵏⵏⵉ ⴰⵏⵎⴻⵜⵜⵉ ⵢⴻⵍⵍⴰⵏ ⴷ ⴰⴼⵔⴰⵏ ⴰⵙⵏⵓⴷⴷⵙⴰⵏ, ⴷ ⵓⵣⴻⴷⴷⵉ ⵏ ⵜⴻⵎⵢⴰⴷⴰⵙⵜ ⵜⴰⵎⴰⴽⴽⵉⵜ ⵉⵙⵡⵉ-ⵏⵏⴻⵙ ⴷ ⴰⵙⴷⵓⵙⵓ ⵏ ⵢⵉⵣⴻⵔⴼⴰⵏ ⵉⵏⵎⴻⵜⵜⵉⵢⴻⵏ-ⵉⴷⴰⵎⵙⴰⵏⴻⵏ ⵏ ⵢⵉⵎⴰⵀⴰⵍⴻⵏ, ⴷ ⵓⵙⵎⴰⵍ ⵏ ⵓⵎⴰⵀⵉⵍ ⴷ ⴰⵏⴻⵙⵎⴰⵙ ⵖⴻⴼ ⵍⴻⵃⵙⴰⴱ ⵏ ⵜⴻⴳⵏⴰ ⵜⵉⴳⵔⴰⵖⵍⴰⵏⵉⵏ ⵜⴻⵙⵎⴻⵎⵎⵉ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵓⵎⴰⵀⵉⵍ.
ⵉⵍⵎⴻⵏⴷ ⵏ ⵡⴰⵢⴰ, ⵢⴻⵙⵎⴻⴽⵜⵉ-ⴷ ⵙ “ⵜⴻⵙⵎⴻⵙⴽⴰⵍ ⵢⴻⵎⴳⵉⵔⵔⴷⴻⵏ ⵉ ⵜⴳⴰ ⴷⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵜⵔⴻⵔ ⵏ ⵢⵉⵏⴰⴳⵔⴰⵡⴻⵏ ⵏ ⵓⵎⴻⵙⵜⴻⵏ ⴰⵏⵎⴻⵜⵜⵉ, ⴰⴷⵀⴰⵍ ⵏ ⵓⵕⵎⴰⵙ ⴷⴻⴳ ⵓⴽⴰⵜⴰⵔ ⵏ ⵜⴻⵖⴷⴻⵎⵜ ⵜⴰⵏⵎⴻⵜⵜⵉⵜ ⴷ ⵜⴳⴰⴷⴷⴰ ⵏ ⵜⵍⴻⵎⵎⵉⵥⵉⵏ, ⴰⵙⴼⵓⴽⵜⵉ ⴷⴻⴳ ⵢⵉⵀⵔⵉ ⴰⵍⵙⴰⵏ ⴷ ⵓⵙⴻⴱⵖⴻⵙ ⵏ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⴰⴷⴼⴻⵏ ⵖⴻⵔ ⵡⵓⵍⵣⵓⵣ ⵏ ⵓⵎⴰⵀⵉⵍ ⵙ ⵜⵙⴻⵎⵙⴻⴷⴷⴰ ⴷ ⵢⵉⵎⴻⵜⵡⵉⵢⴻⵏ ⵢⴻⵎⴳⵉⵔⵔⴷⴻⵏ ».
ⵙⴻⴳ ⵢⵉⴷⵉⵙ-ⵏⵏⴻⵙ, ⵜⵓⵎⴻⵍ-ⴷ ⵜⵏⴻⵖⵍⴰⴼⵜ ⵜⴰⵙⵓⴷⴰⵏⵉⵜ “ⵜⴰⵔⵎⵉⵜ ⵜⴰⴷⵣⴰⵢⵔⵉⵜ” ⵢⴻⵔⵏⵓ ⵜⴻⵙⵙⴻⵏⴼⴰⵍⵉ-ⴷ “ⴰⵏⴻⴽⵏⵉ ⵉ ⵜⴻⵜⵜⴰⴼⴽ ⵜⵎⵓⵔⵜ-ⵏⵏⴻⵙ ⵉ ⵓⵙⴼⴰⵢⴷⵉ ⵙⴻⴳ ⵜⵎⵓⵣⴰⵢⵜ ⵜⴰⴷⵣⴰⵢⵔⵉⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵉⵍⴻⵖ ⵏ ⵜⴻⵖⴱⵓⵍⴰ ⵜⵉⵍⵙⴰⵏⵉⵏ ⵜⵉⵙⵓⴷⴰⵏⵉⵢⵉⵏ ⴷⴻⴳ ⵜⵖⵓⵍⴰ ⵏ ⵢⵉⴷⵍⴻⵙ ⴰⵎⴻⵙⵡⵓⵔⵉ ⴷ ⵜⵖⴻⵍⵍⵉⵙⵜ ⴷⴻⴳ ⵓⵎⴰⵀⵉⵍ », ⵢⴻⵔⵏⵓ ⵜⴻⴱⴷⴻⵔ-ⴷ ⵓⵍⴰ ⴷ ⵏⴻⵜⵜⴰⵜ « ⴰⴽⴰⵜⴻⵏ ⵜⴻⴷⴷⴻⵎ ⵙⵓⴷⴰⵏ ⴰⴽⴽⴻⵏ ⴰⴷ ⵜⴻⵃⵔⴻⵣ ⴰⵏⵣⴰⴳ ⵏ ⵓⵏⴰⴳⵔⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ », ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵓⵍⵖⵓ-ⴰ.
ⵉⵍⵎⴻⵏⴷ ⵏ ⵡⴰⵢⴰ, ⵙⵙⴻⵏⴼⴰⵍⵉⵏ-ⴷ ⵙⵉⵏ-ⴰ ⵏ ⵢⵉⵏⴻⵖⵍⴰⴼⴻⵏ “ⵜⵉⵎⴻⵖⵙⵉⵡⵜ ⵜⵓⴱⵍⵉⴳⵜ ⵏ ⵓⵙⵓⴳⴳⴻⵜ ⵏ ⵓⵏⵎⵉⵔⴻⴳ ⵙ ⵓⵙⴻⵔⵎⴻⴷ ⵏ ⵜⵙⴻⵎⵙⴻⴷⴷⴰ ⵏ ⵓⵙⴻⵎⵢⵓⴷⴷⴻⵙ ⴰⵜⵡⵉⵍⴰⵏ ⴷ ⵓⵎⵙⴻⵏⴼⴰⵍ ⵏ ⵜⵎⵓⵣⴰⵢⵉⵏ ⴷ ⵜⴻⵔⵎⵉⵜⵉⵏ ⵜⵉⵎⴰⵔⴰⵙⵉⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴷ ⵓⵙⵎⴰⵍ ⵏ ⵓⴷⵉⵡⴻⵏⵏⵉ ⴰⵏⵎⴻⵜⵜⵉ, ⵉⵍⵎⴻⵏⴷ ⵏ ⵓⵙⴷⵓⵙⵓ ⵏ ⵜⵍⴻⵎⵎⵉⵥⵉⵏ ⵏ ⵓⵏⴻⴳⵎⵓ ⴰⵏⵎⴻⵜⵜⵉ-ⴰⴷⴰⵎⵙⴰⵏ ⴷⴻⴳ ⵙⵏⴰⵜ-ⴰ ⵏ ⵜⵎⵓⵔⴰ ».
ⵉ ⵓⵙⵎⴻⴽⵜⵉ, ⴰⵎⵢⴰⴳⴻⵔ-ⴰ ⴷ ⵡⵉⵏ ⵎⴰⵏⵉ “ⵎⵙⴻⵏⴼⴰⵍⴻⵏ ⵜⵉⵎⵓⵖⵍⵉⵡⵉⵏ ⵖⴻⴼ ⵡⴰⵎⵎⴰⴽⴻⵏ ⵏ ⵓⵙⴷⵓⵙⵓ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⴷⴻⴳ ⵜⵖⵓⵍⴰ ⵏ ⵓⵎⴰⵀⵉⵍ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵉ ⵓⴱⴰⵖⵓⵔ ⵏ ⵢⵉⵖⴻⵔⴼⴰⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⴷ ⵡⴰⵍⵍⵓⵙ ⵏ ⵓⵡⴻⴽⴽⴻⴷ ⵏ ⵢⵉⵙⴻⵖⵡⴰⵏ ⵉⵎⴻⵣⵔⵓⵢⴰⵏⴻⵏ ⵉⵍⵇⴰⵢⴰⵏⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⵜⵜ-ⵉⴷ-ⵢⴻⵅⵜⴻⵎ ⵓⵍⵖⵓ-ⴰ.
ⴰⵔⵏⵓ ⵖⴻⵔ
