ⵎⵎⵓⵜⴻⵏ 38 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 1529 ⵏⵏⵉⴹⴻⵏ ⴷⴻⴳ 1261 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴷⴻⴳ ⵜⴰⵍⵍⵉⵜ ⴳⴰⵔ 29 ⵎⴻⵖⵔⴻⵙ ⴷ 4 ⵢⴻⴱⵔⵉⵔ, ⴰⴽⴽⴻⵏ ⵉ ⴷ-ⵜⴻⴽⴰ ⵜⵉⵣⵉ ⵏ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⴰⵙⵙ-ⴰ ⵏ ⵜⵜⵍⴰⵜⴰ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵣⴰⵎⵓⵍ ⵉⵥⴰⵢⴻⵏ ⵢⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵍⴻⵖⵡⴰⵟ, ⴰⵏⵉⴷⴰ ⵎⵎⵓⵜⴻⵏ 6 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 28 ⵏⵏⵉⴹⴻⵏ ⴷⴻⴳ 17 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵉⵙⵓⵢⵎⵉⵙ ⵏ ⵓⵙⴻⵎⵎⴻⵜ ⵙ ⵍⴳⴰⵣ ⵏ "ⵓⵃⴰⴷⵉ ⵓⴽⵙⵉⴷ ⵏ ⵍⴽⴰⵕⴱⵓⵏ" ⵉ ⴷ-ⵢⴻⴼⴼⵖⴻⵏ ⵙⴻⴳ ⵡⴰⵍⵍⴰⵍⴻⵏ ⵏ ⵓⵙⴻⵔⵢⴻⴷ ⴷ ⵡⴰⵍⵍⴰⵍⴻⵏ ⵏ ⵓⵙⴻⵔⵢⴻⴷ ⵏ ⵡⴰⵎⴰⵏ, ⵉⵎⴻⵣⵍⴰ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵅⴻⴷⵎⴻⵏ 58 ⵏ ⵜⵉⴳⴳⴰⵜⵉⵏ ⵉ ⴷⴻⴳ ⴼⴽⴰⵏ ⵜⴰⵍⵍⴰⵍⵜ ⵜⴰⵎⴻⵏⵣⵓⵜ ⵉ 163 ⵏ ⵎⴻⴷⴷⴻⵏ, ⵙ ⵓⵊⴻⵔⵔⴻⴷ ⵏ 5 ⵏ ⵍⵎⵓⵜ ⴷⴻⴳ ⵜⵡⵉⵍⴰⵢⵉⵏ ⵏ ⵙⵟⵉⴼ (3), ⵍⴻⵣⵣⴰⵢⴻⵔ (1) ⴷ ⵙⴽⵉⴽⴷⴰ (1).
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⴰⵙⴻⴷⴷⴰⵔⵉⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵅⴻⴷⵎⴻⵏⵜ 941 ⵏ ⵜⵉⴳⴳⴰⵜⵉⵏ ⵉⵡⴰⴽⴽⴻⵏ ⴰⴷ ⵙⵙⴻⵅⵙⵉⵏⵜ 572 ⵏ ⵍⵃⴰⵔⵉⵇⴰⵜ (ⵉⵅⵅⴰⵎⵎⴻⵏ, ⵜⵉⵎⴳⵓⵔⵉ ⴷ ⵜⵉⵢⴰⴹ), ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵍⴻⵣⵣⴰⵢⴻⵔ (99 ⵏ ⵍⵃⴰⵔⵉⵇ), ⵄⴻⵏⵏⴰⴱⴰ (59) ⴷ ⵍⴻⴱⵍⵉⴷⴰ (37).
ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ, ⵉⵎⴻⵣⵍⴰ-ⴰⴳⵉ ⵅⴻⴷⵎⴻⵏ 6496 ⵏ ⵜⵉⴳⴳⴰⵜⵉⵏ ⵉⵡⴰⴽⴽⴻⵏ ⴰⴷ ⵙⴻⵍⵍⴽⴻⵏ 494 ⵏ ⵢⵉⵎⴷⴰⵏⴻⵏ ⵉ ⵢⴻⵍⵍⴰⵏ ⴷⴻⴳ ⵓⵎⵉⵀⵉ, ⵓ ⴷⴷⴰⵏ-ⴷ ⴷⴻⴳ 5748 ⵏ ⵜⵎⵓⵀⴰⵍ ⵏ ⵜⴰⵍⵍⴰⵍⵜ.
ⴰⵔⵏⵓ ⵖⴻⵔ
