ⵢⴻⵙⵔⵓⵖⴻⴷ ⴱoⵓⴳⵀⴰⵍⵉ ⵜⴰⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⴷⵣⴰⵢⴻⵔ ⵖⴻⴼ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵔⵓⵖⴻⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⴰⵙⵙ ⴱⵔⴰⵀⵉⵎ ⴱoⵓⴳⵀⴰⵍⵉ, ⵜⴰⵖⵍⴰⵎⵜ ⵏ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⴷⵣⴰⵢⴻⵔ ⵉ ⵢⴻⵔⵏⴰⵏ ⵜⴰⵖⵍⴰⵎⵜ ⵜⴰⵎⴰⵚⵔⵉⵜ ⵏ ⵣⴰⵎⴰⵍⴻⴽ, ⴰⵙⵙ ⵏ ⵓⵙⵉⴹⵢⴰⵙ ⵜⴰⵎⴻⴷⴷⵉⵜ, ⴷⴻⴳ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵡⴰ ⴷ ⴰⵏⴼⵓⵙ ⴰⵎⴰⵢⵏⵓ ⴰⵔⴰ ⴷ-ⵢⴻⵔⵏⵓⵏ ⵖⴻⵔ ⵜⵃⴰⵡⴰⵛⵜ ⵏ ⵜⵛⵉⵔⴹⴰⵔⵜ ⵜⴰⴷⵣⴰⵢⵔⵉⵜ.  

ⵢⵓⵔⴰ-ⴷ ⵎⴰⵙⵙ ⴱoⵓⴳⴰⵀⵍⵉ ⴷⴻⴳ ⵓⵎⵉⴹⴰⵏ-ⵏⵏⴻⵙ ⵓⴷⵎⴰⵡⴰⵏ ⴷⴻⴳ ⵢⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ: « ⴰⵙⵔⵓⵖⴻⴷ ⵉ ⵜⴻⵖⵍⴰⵎⵜ ⵏ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⴷⵣⴰⵢⴻⵔ ⵖⴻⴼ ⵓⵣⵍⴰⵖ-ⵏⵏⴻⵙ ⵢⴻⵜⵜⵡⴰⴽⵍⴰⵍⴻⵏ ⵀⵓⵍⵍⴰⵏ  ⴷⴻⴳ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ. ⵡⴰ ⴷ ⴰⵏⴼⵓⵙ ⴰⵎⴰⵢⵏⵓ ⴰⵔⴰ ⴷ-ⵢⴻⵔⵏⵓⵏ ⵖⴻⵔ ⵜⵃⴰⵡⴰⵛⵜ ⵏ ⵜⵛⵉⵔⴹⴰⵔⵜ ⵜⴰⴷⵣⴰⵢⵔⵉⵜ, ⵢⴻⵔⵏⵓ ⴷ ⴰⵃⵔⴰⵣ ⵏ ⵢⵉⵣⵉⵖⴻⵔ ⵏ ⵜⵥⵉⴷⵉⵔⵜ ⴷ ⵓⴳⵓⵛⵛⴻⵍ ⴷ-ⵙⵙⴻⴽⵏⴻⵏ ⵢⵉⵎⵓⵔⴰⵔⴻⵏ ⵙ ⵜⵉⵣⵣⴻⴳⵔⴻⵜ ⵏ ⵓⵎⴻⵛⵡⴰⵕ-ⵏⵙⴻⵏ. ⴰⴳⵉⵎ ⵏ ⵡⴰⵢⵢⵓⵣⴻⵏ ⵉ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⴷⵣⴰⵢⴻⵔ ⴷ ⵢⵉⵙⴻⴱⵖⴰⵙⴻⵏ-ⵏⵏⴻⵙ”