ⵜⴻⵔⵙ-ⴷ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⵙⴰⴳⴻⵏ ⵏ ⵜⵏⴻⵣⵣⵓⵜ ⵏ ⵎⴻⵙⵜⵖⴰⵏⴻⵎ, ⵢⵉⵡⴻⵜ ⵏ ⵍⴱⴰⴱⵓ ⵏ ⵓⵄⴻⴱⴱⵉ ⵉ ⴷ-ⵢⴻⵡⵡⵉⵏ ⵜⴰⵄⴻⴱⴱⴰ ⵏ ⵢⵉⵇⴻⵔⵔⴰⵢ ⵏ ⵢⵉⵣⵉⵎⴰⵔⴻⵏ ⵉ ⴷ-ⵢⵓⵙⴰⵏ ⵙⴻⴳ ⵔⵓⵎⴰⵏⵢⴰ, ⵍⵇⴻⴷⴷ-ⵉⵙ ⵢⴰⵡⴻⴹ 14500 ⵏ ⵢⵉⵇⴻⵔⵔⴰⵢ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵏⵏⴰⵔ ⵏ ⵓⵙⴻⵍⴽⴻⵎ ⵏ ⵡⴰⵀⵉⵍ ⵏ ⵓⵙⵙⴻⴽⵛⴻⵎ ⵏ ⵜⵉⴹⵃⵉⵢⵉⵏ ⵏ ⵍⵄⵉⴷ ⵏ ⵓⵙⴻⴳⴳⴰⵙ-ⴰⴳⵉ.
ⵉⵎⴻⵥⵍⴰ ⵏ ⵜⵡⵉⵍⴰⵢⵜ ⵏ ⵎⴻⵙⵜⵖⴰⵏⴻⵎ ⵏⵏⴰⵏ-ⴷ ⴱⴻⵍⵍⵉ ⵍⴱⴰⴱⵓ-ⴰⴳⵉ ⵜⴻⵔⵙ-ⴷ ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵏ ⵓⵕⵚⵉⴼ ⵏ ⵓⵙⴰⴳⴻⵏ ⵏ ⵜⵏⴻⵣⵣⵓⵜ, ⴷ ⵜⵉⵏ ⵉ ⴷ-ⵢⴻⵡⵡⵉⵏ ⵜⴰⵄⴻⴱⴱⴰ ⵜⴰⵎⴻⵏⵣⵡⵓⵜ ⵏ ⵜⵉⴹⵃⵉⵢⵉⵏ ⵏ ⵍⵄⵉⴷ ⵉ ⴷ-ⵉⵜⵜⵡⴰⴽⴽⵙⴻⵏ ⵙⴻⴳ ⵔⵓⵎⴰⵏⵢⴰ ⵙ ⵓⴱⵔⵉⴷ ⵏ ⵢⵉⵍⵍⴻⵍ.
ⵉⵎⵉⵔⴻⵏ ⴽⴰⵏ, ⵢⴻⴱⴷⴰ ⵓⵎⴰⵀⵉⵍ ⵏ ⵓⵙⵓⴼⴼⵓ (déchargement) ⵏ ⵜⵄⴻⴱⴱⴰ-ⴰⴳⵉ ⵉ ⴷⴻⴳ ⵍⵍⴰⵏ 14500 ⵏ ⵢⵉⵇⴻⵔⵔⴰⵢ ⵏ ⵢⵉⵣⵉⵎⴰⵔⴻⵏ ⵙ ⵢⵉⵡⴻⵏ ⵏ ⵓⵙⵓⴷⴷⴻⵙ ⵉⵕⴻⵙⵙⴰⵏ ⵓ ⵙ ⵜⵉⵍⵉⵜ ⵏ ⵢⵉⵢⴻⵙⴽⵉⵔⴻⵏ ⵎⴻⵕⵕⴰ ⵢⴻⵄⵏⴰⵏ ⵜⴰⵍⵓⴼⵜ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⴷ ⴷ-ⵢⵉⵍⵉ — ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵜⵡⵉⵍⴰⵢⵜ — ⵓⵣⴻⵟⵟⴻⴹ ⴰⵙⴰⴼⴰⵔⴰⵏ (ⵛⵓⵏⵜⵔôⵍⴻ ⵠéⵜéⵔⵉⵏⴰⵉⵔⴻ) ⵉ ⵜⵄⴻⴱⴱⴰ-ⴰⴳⵉ ⵓⵇⴱⴻⵍ ⴰⴷ ⵜⵜ-ⵉⴷ-ⴰⵣⵏⴻⵏ ⵖⴻⵔ ⵢⵉⴱⴻⵔⴷⴰⵏ ⵏ ⵓⴼⵔⴰⵇ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⴰⵔⵔⴰⵢⵉⵏ ⵉ ⴷ-ⵡⵡⵉⵏ ⵢⵉⵎⴹⴻⴱⴱⵔⴻⵏ ⵉ ⵓⵟⵎⴰⵏ ⵏ ⵜⵉⵍⵉⵜ ⵏ ⵜⵉⴹⵃⵉⵢⵉⵏ ⴷⴻⴳ ⵢⵉⴳⴻⴷⴻⵣⴻⵏ (ⵙⵙⵡⴰⵇ) ⴷ ⵓⵣⴻⵟⵟⴻⴹ ⵏ ⵙⵙⵓⵎⴰⵜ, ⵉⵡⴰⴽⴽⴻⵏ ⴰⵖⵔⵉⵎ ⴰⴷ ⵢⴻⵙⵙⵉⵡⴻⴹ ⴰⴷ ⴷ-ⵢⴰⵖ ⵍⵡⴰⴶⴻⴱ-ⵉⵙ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ ⵓ ⴰⴷ ⵉⵅⴷⴻⵎ ⵜⵉⴳⴳⴰⵜⵉⵏ-ⵉⵙ ⵏ ⴷⴷⵉⵏ.
ⵉⵎⴻⵥⵍⴰ ⵏ ⵜⵡⵉⵍⴰⵢⵜ ⵏ ⵎⴻⵙⵜⵖⴰⵏⴻⵎ ⵙⴱⴻⴷⴷⴻⵏ ⵢⴰⴽⴰⵏ ⵢⵉⵡⴻⵜ ⵏ ⵜⴻⵙⵇⴰⵎⵓⵜ ⵢⴻⵄⵏⴰⵏ ⴰⵎⵙⴰⵙⴻⵢ ⴳⴰⵔ ⵢⴰⴽⴽ ⵢⵉⵏⵏⴰⵔⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵔⵔⴻⴱⴻⵃ ⴷⴻⴳ ⵜⵉⴳⴳⴰⵡⵜ-ⴰⴳⵉ ⵢⴻⵙⵄⴰⵏ ⴰⵣⴰⵍ ⴰⴷⴰⵎⵙⴰⵏ ⴷ ⵓⵎⴻⵜⵜⴰⵢⴰⵏ
ⵙⵙⴻⵔⵙⴻⵏ-ⴷ ⵉⵎⵓⴽⴰⵏ ⵉⵕⴻⵙⵙⴰⵏ ⵉ ⵓⵃⵔⴰⵣ ⵏ ⵢⵉⵣⵉⵎⴰⵔⴻⵏ-ⴰⴳⵉ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵜⴰⵣⵣⵉⵜ, ⵓ ⵉⵀⴻⵢⵢⴰⵏ ⴰⵀⵉⵍ ⵉ ⵜⵙⴻⴷⴷⴰⵔⵉⵏ ⵏ ⵢⵉⵎⴻⵊⵊⴰⵢⴻⵏ ⵏ ⵢⵉⵖⴻⵔⵙⵉⵡⴻⵏ ⵉ ⵓⵣⴻⵟⵟⴻⴹ ⴰⵙⴰⴼⴰⵔⴰⵏ ⴷ ⵓⵙⴼⵓⵍⴻⵍ ⵏ ⵡⴰⵏⵏⴰⵔ ⵉ ⵓⵃⵔⴰⵣ ⵏ ⵍⵎⴰⵍ ⴷ ⵜⴰⵣⵣⵉⵜ ⵜⴰⴳⴷⵓⴷⴰⵏⵜ.
ⵉⵎⴻⵥⵍⴰ-ⴰⴳⵉ ⵙⵏⴻⵔⵏⴰⵏⵜ ⵉⵎⵓⴽⴰⵏ ⵉ ⵓⵟⵎⴰⵏ ⵏ ⵜⵣⴻⵎⵎⴰⵔ ⵏ ⵓⵃⵔⴰⵣ ⴷ ⵓⴼⵔⴰⵇ, ⵙ ⵓⴼⵙⵉⵙ ⵏ ⵜⴰⵔⵔⴰⵢⵉⵏ ⵜⵓⴷⴱⴻⵍⵉⵏ ⴷ ⵜⵓⴷⴷⵙⴰ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵉ ⵏ ⵓⵎⴰⵀⵉⵍ.
ⴰⵔⵏⵓ ⵖⴻⵔ
