ⵢⴻⵅⴷⴻⵎ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵓⵙⴻⵍⵍⴻⴽ ⴷ ⵓⵎⴹⴰⵎⴰⵏ ⵏ ⵜⵎⴻⵜⵜⵉ, ⵎⴰⵙⵙ ⴰⴱⴷⴻⵍⵀⴰⴽ ⵙⴰⵉⵀⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⵉⵎⴻⵙⵍⴰⵢⴻⵏ ⵏ ⵙⵉⵏ ⴷ ⵓⵏⴻⵖⵍⴰⴼ ⵏ ⵓⵎⴰⵀⵉⵍ ⵏ ⵜⴻⴳⴷⵓⴷⴰ ⵏ ⵎⴰⵚⴻⵔ, ⵎⴰⵙⵙ ⵃⴰⵙⵙⴰⵏ ⵔⴰⴷⴷⴰⴷ ⵉⴱⵔⴰⵀⵉⵎ ⴻⵍ-ⵙⴰⵢⴻⴷ. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⴰⵙⴰⵢ ⵏ ⵜⵎⵓⵀⴰⵍ ⴷⴻⴳ ⵜⵎⴰⵣⴰⵏⵜ ⵉⵕⴻⵙⵙⴰⵏ ⵏ ⵍⴻⵣⵣⴰⵢⴻⵔ ⵣⴷⴰⵜ ⵏ ⵓⴱⵉⵕⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴷⴻⴳ ⵊⴻⵏⴻⵠⴰ, ⵎⴰⵙⵙ ⴱⴻⵇⵟⴰⵛ ⵎⴰⵙⵉⵏⵉⵙⵙⴰ, ⴷ ⵢⵉⵎⴰⵣⴰⵏ ⵏ ⵙⵏⴰⵜ ⵏ ⵜⵎⵓⵔⴰ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵔⵔⵉⴼ ⵏ ⵓⵜⴻⴽⴽⵉ-ⵉⵙ ⴷⴻⴳ ⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ 114 ⵏ ⵡⴰⵎⵓⵔⴰⵢ ⴰⴳⵔⴻⵖⵍⴰⵏ ⵏ ⵓⵎⴰⵀⵉⵍ ⵉ ⴷ-ⵢⵉⵍⵍⴰⵏ ⴷⴻⴳ ⵊⴻⵏⴻⵠⴰ ⵙⴻⴳ 1 ⴰⵔⵎⵉ ⴷ 12 ⵢⵓⵏⵢⵓ 2026.
ⵙ ⵓⵏⴰⵎⴻⴽ ⵏ ⵓⵙⵉⵡⴹ ⵏ ⵜⵏⴻⵖⵍⴰⴼⵜ, ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⴰⵜⵉⴳ ⵏ ⵡⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵓⵎⵢⴻⵛⵛⴻⵔ ⴰⵣⵣⴰⵢⵔⵉ-ⴰⵎⴰⵚⵔⵉ ⴷⴻⴳ ⵢⵉⵏⵏⴰⵔⴻⵏ ⵏ ⵓⵎⴰⵀⵉⵍ ⴷ ⵓⵎⴹⴰⵎⴰⵏ ⵏ ⵜⵎⴻⵜⵜⵉ, ⵓ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵏ ⵙⵉⵏ ⵉ ⵏⴼⴰⵄ ⵏ ⵢⵉⴳⵓⵔⴻⴼ ⵏ ⵙⵏⴰⵜ ⵏ ⵜⵎⵓⵔⴰ. ⵙⵉⵏ ⵏ ⵢⵉⴽⵓⴱⴰⵔ ⵙⴻⵃⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⴽⴻⵎⵎⴻⵍ ⵏ ⵓⵎⵙⴰⵙⴻⵢ ⴷⴻⴳ ⵜⴻⵎⵙⴰⵍ ⵉ ⴷ-ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⴰⵎⵉⵡⵉⵏ, ⵍⴰⴷⵖⴰ ⴷⴻⴳ ⵓⵣⴻⵏⵣⵉⵖ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ, ⵙ ⵓⴽⴻⵎⵎⴻⵍ ⵏ ⵜⴻⵣⵔⴰⵡⵜ ⵏ ⵜⴰⵍⵓⴼⵜ ⵏ ⵓⵎⴹⴰⵎⴰⵏ ⵏ ⵜⵎⴻⵜⵜⵉ ⵙ ⵜⴰⵎⴰ ⵏ ⵢⵉⵎⵓⵣⵣⴰⴳⴻⵏ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⴷⴰⵖⴻⵏ ⵖⴻⴼ ⵜⵣⴻⵎⵎⴰⵔ ⵏ ⵓⵎⵢⴻⵛⵛⴻⵔ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ ⵉⴷⴰⵎⵙⴰⵏⴻⵏ ⵉⵕⴻⵙⵙⴰⵏⴻⵏ, ⴷ ⵓⵏⴰⴷⵉ ⵏ ⵜⴰⵔⵔⴰⵢⵉⵏ ⵉ ⵓⵏⴼⴰⵄ ⵙⴻⴳ ⵢⵉⵔⵎⵉⵜⴻⵏ ⵏ ⵙⵉⵏ ⴷⴻⴳ ⵓⵏⵏⴰⵔ ⵏ ⵓⵙⵉⵍⴻⵖ ⴷ ⵓⵙⵉⵙⵀⴻⵍ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵉⴷⵔⴻⵡ ⴰⴷⴰⵎⵙ ⴷ ⵓⴷⴻⴳⴳⴻⵔ ⵏ ⵜⴷⵓⴽⵍⵉ ⵜⴰⵙⵔⴰⵜⵉⴷⵊⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵚⴻⵔ.
ⴰⵏⴻⵖⵍⴰⴼ ⵉⵙⵙⴻⴼⵀⴻⵎ-ⴷ ⵉⵙⵏⵉⵢⴰⵍⴻⵏ ⵉ ⵢⴻⵣⵔⴰ ⵓⵏⵏⴰⵔ ⵏ ⵓⵎⴰⵀⵉⵍ ⴷ ⵓⵙⴻⵍⵍⴻⴽ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵜⴰⵔⵇⵎⵉⵜ ⴷ ⵓⵙⵎⴰⵢⵏⵓⵜ ⵏ ⵢⵉⵎⴻⵥⵍⴰ ⵜⵉⴳⴷⵓⴷⴰⵏⵉⵏ ⴷ ⵓⵙⵏⴻⴼⵍⵉ ⵏ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ ⵏ ⵡⴰⵙⵙⴰⵖⴻⵏ ⵏ ⵓⵎⴰⵀⵉⵍ. ⴷⴰⵖⴻⵏ, ⵎⵎⴻⵙⵍⴰⵢⴻⵏ ⵖⴻⴼ ⵢⵉⵔⵎⵉⵜⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵙⵉⵍⴻⵖ ⴰⵎⴻⵣⵣⵓⵍⴰⵏ, ⵙ ⵓⵙⴰⵎⵙⵉ ⵏ ⵓⵙⵉⵍⴻⵖ ⴷ ⵜⵓⴽⴽⵉⵙⵉⵡⵉⵏ ⵏ ⵓⴳⴻⴷⴻⵣ ⵏ ⵓⵎⴰⵀⵉⵍ ⴷ ⵓⵙⵙⴻⴽⵛⴻⵎ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⴻⵏ.
ⵜⵎⵓⵀⴰⵍ-ⴰⴳⵉ ⵏⵏⴰⵍⴻⵏⵜ ⴷⴰⵖⴻⵏ ⵜⴰⵎⵓⵖⵍⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵜⴷⴰⵎⵙⴰ ⵓⵔ ⵏⴻⵍⵍⵉ ⴷ ⵜⵓⵏⵚⵉⴱⵜ ⴷ ⵓⵙⴰⴷⴻⵔ ⵏ ⵏⴼⴰⵄ-ⵉⵙ ⵏ ⴷⴷⵉⵇ ⴷⴻⴳ ⵜⵎⴻⵜⵜⵉ ⴷ ⵜⴷⴰⵎⵙⴰ, ⵙ ⵓⵙⴻⵎⵔⴻⵙ ⵏ ⵡⴰⵍⵍⴰⵍⴻⵏ ⵏ ⵓⵃⵔⴰⵣ ⴷ ⵓⴷⴻⴳⴳⴻⵔ ⵏ ⵜⵎⴻⵜⵜⵉ ⴷ ⵓⴹⴼⵉⵔⵉ ⵏ ⵢⵉⴱⴻⴷⴷⵉⵍⴻⵏ ⵏ ⵓⴳⴻⴷⴻⵣ ⵏ ⵓⵎⴰⵀⵉⵍ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵍⴼⴻⵕⵃ-ⵉⵙⴻⵏ ⵖⴻⴼ ⵓⵙⵡⵉⵔ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵚⴻⵔ, ⵙⴻⵃⵔⴻⵙⴻⵏ ⵖⴻⴼ ⵍⴻⴱⵖⵉ-ⵏⵙⴻⵏ ⵉ ⵓⴽⴻⵎⵎⴻⵍ ⵏ ⵓⵎⵛⴻⵡⵡⴻⵔ ⴷ ⵓⵎⵙⴰⵙⴻⵢ ⵉ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⵉ ⵏⴼⴰⵄ ⵏ ⵙⵏⴰⵜ ⵏ ⵜⵎⵓⵔⴰ ⴷ ⵢⵉⴳⵓⵔⴻⴼ-ⵏⵙⴻⵏⵜ.
ⴰⵔⵏⵓ ⵖⴻⵔ
