ⵢⴻⵙⵉⴳⴳ ⵓⵊⵉⵏⵉⵕⴰⵍ ⵙⴰⵉⴷ ⵛⵀⴻⵏⴳⵔⵉⵀⴰ ⴰⵥⵓⵏⵥⵓ ⵏ ⵜⴻⵎⵚⵓⴽⵉⵏ ⵜⵉⴷⴰⵡⵙⴰⵏⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵜⴻⵎⵏⴰⴹⵜ ⵜⴰⵔⴻⴷⵙⴰⵏⵜ ⵜⴰⵎⴻⵣⵡⴰⵔⵓⵜ

ⵢⴻⵙⵉⴳⴳ ⵓⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵖⴻⵔ ⵓⵏⴻⵖⵍⴰⴼ ⵏ ⵓⵎⵣⴰⵖ ⵜⴰⵖⴻⵍⵏⴰⵡⵜ ⴷ ⵓⵖⴻⵍⵍⴰ ⵏ ⵢⵉⴼⴻⵙⵢⴰⵏⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵊⵉⵏⵉⵕⴰⵍ ⵙⴰⵉⴷ ⵛⵀⴻⵏⴳⵔⵉⵀⴰ, ⴰⵙⵙ ⵏ ⵓⵙⵉⴹⵢⴰⵙ (ⵙⵙⴻⴱⵜ), ⵜⵉⴼⵓⴳⵍⵉⵡⵉⵏ ⵏ ⵓⵥⵓⵏⵥⵓ ⵜⴻⵎⵚⵓⴽⵉⵏ ⵜⵉⵎⴰⵢⵏⵓⵜⵉⵏ ⵜⵉⴷⴰⵡⵙⴰⵏⵉⵏ ⴷⴻⴳ ⵜⴻⵎⵏⴰⴹⵜ ⵜⴰⵔⴻⴷⵙⴰⵏⵜ ⵜⴰⵎⴻⵣⵡⴰⵔⵓⵜ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵓⵎⵥⴰⵖ ⴰⵖⴻⵍⵏⴰⵡ.

ⵢⴻⵙⵙⴻⴳⵣⴰ-ⴷ ⵓⵖⴱⴰⵍⵓ-ⴰ ⴷⴰⴽⴽⴻⵏ « ⵉⵍⵎⴻⵏⴷ ⵏ ⵓⴽⴻⵎⵎⴻⵍ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 71 ⵏ ⵜⴻⴳⵔⴰⵡⵍⴰ ⵏ ⵡⴰⵎⴱⴻⵔ ⵜⴰⵎⴰⵏⴳⴰⵏⵜ, ⵢⴻⵙⵉⴳⴳ ⵓⵊⵉⵏⵉⵕⴰⵍ ⵙⴰⵉⴷ ⵛⵀⴻⵏⴳⵔⵉⵀⴰ, ⴰⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵖⴻⵔ ⵓⵏⴻⵖⵍⴰⴼ ⵏ ⵓⵎⵥⴰⵖ ⴰⵖⴻⵍⵏⴰⵡ ⴷ ⵓⵖⴻⵍⵍⴰ ⵏ ⵓⵎⴰⴷⴷⴰⴷ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵓⵙⵉⴹⵢⴰⵙ (ⵙⵙⴻⴱⵜ) 11 ⵡⴰⵎⴱⴻⵔ 2025, ⵜⴰⴼⵓⴳⵍⴰ ⵏ ⵓⵥⵓⵏⵥⵓ ⵏ ⵜⴻⵎⵚⵓⴽⵉⵏ ⵜⵉⴷⴰⵡⵙⴰⵏⵉⵏ ⵜⵉⵎⴰⵢⵏⵓⵜⵉⵏ, ⴷⴻⴳ ⵜⴻⵎⵏⴰⴹⵜ ⵜⴰⵔⴻⴷⵙⴰⵏⵜ ⵜⴰⵎⴻⵣⵡⴰⵔⵓⵜ.

ⵜⴰⵣⵡⴰⵔⴰ ⵜⴻⵍⵍⴰ-ⴷ ⴷⴻⴳ ⵓⵙⴻⴳⵏⴰⴼ ⴰⵔⴻⴷⵙⴰⵏ ⴰⵍⴻⵎⵎⴰⵙ ⵏ ⴰⵉⵏ ⵏⴰⴰⴷⵊⴰ, ⵎⴰⵏⵉ ⵉ ⵢⴻⴹⴼⴻⵔ ⵎⴰⵙⵙ ⴰⵊⵉⵏⵉⵕⴰⵍ ⴷⴻⴼⴼⵉⵔ ⵏ ⵜⴼⵓⴳⵍⵉⵡⵉⵏ ⵏ ⵓⵔⵎⴰⵙ ⵉ ⴷ-ⵢⴻⵍⵍⴰⵏ ⵙⵖⵓⵔ ⵓⵎⴻⵏⵥⴰⴹ ⵏ ⵜⴻⵎⵏⴰⴹⵜ ⵜⴰⵔⴻⴷⵙⴰⵏⵜ ⵜⴰⵎⴻⵣⵡⴰⵔⵓⵜ, ⵙ ⵜⵉⵀⴰⵡⵜ ⵏ ⵢⵉⵖⴻⵍⵍⴰⵜⴻⵏ ⴷ ⵢⵉⵎⴻⵏⵥⴰⴹⴻⵏ ⵏ ⵓⵖⵍⵉⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⵢⵉⵡⴻⵏ ⵓⵏⴻⵙⴽⵉⵏ ⴰⵏⴼⴰⵜⵓⵙ ⵉ ⴷ-ⵢⴻⵙⵙⴻⵎⵏⴻⴷ ⵓⵏⴻⵎⵀⴰⵍ ⴰⵍⴻⵎⵎⴰⵙ ⵏ ⵢⵉⵎⴻⵥⵍⴰ ⵏ ⵜⴷⴰⵡⵙⴰ ⵜⴰⵔⴻⴷⵙⴰⵏⵜ ⵖⴻⴼ ⵜⴻⵎⵚⵓⴽⵉⵏ ⵜⵉⵎⴰⵢⵏⵓⵜⵉⵏ ⵉ ⵢⴻⵍⵍⴰⵏ ⴷⴻⴳ ⵡⴰⵀⵉⵍ ⵏ ⵓⵥⵓⵏⵥⵓ, ⵉ ⴷ-ⵢⴻⵜⵜⵡⴰⵙⴻⴹⵔⵓⵏ ⵉ « ⵓⵙⴻⴽⵎⴻⵎ ⵏ ⵢⵉⵙⴻⵏⴼⴰⵔⴻⵏ ⵉⴷⴰⵡⵙⴰⵏⴻⵏ ⵉ ⵢⴻⵖⵜⴻⵙ ⵓⵏⵥⴰⴹ ⵓⵏⵏⵉⴳ ⵏ ⵜⴻⵔⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⵢⴻⵍⵍⴰⵏ ⵉⵙⵡⵉ ⵏ ⵓⵙⴻⵍⵀⵓ ⵏ ⵓⵎⵍⴰⵣⵎⴰⵔ ⵏ ⵜⴻⵎⵚⵓⴽⵉⵏ ⵜⵉⵙⴻⴳⵏⴰⴼⴰⵏⵉⵏ ⴷ ⵓⵙⴷⵓⵙⵓ ⵏ ⵡⴻⵙⵡⵉⵔ ⵏ ⵢⵉⵎⴻⵥⵍⴰ ⵉⴷⴰⵡⵙⴰⵏⴻⵏ ».
ⵙⴰⴽⴽⵉⵏ, ⵢⴻⵙⵉⴳⴳ ⵓⵊⵉⵏⵉⵕⴰⵍ ⴰⵛⵉⵔⵉ ⵏ ⵓⵎⴰⵀⵉⵍ ⵖⴻⴼ ⵡⴻⵙⵡⵉⵔ ⵏ ⵙⵉⵏ ⵏ ⵢⵉⵎⴻⵥⵍⴰ ⵉⵙⵏⴰⵊⵢⴰⵏⴻⵏ ⴷⴻⴳ ⵓⵙⴻⴳⵏⴰⴼ ⴰⵍⴻⵎⵎⴰⵙ ⵏ ⵜⵔⴻⴷⵙⴰ, ⵖⴻⴼ ⵜⴳⴰⵔⴰ ⵏ ⵓⵙⴻⴳⵍⴻⴼ-ⵏⵙⴻⵏⵜ ⵙ ⵜⴼⴻⵛⴽⵉⵡⵉⵏ ⵜⵉⵙⵏⴰⵊⵢⴰⵏⵉⵏ ⵜⵉⵎⴰⵢⵏⵓⵜⵉⵏ, ⵎⴰⵏⵉ ⵉ ⵢⴻⵙⵍⴰ ⵉ ⵢⴻⵙⴳⵣⴰ ⵓⵎⵎⵉⴷⴻⵏ ⵉ ⴷ-ⴼⴽⴰⵏ ⵉⵢⵢⴰ ⵉ ⴱⴻⴷⴷⴻⵏ ⵖⴻⴼ ⵓⵙⴻⴼⵔⴻⴽ ⵏ ⵙⵏⵉ ⵉⵎⴻⵥⵍⴰ-ⴰ.

ⴷⴻⴳ ⵓⴽⴰⵜⴰⵔ-ⴰ, ⵢⴻⵙⵙⵡⴻⴹ ⵎⴰⵙⵙ ⴰⵊⵉⵏⵉⵕⴰⵍ-ⴰ ⵙ ⵍⵇⴻⵔⴱ ⴰⵎⴻⵥⵍⵓ ⴰⵙⵏⴰⵊⵢⴰⵏ ⵏ ⵓⴷⴰⴷ ⵓⵏⵏⵉⴳ ⵉⴷⴻⴳ ⵢⴻⵍⵍⴰ « ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴻⵎⴳⴻⵍ ⵏ ⵓⴷⴰⴷ ⵓⵏⵏⵉⴳ ⵙ ⵓⵙⵙⴻⵇⴷⴻⵛ ⵏ ⵓⴽⵙⵉⵊⵉⵏ, ⴷ ⵓⵎⴻⵥⵍⵓ ⴰⵙⵏⴰⵊⵢⴰⵏ ⴷ ⵢⵉⵣⴻⵏⵣⴰⵔⴻⵏ ⵉⵎⵓⵔⴰⵏⴻⵏ, ⵉ ⵢⴻⵜⵜⵡⴰⴷⴻⵀⵍⴻⵏ ⵙ ⵢⵉⵡⴻⵜ ⵏ ⵜⵢⵏⵓⵜ ⵜⴰⵎⴰⵢⵏⵓⵜ ⵏ ⴷⴻ ⵒⴻⵜ-ⵙⵛⴰⵏ ⴷ ⵒⴻⵜ-ⵉⵔⵎ.
ⵙⵉⵏ-ⴰ ⵏ ⵢⵉⵎⴻⵥⵍⴰ, « ⵢⴻⵜⵜⵡⴰⵙⴻⴹⵔⴰⵏ ⵖⴻⴼ ⵍⴻⵃⵙⴰⴱ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵏ ⵜⴷⴰⵡⵙⴰ ⴷ ⵡⴰⵔⵔⵓⵎⴻⵏ ⵉⵜⵔⴰⵔⴻⵏ, ⴰⴷ ⴷ-ⴼⴽⴻⵏ ⵉⵎⴻⵥⵍⴰ ⵉⵙⵏⴰⵊⵢⴰⵏⴻⵏ ⵏ ⵜⵖⴰⵔⴰ ⵓⵏⵏⵉⴳ ⵉ ⵢⵉⵎⵓⴹⵉⵏⴻⵏ, ⵢⴻⵔⵏⵓ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⵙⴻⵍⵀⵓ ⵏ ⵓⵙⴻⵎⴳⴻⵍ ⵏ ⵢⵉⵎⵓⴹⵉⵏⴻⵏ », ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓⵓ-ⴰ.

ⴷⴻⴳ ⴱⵍⵉⴷⴰ, ⵢⴻⵙⵉⴳⴳ ⵎⴰⵙⵙ ⴰⵊⵉⵏⵉⵕⴰⵍ, ⴷ ⵓⵎⴻⵏⵣⴰⴹ ⵏ ⵜⴻⵎⵏⴰⴹⵜ ⵜⴰⵔⴻⴷⵙⴰⵏⵜ ⵜⴰⵎⴻⵣⵡⴰⵔⵓⵜ ⴷ ⵓⵏⴻⵎⵀⴰⵍ ⴰⵍⴻⵎⵎⴰⵙ ⵏ ⵢⵉⵎⴻⵥⵍⴰ ⵉⴷⴰⵡⵙⴰⵏⴻⵏ ⵉⵔⴻⴷⵙⴰⵏⴻⵏ, ⴰⵥⵓⵏⵥⵓ ⵏ ⵓⵙⴻⴳⵏⴰⴼ ⴰⵔⴻⴷⵙⴰⵏ ⴰⵎⵏⴰⴹⴰⵏ ⴰⵙⴷⵡⴰⵏ ⵢⴻⵙⵙⵓⵔⴻⵏ, ⵎⴰⵏⵉ ⵢⴻⴹⴼⴻⵔ ⵓⵊⵉⵏⵉⵕⴰⵍ ⵢⵉⵡⴻⵏ ⵏ ⵓⵏⴻⵙⴽⵉⵏ ⵓⵎⵎⵉⴷ ⵉ ⴷ-ⵢⴻⵙⵙⴻⵎⵏⴻⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⴳⵏⴰⴼ-ⴰ, ⵉⴷⴻⴳ ⵢⴻⵍⵍⴰ « ⵉⴼⴻⵔⴷⵉⵙⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵙⴻⴳⵏⴰⴼ-ⴰ ⴷ ⵜⴻⵥⵡⴻⵔⵜ ⵏ ⵜⵞⴰⵔⵉⵜ-ⵏⵏⴻⵙ ⴷ ⵡⴰⵔⵔⵓⵎⴻⵏ ⵉⵙⵏⴰⵊⵢⴰⵏⴻⵏ ⵉⵜⵔⴰⵔⴻⵏ ⵉ ⵢⴻⵙɛⴰ, ⵔⵏⵓ-ⴰⵙ ⵜⴰⵖⴰⵔⴰ ⵏ ⵜⴻⵖⴱⵓⵍⴰ ⵜⴰⵍⵙⴰⵏⵜ ⴷ ⵜⴰⵙⵏⴰⵊⵢⴰⵏⵜ ⴷ ⵜⴻⴷⴻⴱⵍⴰⵏ ⵉ ⴱⴻⴷⴷⴻⵏ ⵖⴻⴼ ⵡⴰⴽⴽ ⵉⵎⴻⵥⵍⴰ ⵏ ⵓⵙⴻⴹⵔⵓ-ⴰ ⴰⴷⴰⵡⵙⴰⵏ ⴰⵔⴻⴷⵙⴰⵏ ⴰⵅⴰⵜⴰⵔ ».

ⴷⴻⴼⴼⵉⵔⵏ ⵡⴰⵢⴰ, ⵢⴻⵔⵣⴰ ⵓⵊⵉⵏⵉⵕⴰⵍ-ⴰ ⵖⴻⴼ ⵢⵉⵎⴻⵥⵍⴰ ⵢⴻⵎⴳⴻⵔⵔⴰⴷⴻⵏ ⵏ ⵓⵙⴻⴳⵏⴰⴼ-ⴰ, ⵎⴰⵏⵉ ⵉ ⵢⴻⵙⵍⴰ « ⵉⵙⴻⴳⵣⴰ ⵓⵎⵎⵉⴷⴻⵏ ⵢⵉⵎⴻⵥⵍⴰ ⵉⵙⵏⴰⵊⵢⴰⵏⴻⵏ ⴷ ⵜⴻⴳⴼⵓⵙⴰⵏⵉⵏ ⵉ ⵢⴻⵙɛⴰ ⵓⵙⴻⴳⵏⴰⴼ-ⴰ, ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⵙⴻǧⵀⴻⴷ ⴷ ⵓⵙⵎⴰⵍ ⵏ ⵢⵉⵎⴻⵥⵍⴰ ⵉⴷⴰⵡⵙⴰⵏⴻⵏ ».

ⵉⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⵓⴷⴷⴻⵙ ⵎⴰⵙⵙ ⴰⵊⵉⵏⵉⵕⴰⵍ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵢⵉⴼⴻⵙⵢⴰⵏⴻⵏ ⴷ ⵢⵉⵎⴰⵀⴰⵍⴻⵏ ⵏ ⵓⵎⴻⵥⵍⵓ ⵏ ⵜⴷⴰⵡⵙⴰ ⵜⴰⵔⴻⴷⵙⴰⵏⵜ, ⵎⴰⵏⵉ ⵉ ⴷ-ⵢⴻⵖⵔⴰ ⵢⵉⵡⴻⵏ ⵏ ⵢⵉⵏⴰⵡ ⵉ ⴷ-ⴹⴻⴼⵔⴻⵏ, ⵙ ⵜⴻⵜⵡⵉⵍⵜ ⵏ ⵜⵉⵍⵉⵙⴰⵔⴰⴳ, ⵉⵎⴰⵀⴰⵍⴻⵏ ⵏ ⵜⴷⴰⵡⵙⴰ ⵜⴰⵔⴻⴷⵙⴰⵏⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵜⵉⵔⴻⴷⵙⴰⵏⵉⵏ ⵜⵉⵙ 6, ⵎⴰⵏⵉ ⵉ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⵥⵓⵏⵥⵓ ⵏ ⵜⴻⵎⵚⵓⴽⵉⵏ-ⴰ ⵜⵉⵎⴰⵢⵏⵓⵜⵉⵏ ⵏ ⵜⴷⴰⵡⵙⴰ ⵢⴻⵖⵍⵉ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⴼⵓⴳⴻⵍ ⵏ « ⵓⵎⵓⵍⵍⵉ ⵡⵉⵙ 71 ⵏ ⵜⵏⵓⴽⵔⵉ ⵏ ⵜⴻⴳⵔⴰⵡⵍⴰ ⵏ ⵡⴰⵎⴱⴻⵔ ⵜⴰⵎⵏⴰⴳⴰⵏⵜ, ⵢⴻⵔⵏⴰ ⵙ ⵜⵎⵓⵖⵍⵉ ⵉ ⴷ-ⵏⴻⵊⵔⴻⵏ ⵢⵉⵔⴳⴰⵣⴻⵏ ⴷ ⵜⵙⴻⴷⵏⴰⵏ ⵉⴱⵖⴰⵙⴻⵏ ⵉ ⴷ-ⵢⴻⵙⵏⵓⵍⴼⴰⵏ ⵜⴰⵎⴰⵏⴻⴳⵜ ⴷ ⵣⵣⵓⵅ ⵏ ⴷⵣⴰⵢⴻⵔ ».

ⴷⴻⴳ ⵜⴳⴰⵔⴰ, ⵢⴻⵣⵎⴻⵍ ⵎⴰⵙⵙ ⴰⵊⵉⵏⵉⵕⴰⵍ ⵖⴻⴼ ⵢⵉⵙⴻⴽⵍⴰⵙⴻⵏ ⵏ ⵡⵓⵔⴻⵖ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵓⵎⵣⴰⵖ ⴰⵖⴻⵍⵏⴰⵡ.