ⴰⵏⴻⵖⵍⴰⴼ ⵏ ⵜⴻⵡⵏⴻⵜ ⴷ ⵜⵓⴷⴻⵔⵜ ⵢⴻⵍⵒⴰⵏ, ⵎⴰⵙⵙⴰ ⴽⴰⵡⵜⵒⴰⵔ ⴽⵔⵉⴽⵓ, ⵜⴻⵙⵙⴻⴽⴷⴰⴷ (ⵜⴻⵙⵙⴻⵔⵔⴻⵒ) ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵜⵍⴰⵡⵉⵏ ⵢⴻⵜⵜⴻⴽⴽⴰⵏ ⵙ ⵍⵊⴻⵒⴷ ⴷⴻⴳ ⵜⴰⵙⵏⴻⴱⴱⴰⵡⵜ ⵏ ⵜⴻⵡⵏⴻⵜ . ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵜⵎⴻⵖⵔⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⴻⵟⵟⵓⵜ ⵉ ⴷ-ⵢⴻⵜⵜⴰⵙⴻⵏ ⴰⵙⵙ ⵏ 08 ⵎⴻⵖⵔⴻⵙ ⵏ ⵢⴰⵍ ⴰⵙⴻⴳⴳⴰⵙ.
ⵜⴰⵎⴻⵖⵔⴰ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵓⵔⵜⵉ ⵏ ⵓⵙⴻⴽⵢⴻⴷ ⵏ ⵍⵒⴰⵎⵎⴰ, ⵙ ⵓⵣⵡⴻⵍ "ⵜⴰⵎⴻⵟⵟⵓⵜ ⵜⴰⵣⵣⴰⵢⵔⵉⵜ: ⵜⵉⵣⵣⵉⵜ ⵏ ⵜⴻⵡⵏⴻⵜ, ⵜⴰⵔⵏⴰ ⵏ ⵜⵙⵏⴻⴱⴱⴰⵡⵜ, ⴷ ⵜⵎⴰⵙⵉⵜ ⵏ ⵜⵎⴻⵜⵜⵉ", ⵜⵜⴻⴽⴽⴰⵏ ⴷⴻⴳ-ⵙ ⵉⵄⴻⴳⴳⴰⵍⵉⵢⴻⵏ ⵏ ⵓⴱⴰⵔⵍⴰⵎⴰⵏ ⴷ ⵜⵉⵏⴼⵓⵔⴰ ⵜⵉⴷⵉⴳⴰⵏⵉⵏ.
ⴰⵙⴻⵔⵔⴻⵒ-ⴰⴳⵉ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵣⴰⵍ ⵏ ⵍⴻⵇⴷⵉⵛ ⵏ ⵜⵎⴻⵟⵟⵓⵜ ⵜⴰⵣⵣⴰⵢⵔⵉⵜ ⴷⴻⴳ "ⵜⴷⴰⵎⵙⴰ ⵜⴰⵣⴻⴳⵣⴰⵡⵜ", ⴰⵏⴷⴰ ⵉ ⴷ-ⴱⴰⵏⴻⵏ ⵢⵉⵙⴻⵏⴼⴰⵔⴻⵏ ⵏ ⵜⵍⴰⵡⵉⵏ ⵉ ⵢⴻⵔⵔⴰⵏ ⵜⴰⵎⵙⴰⵍ ⵏ ⵜⴻⵡⵏⴻⵜ ⴷ ⴰⵎⴽⴰⵏ ⵏ ⵓⵙⵏⵓⵍⴼⵓ.
ⴷⴻⴳ ⵡⴰⵡⴰⵍ-ⵉⵙ, ⵎⴰⵙⵙⴰ ⴽⵔⵉⴽⵓ ⵜⴻⵏⵏⴰ-ⴷ ⴱⴻⵍⵍⵉ ⴰⵙⴻⵔⵔⴻⵒ-ⴰⴳⵉ ⴷ ⵜⴰⴽⵎⵉⵍⵜ ⵉ ⵡⴰⵢⴻⵏ ⵉ ⵜⴻⴼⴽⴰ ⵜⵎⴻⵟⵟⵓⵜ ⵜⴰⵣⵣⴰⵢⵔⵉⵜ ⵉ ⵜⴻⵡⵏⴻⵜ. ⵜⴻⴱⴷⴻⵔ-ⴷ ⴷⴰⵖⴻⵏ ⴰⵙⵓⵔⵉⴼ ⴰⵎⴻⵇⵇⵔⴰⵏ ⵉ ⵜⴳⴰ ⵍⴻⵣⵣⴰⵢⴻⵔ ⴷⴻⴳ ⵢⵉⵣⴻⵔⴼⴰⵏ ⵏ ⵜⵎⴻⵟⵟⵓⵜ ⵙ ⴷⴷⴰⵡ ⵏ ⵜⵣⴻⵍⵎⵉⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ.
ⴷⴻⴳ ⵔⵔⵉⴼ ⵏ ⵜⵎⴻⵖⵔⴰ-ⴰⴳⵉ, ⵎⴰⵙⵙⴰ ⴽⵔⵉⴽⵓ ⵜⴻⵔⵣⴰ ⵖⴻⵔ ⵢⵉⵡⴻⵜ ⵏ ⵜⵎⴻⵣⵏⵓⵜ ⵏ ⵢⵉⵙⵓⴼⴼⴰⵔ ⵏ ⵜⵎⴻⵟⵟⵓⵜ ⵜⴰⵒⴻⵔⴼⵉⵢⵉⵜ, ⴰⵎ ⴷⵡⴰⵢⴰ ⵏ ⵛⵛⴱⴰⵃⴰ ⵏ ⵓⴳⴰⵎⴰ ⴷ ⵜⵣⴻⵎⵎⴰⵎⵉⵏ ⵉ ⴷ-ⵢⴻⵜⵜⵡⴰⵚⴻⴳⴳⵎⴻⵏ ⵙ ⵢⵉⵙⵓⴼⴼⴰⵔ ⵉ ⴷ-ⵢⵓⵖⴰⵍⴻⵏ ⵙⴻⴳ ⵡⵓⵎⵎⵉⵙⴻⵏ.
ⴰⵔⵏⵓ ⵖⴻⵔ
