ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⵎⴰⵙⵙⴰ ⵀoⵓⵔⵉⴰ ⵎⴻⴷⴷⴰⵀⵉ, ⴰⵙⵙ ⵏ ⵓⴽⵡⴰⵙ, ⴷⴰⴽⴽⴻⵏ ⵜⴰⵎⴻⵔⵔⵉⵜ ⵜⴰⵏⵉⵔⴰⵏⵜ « ⵜⴻⴷⴷⵓⵇⵇⴻⵙ-ⴷ ⴰⴷⵓⵇⵇⴻⵙ ⴷ ⴰⴳⴻⵔⵎⴰⵡ » ⴷⴻⴼⴼⵉⵔ ⵎⴰ ⵙⴻⵏⵙⴻⵏ ⴰⴽⴰⵜ ⵏ ⵜⵓⵥⵔⵉⵜ ⵏ ⵓⵙⵍⵓⴳⴻⵏ, ⵜⴻⵔⵎⴻⵙ ⴷⵣⴰⵢⴻⵔ 47000 ⵏ ⵢⵉⵎⴻⵔⵔⴰⵢⴻⵏ ⵉⵡⴻⵔⴷⴰⵏⵉⵢⴻⵏ ⵙⴻⴳ ⵜⴻⵖⵍⴰⵏ ⵢⴻⵎⴳⵉⵔⵔⴷⴻⵏ ⴷⴻⴳ ⵜⵙⴻⵎⵀⵓⵢⵜ ⵏ 2024-2025.
ⴷⴻⴳ ⵢⵉⵡⴻⵜ ⵏ ⵜⵞⵓⵕⴰⵏⵜ ⴷⴻⴳ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴷ-ⵢⴻⵍⵍⴰⵏ ⵉ ⵜⵓⵜⵜⵔⵉⵡⵉⵏ ⵜⵉⵏⵉⵎⵉⵢⵉⵏ ⵉ ⵢⵉⵎⴰⵙⵍⴰⴹⴻⵏ ⵏ ⵓⵏⴰⴱⴰⴹ, ⵜⴻⵏⵏⴰ-ⴷ ⵎⴰⵙⵙⴰ ⵎⴻⴷⴷⴰⵀⵉ ⴷⴰⴽⴽⴻⵏ ⴰⵎⴹⴰⵏ ⵏ ⵢⵉⵎⴻⵔⵔⴰⵢⴻⵏ ⵉⵡⴻⵔⴷⴰⵏⵉⵢⴻⵏ ⴷ-ⵢⴻⵔⵣⴰⵏ ⵖⴻⴼ ⵜⵏⵉⵔⵉ ⵜⴰⴷⵣⴰⵢⵔⵉⵜ ⴷⴻⴳ ⵜⵙⴻⵎⵀⵓⵢⵜ ⵏ 2024-2025 ⵢⴻⵡⵡⴻⴹ ⵖⴻⵔ 47.000, ⵢⴻⵔⵏⵓ ⵢⴻⵡⵡⴻⴹ ⵓⵎⴹⴰⵏ ⵏ ⵜⵏⴻⴳⴳⵉⵡⵉⵏ ⵏ ⵜⵎⴻⵔⵔⵉⵜ ⵉⵙⴻⵎⵎⵍⴻⵏ ⵜⴰⵎⴻⵔⵔⵉⵜ ⵜⴰⵏⵉⵔⴰⵏⵜ ⵖⴻⵔ 280, ⵢⴻⵔⵏⵓ ⴰⵢⴰ ⴷ « ⴰⵏⴰⵎⵎⴰⵍ ⵓⵎⵏⵉⴳ » ⴷ-ⵢⴻⵙⵙⴽⴰⵏⴰⵢⴻⵏ ⴰⵏⴻⴽⵏⵉ ⴰⵏⴻⵔⵏⴰⵢ ⵉ ⵜⵏⵉⵔⵉ ⵜⴰⴷⵣⴰⵢⵔⵉⵜ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⵏⵓⴷⴷⴻⵙⵜ ⵏ ⵓⵙⴷⵉⵏⴻⵎ ⵏ ⵜⵎⴻⵔⵔⵉⵜ ⴷⴻⴳ ⵓⵀⴰⴳⴳⴰⵕ ⴷ ⵓⵙⵓⴷⴷⴻⵙ ⵏ ⵡⵓⴼⵓⵢ ⵏ ⵢⵉⵎⴻⵔⵔⴰⵢⴻⵏ ⴷⴻⴳ ⵜⴰⵍⵍⵓⵏⵜ-ⴰ, ⵜⴻⵙⵙⴻⴷⴷⵉ-ⴷ ⵜⵏⴻⵖⵍⴰⴼⵜ ⴷⴰⴽⴽⴻⵏ ⵜⴰⵙⴻⵔⵜⵉⵜ ⵏ ⵓⴳⵣⵓⵎ ⵜⴻⵔⵙ ⵖⴻⴼ ⵓⵙⴷⵓⵇⵇⴻⵙ ⵏ ⵜⵎⴻⵔⵔⵉⵜ ⵜⴰⵖⴻⵍⵏⴰⵡⵜ ⴷ ⵓⵙⵏⴻⴳⵎ ⵏ ⵜⵎⴻⵔⵔⵉⵜ ⵜⴰⴳⴻⵏⵙⵉⵜ, ⵍⴰⴷⵖⴰ ⵜⴰⵎⴻⵔⵔⵉⵜ ⵜⴰⵏⵉⵔⴰⵏⵜ, ⴰⵎ ⵡⴰⴽⴽⴻⵏ ⴷ-ⵜⴻⵣⵣⵉⵔⴻⴳ ⴷⴰⴽⴽⴻⵏ « ⵉⴼⵓⵊⴰⵔⴻⵏ ⵉⵏⵉⵎⵉⵔⴻⵏ ⵏ ⵓⵏⵣⴰⵖ ⴰⴷ ⴷ-ⵇⴰⵎⴻⵏ ⵉ ⵓⵙⴷⵓⵙⵓⵓ ⵏ ⵡⵓⴼⵓⵢ ⵏ ⵢⵉⵎⴻⵔⵔⴰⵢⴻⵏ ⵖⴻⵔ ⵜⵖⴻⵔⵡⴰⴹⵉⵏ ⵜⵉⴳⴻⵊⴷⴰⵏⵉⵏ ⵏ ⵓⵏⵥⵓⵍ, ⴰⵎ ǧⴰⵏⴻⵜ, ⵜⴰⵎⴻⵏⵖⴻⵙⵜ, ⵜⴰⵖⴻⵔⴷⴰⵢⵜ, ⵜⵉⴱⴻⵙⴽⴻⵔⵜ, ⵡⴰⴷ ⵙⵓⴼ, ⵚⵚⴰⵡⵔⴰ ⴷ ⵢⵉⴳⵓⵔⴰⵔⴻⵏ ».
ⵜⴰⵙⵏⵓⴷⴷⴻⵙⵜ-ⴰ ⵜⴻⵔⵙ ⴷⴰⵖ ⵖⴻⴼ “ⵓⵙⵎⵓⵜⴻⴳ ⵏ ⵜⴻⵖⴱⵓⵍⴰ ⵜⵉⵎⴻⵔⵔⴰⵏⵉⵏ ⵜⵉⵏⵉⵔⴰⵏⵉⵏ, ⵙ ⵓⵙⴻⵖⵏⴻⵡ ⵏ ⵢⵉⵎⴰⴷⵓⴼⴻⵏ ⵉⴷⴰⵎⵙⴰⵏⵉⵏ ⴷ ⵓⵙⵏⴻⴳⵎⵓ ⵏ ⵜⵎⴻⵔⵔⵉⵜ ⵜⵓⵏⵣⵉⴳⵜ ⵙ ⵓⵣⴻⴷⴷⵉ ⵏ ⵢⵉⵖⴰⵡⴰⵙⴻⵏ ⵉⴷⵉⴳⴰⵏⴻⵏ ⵏ ⵓⵏⴻⴳⵎⵓ, ⴰⵙⵏⵓⵎⵎⴻⴷ ⵏ ⵢⵉⵙⴻⵎⵍⴰⵏ ⵉⵙⴻⵏⵣⵉⴽⴰⵏⴻⵏ ⴷⴻⴳ ⵢⵉⵎⵏⴻⵏⵏⵉⴹⴻⵏ ⵉⵎⴻⵔⵔⴰⵏⴻⵏ, ⴰⴷⵀⴰⵍ ⵏ ⵓⵙⴼⵓⴽⵜⵉ ⴰⵙⴻⵏⵙⴰⵏ ⴷ ⵓⵙⴻⴱⵖⴻⵙ ⵏ ⵜⴻⵏⴹⵉ ⴷ ⵜⴻⵕⵎⵉⵙⵉⵏ ⵜⵉⵍⴻⵎⵎⴰⵙⵉⵏ ⴷ ⵜⵎⴻⵛⵟⵓⵃⵉⵏ ⵙ ⵓⴷⵀⴰⵍ ⵏ ⵜⵡⴰⵛⵓⵍⵉⵏ ⵜⵉⴷⵉⴳⴰⵏⵉⵏ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⵖⴻⴼ ⵜⵉⵅⵅⵓⵜⴻⵔⵜ ⵉ ⵢⴻⵜⵜⴰⴼⴽ ⵓⴳⵣⵓⵎ ⵉ ⵓⴷⵀⴰⵍ ⴷ ⵓⵙⵎⴰⵍ ⵏ ⵢⵉⵔⵎⵓⴷⴻⵏ ⵉⵡⴻⵏⴹⵉⵢⴻⵏ ⵏ ⵜⵙⴻⴷⵏⴰⵏ, ⵙ ⵓⵙⵎⴻⵎⵎⵉ ⵏ ⵜⴻⵎⵢⴰⴷⴰⵙⵜ ⴷ ⵜⴰⵎⵙⴻⴽⵔⴰⵏⵜ ⵉ ⵓⵙⴷⵓⵙⵓ ⵏ ⵓⵙⵖⴻⵏⵣⵉ ⵏ ⵢⵉⴼⴰⵔⵉⵙⴻⵏ-ⵏⵙⴻⵏⵜ ⵉⵏⵙⴰⵢⴰⵏⴻⵏ ⴷ ⵓⵙⵓⵎⴻⵔ ⵏ ⵢⵉⵙⵉⵍⵖⴻⵏ ⵢⴻⵎⵎⵓⵣⵣⴳⴻⵏ.
ⵖⴻⴼ ⵍⴻⵃⵙⴰⴱ ⵏ ⵜⵏⴻⵖⵍⴰⴼⵜ, « ⵓⴳⴰⵔ ⵏ 100 ⵏ ⵜⵉⵏⴹⵉⵏ ⵉ ⴷ-ⵢⴻⵙⴼⴰⵢⴷⴰⵢⴻⵏ ⵢⴰⵍ ⴰⵙⴻⴳⴳⴰⵙ ⵙⴻⴳ ⵓⵙⵉⵍⴻⵖ ⴷ ⴰⴱⴻⵏⵏⴰⵏ ⴷⴻⴳ ⵢⵉⵙⴰⴷⵓⵔⵔⴻⵏ ⵉⵏⵙⴰⵢⴰⵏⴻⵏ ⴷ ⵢⵉⵡⴻⵏⴹⵉⵢⴻⵏ ⵢⴻⵎⴳⵉⵔⵔⴷⴻⵏ, ⵍⴰⴷⵖⴰ ⴷⴻⴳ ⵓⵥⴻⵟⵟⴰ ⵏ ⵜⵕⴰⴽⵏⵉⵡⵉⵏ, ⵉⴷⴻⵇⵇⵉ, ⵜⴰⵥⵓⴷⵉ ⵏ ⵓⵣⴻⵎⵎⵓⵔ, ⴰⵖⵔⴰⴼ ⵏ ⵓⵚⴰⴱⵓⵏ ⴷ ⵓⵙⴻⵍⴽⴻⵜ ⵏ ⵢⵉⴼⴰⵔⵉⵙⴻⵏ ⵉⴽⴻⵔⵔⴰⵣⴰⵏⴻⵏ ⵉⴷⵉⴳⴰⵏⴻⵏ », ⴰⵎ ⵡⴰⴽⴽⴻⵏ ⴷ-ⵜⴻⵔⵏⴰ ⴷⴰⴽⴽⴻⵏ « ⵓⴳⴰⵔ ⵏ 2000 ⵏ ⵜⵙⴻⴷⵏⴰⵏ ⵉ ⴷ-ⵢⴻⵜⵜⵡⴰⵙⵙⴰⵍⵖⴻⵏ ⴷⴻⴳ ⵜⴻⵅⵅⴰⵎⵉⵏ ⵏ ⵜⴻⵏⴹⵉ ⴷⴻⴳ 2025, ⵢⴻⵔⵏⵓ ⴰⴷ ⵜⴽⴻⵎⵎⴻⵍ ⵜⴻⵎⵀⴻⵍⵜ-ⴰ ⴰⵙⴻⴳⴳⴰⵙ ⴷ-ⵉⵜⵜⴻⴷⴷⵓⵏ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⴰⵣⵉ ⵏ ⵜⴰⵍⵍⵓⵍⵉⵏ ⴷⴻⴳ ⵜⴷⵓⵎⵚⵓⴽⵉⵏ ⵜⵉⵎⴻⵔⵔⴰⵏⵉⵏ ⴷ ⵢⵉⵖⵙⵓⵔⴻⵏ ⵉⵣⵖⴰⵍⴰⵏⴻⵏ (ⵉⵃⴻⵎⵎⴰⵎⴻⵏ) ⵉ ⵓⵣⵉⴽⴽⴻⵏ ⴷ ⵓⵙⵎⴰⵍ ⵏ ⵢⵉⴼⴰⵔⵉⵙⴻⵏ ⵏ ⵜⴻⵏⴹⵉⵏ ⴷ ⵓⵙⴻⴷⵔⴻⵡ-ⵏⵙⴻⵏⵜ ⴷⴻⴳ ⵜⵎⴻⵙⴽⴰⵏⵉⵏ ⵜⵉⵎⴻⵔⵔⴰⵏⵉⵏ, ⴰⵎ ⵜⵎⵓⴳⵔⵉⵏ ⴷ ⵜⵎⴻⵙⵔⵉⵢⵉⵏ ⵜⵉⵎⵏⴰⴹⴰⵏⵉⵏ ⴷ ⵜⵖⴻⵍⵏⴰⵡⵉⵏ, ⵜⵡⴻⴽⴽⴻⴷ-ⴷ ⵎⴰⵙⵙⴰ ⵎⴻⴷⴷⴰⵀⵉ ⴷⴰⴽⴽⴻⵏ « ⵜⵜⵓⵏⴻⴼⴽⴻⵏⵜ ⵜⵙⴻⵏⴷⴰⵀ ⴰⴽⴽⴻⵏ ⴰⴷ ⴷ-ⵢⴻⵜⵜⵉⵍⵉ ⵡⴰⵢⴰ ⴷⴻⴳ ⵜⴻⵖⵙⴰⵔ ⵜⵉⵣⵖⴰⵍⴰⵏⵉⵏ ⵢⴻⵇⵇⵏⴻⵏ ⵖⴻⵔ ⵓⴳⵣⵓⵎ ⴰⵏⴰⴳⴷⵓⴷ », ⴰⵎ ⵡⴰⴽⴽⴻⵏ ⴷ-ⵜⴻⵙⵎⴻⴽⵜⵉ ⴷⴰⴽⴽⴻⵏ ⵉⵖⵙⵓⵔⴻⵏ ⵉⵙⴻⵏⵙⴰⵏⴻⵏ ⵃⴰⵣⴻⵏ-ⴷ ⵜⴰⵍⵍⵓⵏⵉⵏ ⵉ ⵓⵙⵎⵓⵜⴻⴳ ⵏ ⵜⴻⵏⴹⵉ ⵜⴰⵏⵙⴰⵢⴰⵏⵜ.
ⴰⵔⵏⵓ ⵖⴻⵔ
