ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵙⵉⴼⵉ ⵖⵔⵉⴱ ⵢⴻⵙⵙⴻⵍⵡⴰⵢ ⵜⵉⵖⵉⵎⵉⵜ ⵏ ⵓⵏⴰⴱⴰⴹ

ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ, ⵜⵉⵖⵉⵎⵉⵜ ⵏ ⵓⵏⴰⴱⴰⴹ ⵉ ⴷ-ⵢⴻⵡⵡⵉⵏ ⵖⴻⴼ ⵜⴻⵣⵔⴰⵡⵜ ⵏ ⵢⵉⵡⴻⵏ ⵏ ⵓⵙⴻⵏⴽⴻⴷ ⵢⴻⵄⵏⴰⵏ ⵜⴰⴽⴰⵔⴹⵉⵜ ⵏ ⵜⴰⵣⵣⵉⵜ ⴷⴻⴳ ⵍⴻⵣⵣⴰⵢⴻⵔ, ⴷ ⵓⵙⴻⴽⵏⴻⴷ ⵏ ⵡⴰⵢⴻⵏ ⵉ ⴷ-ⵢⵉⵍⵍⴰⵏ ⴷ ⴰⵙⵏⴻⴼⵍⵉ ⴷⴻⴳ ⵜⵓⴷⴷⵙⵉⵡⵉⵏ ⵏ ⵜⴰⵣⵣⵉⵜ ⴷ ⵓⵙⴻⴶⵀⴻⴷ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ.

ⵙ ⴷⴷⴰⵡ ⵏ ⵡⴰⵢⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⴱⵉⵕⵓ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, "ⴰⵏⴰⴱⴰⴹ ⵢⴻⵙⵎⴻⵃⵙⴻⵍ ⵉ ⵢⵉⵡⴻⵏ ⵏ ⵓⵙⴻⵏⴽⴻⴷ ⵖⴻⴼ ⵜⴰⴽⴰⵔⴹⵉⵜ ⵏ ⵜⴰⵣⵣⵉⵜ ⴷⴻⴳ ⵍⴻⵣⵣⴰⵢⴻⵔ, ⴰⵎ ⵡⴰⵍⵍⴰⵍ ⵏ ⵓⵀⴻⴳⴳⵉ ⴰⵙⵔⴰⵜⵉⴷⵊⵉ ⵉ ⵓⵟⵎⴰⵏ ⵏ ⵓⴼⵔⴰⵇ ⵉⵡⴻⵣⵏⴻⵏ ⵏ ⵢⵉⵙⵓⵎⵔⴻⵏ ⵏ ⵓⵊⵊⴻⵢ ⴷ ⵓⵙⵏⴻⵔⵏⵉ ⵏ ⵓⵏⴻⴽⵛⵓⵎ ⵖⴻⵔ ⵢⵉⵎⴻⵥⵍⴰ ⵏ ⵜⴰⵣⵣⵉⵜ ⴷⴻⴳ ⵜⵎⵓⵔⵜ ⵎⴻⵕⵕⴰ".

ⴷⴻⴳ ⵜⴰⵍⵍⵉⵜ-ⴰⴳⵉ, ⵙⵏⴻⴽⴷⴻⵏ-ⴷ ⵢⴰⴽⴽ ⵡⴰⵢⴻⵏ ⵉ ⴷ-ⵢⵉⵍⵍⴰⵏ ⴷ ⴰⵙⵏⴻⴼⵍⵉ ⴷⴻⴳ ⵓⵏⵏⴰⵔ ⵏ ⵜⵓⴷⴷⵙⵉⵡⵉⵏ ⵏ ⵜⴰⵣⵣⵉⵜ, ⴰⵙⴻⴶⵀⴻⴷ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ, ⴷ ⵓⵙⵙⴻⵎⵖⴻⵔ ⵏ ⵓⵣⴻⵟⵟⴰ ⴰⵖⴻⵍⵏⴰⵡ ⵉ ⵓⵎⴻⵏⵏⵓⵖ ⵎⴳⴰⵍ ⴰⵙⵉⵔ (cancer) ⴷ ⵓⵙⵏⴻⵔⵏⵉ ⵏ ⵓⵃⵔⴰⵣ ⵏ ⵜⴻⴳⵏⴰⵜⵉⵏ ⵏ ⴷⴷⵉⵇ (urgences), ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵙⵏⴻⴼⵍⵉ ⵉ ⴷ-ⵢⴻⵍⵍⴰⵏ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵡⴰⵟⵟⴰⵏⴻⵏ ⵉⵟⵎⵓⴱⴱⴰⴷⴷⴻⵍⴻⵏ.

ⴷⴰⵖⴻⵏ, ⴰⵏⴰⴱⴰⴹ ⵢⴻⵙⵎⴻⵃⵙⴻⵍ ⵉ ⵢⵉⵡⴻⵏ ⵏ ⵓⵙⴻⵏⴽⴻⴷ ⵖⴻⴼ ⵓⵙⵏⴻⴼⵍⵉ ⵏ ⵓⵏⴰⴳⵔⴰⵡ ⵏ ⵜⴰⵡⵏⵏⴰⴹⵜ (ecosystem) ⵉ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ (startups). ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⴱⴻⴷⴷⴻⵍ ⵉⵕⴻⵙⵙⴰⵏ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵉⵕⴻⵙⵙⴰⵏ ⵖⴻⴼ ⵓⵙⵏⵓⵍⴼⵓ ⴷ ⵓⵙⵏⴻⴼⵍⵉ ⴰⵜⵉⴽⵏⵓⵍⵓⵊⵉ ⴷ ⵓⵙⴻⵎⵎⵓⵣⵣⴻⴳ ⴰⴷⴰⵎⵙⴰⵏ ⵉ ⵓⵙⴻⴶⵀⴻⴷ ⵏ ⵜⵉⵎⵓⵎⴻⵏⵜ ⵜⴰⵖⴻⵍⵏⴰⵡⵜ.

ⴷⴻⴳ ⵓⵣⴻⵏⵣⵉⵖ-ⴰⴳⵉ, ⵙⵏⴻⴽⴷⴻⵏ-ⴷ ⴰⵙⴻⵏⴼⴰⵔ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵉⵕⴻⵙⵙⴰⵏ ⵖⴻⴼ ⴽⵔⴰⴷⴻⵜ (3) ⵏ ⵜⴰⵍⵍⵉⵢⵉⵏ ⵢⴻⵄⵏⴰⵏ ⴰⵙⴱⴻⴷⴷⵉ ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ, ⵉⵡⴰⴽⴽⴻⵏ ⴰⴷ ⴷ-ⵍⵍⵉⵏⵜ ⴰⵣⴰⵍ ⵏ 20.000 ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ ⴰⵔⵎⵉ ⴷ ⵓⵙⴻⴳⴳⴰⵙ ⵏ 2029.

ⴷⴻⴳ ⵜⴰⴳⴳⴰⵔⴰ, ⴰⵏⴰⴱⴰⴹ ⵢⴻⵇⵇⴻⵔⴷⴻⵛ ⴰⵙⴻⵏⴼⴰⵔ ⵏ ⵜⵙⵔⴻⵟ (stratégie) ⵜⴰⵖⴻⵍⵏⴰⵡⵜ ⵏ ⵜⵎⵓⵉⵣⴻⴳⵜ ⵏ ⵜⵓⴷⴻⵔⵜ (biodiversité) ⴷ ⵡⴰⵀⵉⵍ ⵏ ⵓⵎⴰⵀⵉⵍ ⵉⵛⵓⴷⴷⴻⵏ ⵖⴻⵔ-ⵙ (SⵒAⵏⴱA 2025-2030), ⵉ ⵉⵜⴻⴷⴷⵓⵏ ⴷ ⵓⵣⴻⵏⵣⵉⵖ ⴰⵎⴰⴹⵍⴰⵏ "Kunming-Montreal" ⵉ ⴷ-ⵉⵜⵜⵓⵙⵜⴻⵏⵢⴰⵏ ⴷⴻⴳ ⵓⵏⵎⵓⵖⴰⵍ ⵡⵉⵙ 15 ⵏ ⵜⴰⵎⵉⵡⵉⵏ (ⵛOⵒ15).

ⵜⴰⵙⵔⴻⵟ-ⴰⴳⵉ ⵜⴻⵜⵜⴻⴳⴳⴻⵏ ⵉⵡⴰⴽⴽⴻⵏ ⴰⴷ ⵜⴻⵙⵙⴻⴶⵀⴻⴷ ⴰⵏⴰⴳⵔⴰⵡ ⴰⵖⴻⵍⵏⴰⵡ ⵉ ⵓⵃⵔⴰⵣ ⵏ ⵜⵎⵓⵉⵣⴻⴳⵜ ⵏ ⵜⵓⴷⴻⵔⵜ ⵙ ⵜⴰⵔⵔⴰⵢⵉⵏ ⵉ ⵢⴻⴱⵖⴰⵏ ⴰⴷ ⵃⴻⴱⵙⴻⵏⵜ ⴰⵅⴻⵙⵙⴰⵔ ⵏ ⵢⵉⵏⴳⵔⴰⵡⴻⵏ ⵏ ⵜⴰⵡⵏⵏⴰⴹⵜ, ⵓ ⴰⴷ ⵃⴻⵔⵣⴻⵏⵜ ⴰⵏⴰⵡⴻⵏ ⵏ ⵢⵉⵎⵖⴰⵏ ⴷ ⵢⵉⵖⴻⵔⵙⵉⵡⴻⵏ ⵢⴻⵜⵜⵡⴰⵀⴻⴳⴳⵙⴻⵏ ⵙ ⵓⵏⴳⴰⵔ, ⴷ ⵓⵄⴰⵡⴻⴷ ⵏ ⵓⵣⵉⵣⵣⴻⴷ ⵏ ⵢⵉⵎⵓⴽⴰⵏ ⴰⴳⴰⵎⴰⵏⴻⵏ ⵉⵅⴻⵚⵔⴻⵏ.