ⴰⵙⴻⵍⵡⴰⵢ ⵏ ⵜⵙⴻⵍⵡⵉⵜ ⵜⴰⵖⴻⵍⵏⴰⵡⵜ ⵜⴰⵎⴰⵏⵉⵜ ⵏ ⵜⴻⴼⵔⴰⵏⵉⵏ (ANIE), ⵙⴰⵄⴻⴷ ⵄⴰⵔⵓⵙ, ⵢⴻⵙⴱⴻⴷⴷ 29 ⵏ ⵢⵉⵎⵙⴻⵎⵙⴰⴷⴻⵏ (coordinateurs) ⵏ ⵜⵡⵉⵍⴰⵢⵉⵏ ⵉⵡⴰⴽⴽⴻⵏ ⴰⴷ ⵀⴻⴳⴳⵉⵏ ⵉ ⵜⴻⴼⵔⴰⵏⵉⵏ ⵏ ⵢⵉⵄⴻⴳⴳⴰⵍⴻⵏ ⵏ ⵢⵉⵙⴻⵇⴰⵎⵓⵢⴻⵏ ⵏ ⵛⵛⴰⵄⴱ ⵏ ⵜⵖⵉⵡⴰⵏⵜ ⴷ ⵜⵡⵉⵍⴰⵢⵜ (APC/APW), ⴰⵔⴰ ⵢⵉⵍⵉⵏ ⴰⵙⵙ ⵏ 28 ⵏ ⵓⵡⴻⵎⴱⴻⵔ ⵉ ⴷ-ⵉⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵙⴰ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵏ ⵍⴱⴰⵢⴰⵏ.
ⵉⵙⴰⵍⵉⵢⴻⵏ-ⴰⴳⵉ ⵏⵏⴰⵏ-ⴷ ⴱⴻⵍⵍⵉ ⵜⵉⴳⴰⵡⵜ-ⴰⴳⵉ, ⵢⴻⵍⵍⴰⵏ ⴰⵙⵙ ⵏ ⵓⵢⵏⴰⵙ ⵜⴰⵎⴻⴷⴷⵉⵜ ⵙ ⵜⴻⵇⵏⵉⵜ ⵏ ⵓⴱⵄⵉⴷ (تحاضر مرئي), ⵜⴻⵜⵜⴰⵙ-ⴷ ⴷⴻⴳ ⵓⵙⴻⵏⵏⴰⵔ ⵏ ⵓⵀⴻⴳⴳⵉ ⵏ ⵜⴻⴼⵔⴰⵏⵉⵏ ⵏ ⵍ-ⴱⴰⵍⴰⴷⵉⵢⴰ ⴷ ⵜⵡⵉⵍⴰⵢⵜ ⵎⵉ ⴷ-ⵢⴻⵙⵙⴰⵡⴻⵍ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵛⵛⴰⵄⴱ ⴰⴷ ⵢⴻⴼⵔⴻⵏ, ⵢⴻⵔⵏⴰ ⴷ ⴰⵇⴰⴷⴻⵔ ⵏ ⵍⵇⴰⵏⵓⵏ ⵏ ⵜⴻⴼⵔⴰⵏⵉⵏ (ⴰⵎⴰⴳⵔⴰⴷ 30).
ⴰⵃⵔⵉⵛ-ⴰⴳⵉ ⴰⵎⴻⵏⵣⵓ ⵢⴻⵣⵔⴰ ⴰⵙⴱⴻⴷⴷ ⵏ ⵢⵉⵎⵙⴻⵎⵙⴰⴷⴻⵏ ⵏ ⵜⵡⵉⵍⴰⵢⵉⵏ-ⴰⴳⵉ:
ⵛⵍⴻⴼ, ⵍⴻⵖⵡⴰⵟ, ⵓⵎ ⴻⵍ ⴱⵓⵡⴰⵇⵉ, ⴱⴰⵜⵏⴰ, ⴱⵉⵙⴽⵔⴰ, ⵍⴻⴱⵍⵉⴷⴰ, ⵜⴰⵎⴻⵏⵔⴰⵙⴻⵜ, ⵍⴻⵣⵣⴰⵢⴻⵔ, ⵊⵉⵊⴻⵍ, ⵙⵟⵉⴼ, ⵙⴰⵄⵉⴷⴰ, ⵙⴽⵉⴽⴷⴰ, ⵙⵉⴷⵉ ⴱⴻⵍⵄⴻⴱⴱⴰⵙ, ⵄⴻⵏⵏⴰⴱⴰ, ⴳⴰⵍⵎⴰ, ⵇⵙⴻⵏⵜⵉⵏⴰ, ⵍⵎⴻⴷⵉⵢⴰ, ⵎⴻⵙⵜⵖⴰⵏⴻⵎ, ⵡⴻⵔⴳⵍⴻⴼ, ⵡⴰⵀⵔⴰⵏ, ⴱⵓⵎⴻⵔⴷⴰⵙ, ⵍⵡⴰⴷ, ⵜⵉⴱⴰⵣⴰ, ⵎⵉⵍⴰ, ⵄⵉⵏ ⴷⴻⴼⵍⴰ, ⵏⴰⵄⵎⴰ, ⵖⴻⵍⵉⵣⴰⵏ, ⵎⴻⵙⵄⴰⴷ ⴷ ⴱⵓⵙⵄⴰⴷⴰ.
ⴷⴻⴳ ⵜⴻⴳⵏⵉⵜ-ⴰⴳⵉ, ⵄⴰⵔⵓⵙ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴱⴻⴷⴷ ⵏ ⵢⵉⵎⵙⴻⵎⵙⴰⴷⴻⵏ-ⴰⴳⵉ ⵢⴻⵜⵜⴰⵙ-ⴷ ⵉⵡⴰⴽⴽⴻⵏ ⴰⴷ ⵢⴻⵙⵙⴻⵊⵀⵉⴷ ⵜⴰⵣⴻⵎⵔⵜ ⵏ ⵜⵙⴻⵍⵡⵉⵜ ⴷⴻⴳ ⵓⵏⵔⴰⵔ. ⵢⴻⵙⵙⴻⵊⵀⵉⴷ ⴷⴰⵖⴻⵏ ⴱⴻⵍⵍⵉ ⵉⵍⴰⵇ ⵓⵇⴰⴷⴻⵔ ⵏ ⵍⵇⴰⵏⵓⵏ, ⵜⵉⴼⴰⴼⴻⵏⵜ ⴷ ⵜⵎⴰⵏⵉⵜ (indépendance) ⴷⴻⴳ ⵓⵎⴰⵀⵉⵍ ⵏﺴⴻⵏ.
ⵢⴻⵙⵙⵓⵜⴻⵔ ⴷⴻⴳ ⵢⵉⵎⵙⴻⵎⵙⴰⴷⴻⵏ ⵉⵎⴰⵢⵏⵓⵜⴻⵏ ⴰⴷ ⴹⴻⴼⴼⵔⴻⵏ ⵍⵎⴻⵙⵓⵍⵉⵢⴰ-ⵏⵙⴻⵏ ⵙ ⵜⵉⴷⴻⵜ ⴷ ⵓⵎⵢⴰⵡⴰⵙ ⴷ ⵡⵉⵢⴰⴹ ⵉⵡⴰⴽⴽⴻⵏ ⴰⴷ ⵜⴻⵣⵔⵉ ⵜⴼⴻⵔⵏⵜ ⴷⴻⴳ ⵓⴱⵔⵉⴷ ⵉⵇⵓⴷⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⴰⵢⴰⵏ.
ⴰⵔⵏⵓ ⵖⴻⵔ
