ⴰⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ, ⴰⵎⵖⵉⵡⴰⵏ ⴰⵖⴻⵍⵏⴰⵡ ⴷⴻⴳ ⵓⵣⵖⴰⵔ, ⴷ ⵢⵉⵡⴻⵥⵍⴰ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⴰⵜⵜⴰⴼ, ⵢⴻⵙⵙⵏⴻⵎⵎⴻⵔ-ⴷ ⴰⵜⵜⴻⴽⴽⵉ "ⵙ ⵜⵖⴰⵔⴰ ⵓⵏⵏⵉⴳ" ⵢⴻⵔⵏⵓ "ⵙ ⵡⴰⵣⴰⵍ-ⵏⵏⴻⵙ" ⴷⴻⴳ ⵜⵏⴻⵎⵙⴻⵍⵜ ⵜⵉⵙ 12 ⵏ ⵓⵙⵡⵉⵔ ⵓⵏⵏⵉⴳ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ ⵉ ⴷ-ⵢⴻⵍⵍⴰⵏ ⴰⵙⵙ ⵏ ⵓⵙⵉⵏⴰⵙ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ. ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⵉⵀⴰⵡⵜ-ⴰⵢⴰ ⴷ ⴰⵏⵣⴰ ⴰⵎⴻⵇⵇⵕⴰⵏ ⴷ ⵍⴻⵄⵏⴰⵢⴰ ⵉⵔⴻⵏⵏⵉⵏ ⵙ ⵓⴽⴰⵍⴰ ⵏ ⵡⴻⵀⵕⴰⵏ.
ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵜⵖⵉⵎⵉⵜ ⵏ ⵜⴳⴰⵔⴰ ⵏ ⵓⵙⴰⵔⴰⴳ-ⴰ, ⵎⴰⵙⵙ ⴰⵜⵜⴰⴼ ⵢⴻⵙⵙⴽⴰⵏⴰⵢ-ⴷ ⵉ ⵢⵉⵎⴰⴷⵔⴰⵡⴻⵏ ⴷⴻⴳ-ⵙ « ⵜⴰⵊⵎⵉⵍⵜ ⴷ ⵓⵙⵏⴻⵎⵎⴻⵔ-ⵏⵏⴻⵙ ⴰⵎⴻⵇⵔⴰⵏ ⵖⴻⴼ ⵜⵉⵀⴰⵡⵜ-ⵏⵙⴻⵏ ⵉⵊⴻⵀⴷⴻⵏ, ⴰⵜⵜⴻⴽⴽⵉ-ⵏⵙⴻⵏ ⴷ ⴰⵎⴻⵇⵔⴰⵏ, ⴷ ⵜⵎⴻⵖⵙⵉⵡⵜ-ⵏⵙⴻⵏ ⵜⵓⵙⴱⵉⴹⵜ ⴰⴷ ⵃⴻⵔⵣⴻⵏ ⵜⵉⵎⴻⵙ ⵏ ⵓⴽⴰⵍⴰ-ⴰ ⴰⴽⴽⴻⵏ ⴰⴷ ⵢⴻⵙⵙⴼⴰⵡ ⴰⴱⵔⵉⴷ ⵏ ⵓⵃⵔⴰⵣ ⵏ ⵜⵖⴻⵍⵍⵉⵙⵜ ⴷ ⵓⵔⴽⴰⴷ ⴷⴻⴳ ⵜⴻⴼⵔⵉⵇⵜ ».
ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⴳⴻⵔ-ⴷ ⴷⴰⵖ ⵜⴰⵎⴰⵡⵜ ⵖⴻⴼ ⵓⵜⵜⴻⴽⴽⵉ ⵉ ⴷ-ⵢⴻⵙⵎⴻⴽⵜⴰⵢⴻⵏ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵙⴻⴳ ⵡⴰⵙⵎⵉ ⵉ ⴷ-ⵢⴻⴱⴷⴰ ⵓⴽⴰⵍⴰ ⵏ ⵡⴻⵀⵕⴰⵏ, ⵏ ⵢⵉⴳⴻⵏⵙⴰⵙⴻⵏ ⵏ ⵜⵎⵓⵔⴰ ⵉ ⴷ-ⵢⴻⵜⵜⵡⴰⴼⴻⵔⵏⴻⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ ⴱⴻⵕⵕⴰ ⵏ ⵓⵎⴻⵏⵥⴰⵡ ⴰⴼⵔⵉⵇⵉ.
ⵜⵉⵎⵓⵔⴰ-ⴰ ⴷ ⵜⴰⴳⴻⵍⴷⴰ ⵏ ⴱⴻⵃⵕⵉⵏ, ⵜⴰⴳⴷⵓⴷⴰ ⵏ ⴽⵓⵍⵓⵎⴱⵢⴰ, ⴷ ⵜⴻⴳⴷⵓⴷⴰ ⵏ ⵍⴻⵜⵏⵢⴰ.
ⵉⵡⴻⴽⴽⴻⴷ-ⴷ ⵎⴰⵙⵙ ⴰⵜⵜⴰⴼ ⴷⴰⴽⴽⴻⵏ ⴰⵜⵜⴻⴽⴽⵉ ⴰⵎ ⵡⴰ, ⵉ ⵢⴻⵙⴷⵓⴽⴽⵍⴻⵏ ⴰⵎⴽⴰⵏ ⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴷ ⵓⵎⴹⴰⵏ ⴰⵎⴻⵇⵔⴰⵏ ⵏ ⵜⵎⴰⴳⵍⵉⵡⵉⵏ ⵉ ⵢⴻⵇⴱⵍⴻⵏ ⴰⵏⵛⴰⴹ-ⴰ, ⴷ « ⴰⵏⵣⴰ ⵖⴻⴼ ⵓⵎⵓⵔⴻⵙ ⵏ ⵓⴽⴰⵍⴰ ⵏ ⵡⴻⵀⵕⴰⵏ ⴰⵎⴰ ⴷⴻⴳ ⵓⵙⵡⵉⵔ ⴰⵎⴻⵏⵥⴰⵡⴰⵏ, ⴰⵎⴰ ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ ».
ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵢⴻⵏⵏⴰ-ⴷ ⴷⴰⴽⴽⴻⵏ « ⴷⵣⴰⵢⴻⵔ ⵜⴻⵜⵜⴰⴼ ⴷⴻⴳ ⵓⵎⵓⵙⵙⵓ-ⴰⵢⴰ ⵢⴻⵜⵜⴳⴻⵄⵎⵉⵔⴻⵏ ⴷ ⴰⵖⴱⴰⵍⵓ ⵏ ⵓⵙⴻⵔⵀⵓ, ⵢⴻⵔⵏⵉ ⵜⴻⵣⵡⵉⵔ ⴰⴽⴰⵍⴰ-ⴰⵢⴰ ⴰⵎⴻⵏⵥⴰⵡⴰⵏ, ⵢⴻⵅⵙⴻⵏ ⴰⴷ ⵢⴻⵙⵙⴷⵓⴽⴽⴻⵍ ⵜⴰⵖⴻⵛⵜ ⵜⴰⴼⵔⵉⵇⵜ ⴷ ⵓⵙⴻⴳⴷⴻⵔ ⵏ ⵓⴳⵎⵓⴹ-ⵏⵏⴻⵙ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵡⴰⴽⴽ ⵡⴰⵎⵎⴰⵙⴻⵏ ⵉⴳⵔⴰⵖⵍⴰⵏⴻⵏ ⵏ ⵍⴰⴱⴰⵙ ⵏ ⵢⵉⴷⵉⵙⴰⵏ ».
ⵎⴰⵙⵙ ⴰⵜⵜⴰⴼ ⵉⵡⴻⴽⴽⴻⴷ-ⴷ ⵖⴻⴼ ⵡⴰⵣⴰⵍ ⵏ ⵜⵖⵉⵎⵉⵜ-ⴰ, ⵢⴻⵔⵏⴰ ⵢⴻⵏⵏⴰ-ⴷ: « ⵜⴰⵖⵉⵎⵉⵜ-ⴰ-ⵏⵏⴻⵖ ⵜⴻⵙⵄⴰ ⴰⵣⴰⵍ ⴰⵙⵓⵔⴼⴰⵏ ⵢⴻⵔⵏⴰ ⴷ ⴰⵎⴻⵇⵔⴰⵏ, ⵉⵎⵉ ⴰⵢ ⴷ-ⵜⴻⵙⵙⴻⵔⵙ ⵜⴰⴼⴰⵜ ⵖⴻⴼ ⵡⵓⴳⵓⵔⴻⵏ ⵉⵎⴻⵇⵔⴰⵏⴻⵏ ⴰⴽⴽ ⵏ ⵜⵖⴻⵍⵍⵉⵙⵜ ⴷ ⵜⵙⴻⵔⵜⵉⵜ ⵉ ⴷ-ⵢⴻⵜⵜⵎⴰⴳⴰⵔⴻⵏ ⴰⵎⴻⵏⵥⴰⵡ-ⵏⵏⴻⵖ ⴰⴼⵔⵉⵇⵉ ⴷⴻⴳ ⵜⴰⵍⵍⵉⵜ-ⴰ – ⴷ ⵢⵉⵛⵇⵉⵔⵔⵉⵡⴻⵏ ⵉ ⴷ-ⵢⴻⵙⵙⴻⵇⵍⴰⵇⴻⵏ ⵢⴻⵔⵏⵉ ⵙⵙⴻⴽⴽⴰⵔⴻⵏ ⴷⴻⴳ-ⵏⴻⵖ ⴰⵖⴰⵏ ⴰⵎⴻⵏⵥⴰⵡⴰⵏ ⴷ ⵡⴰⵣⴰⵍⴻⵏ ⵏ ⵜⵎⴰⵙⵉⵜ ⵜⴰⵎⴻⵣⴷⵉⵜ.
ⴰⵔⵏⵓ ⵖⴻⵔ
